كويتيات دوناتي ضبطت ,,,,, ولكن !!!! ( بالصور)

[blue rain]

قوة خواتي
انا اخذت طريقة الدونات منكم الله يجزاكم خير
وسويتها مره مقلية
ومرة بالفرن
ومرة بالماكينه

كل وحده ضبطت بشكل
بس الماكينة طلعت حلوة وطعمها حلو وهشه وصغينونه عيالي وزوجي استانسو عليها
شوفو ا

وين المشكلة ؟؟؟
المشكلة انها بصوب تصير غامجة ومحمشه والصوب الثاني فااااااااااااااااااااتحه ما تحمر لييييييييييييييييش ؟؟؟ حاولت اخليها مده اطول احترقت تكفون اللي تعرف الطريقه تعلمني
هل هو من الماكينه
هل لازم اقلبها والا شنو الحل ؟؟تكفون اللي ضبطتها تقولي الطريقه

شوفو شلون صوب حلوة وصوب فااااااااااااااااااااتحه




------------------------------------

 

[جارة القمر]

blue rain



أنا قبل اسويه بالجهاز

تصير احلاته


سويته جم مره وصارت نفس الشكل اللي بالصورة







ناس تقولي يمكن من الخميرة



ويمكن من الجهاز ما توصله حراره

 

[butterscotch]

صبي المقدار بالجهاز
وخليها تستوي شوي وبعدين قلبيها
وبجذي تضمنين انها تتحمر بالتساوي

 

[أمواج البحر]

شوفي انا بالبدايه كان يصير معاي جذي

بس عقب زدت كميه البيكينج باودر فتنتفخ و صارت تتحمر من الصوبين

واذا ما تبين تزيدين البيكينج باودر قلبيها .. ساعات اسوي جذي

ويالعافيه الدونات

 

[جارة القمر]

أنا اتوقع كلام حبيبتي أمواج البحر


عدل


للأن رفيجتي قالتالي نفس الشي

واهي ماشاء الله شاطره بسوالف الحلو

 

[blue rain]

بعد عمري خواتي الغاليات ماقصرتوا جزاكم الله خير
انا شاكه ان الجهاز مايوصل الحراره عدل من فوق عشان جذي تحت تحمر وفوق تظل بيضه
بس بحاول ازيد البكنج باودر وبقلبها
وجزاكم الله الف خير خواتي




===============================

 

[<< أزيان >>]

حبيبتي اذا مستويه مومشكله مولازم تتحمر انا اسوي الدونت بالماكينه وفعلا تحت اللون افتح من فوق تدرين ليش لأن الطبقه

التحتيه تكون ثقيله شايله المقدار كله غير من فوق بسرعه توصل لها الحراره جهازج مافي شي

وماشاء الله شكل الدونت عجيب

نبي الطريقه ماعليج امر

 

[مريم2007]

ممكن الطريقه

 

[blue rain]

الطريقة خذيتها من اخت نسيت اسمها والله .....الله يجزاها كل خير ويرزقها ويوفقها يارب
بنات الطريقه سهلة سهلة وممتعه وما تاخذ دقايق
المقادير
1ونص كوب طحين
4 بيضات
1 كوب سكر
ربع كوب زيت
1 ملعقة طعام بيكنج باودر
1 ملعقة صغيره بودرة الفانيليا
2 ملعقة صغيره هيل
1 علبة حليب مركز( غير محلى)
الطريقه

انا حطيت كل المقادير السائله بخلاط الكيك مع السكر والبيكنج باودر والفانيليا وخلطتهم عدل بالماكينه
بعدها ضفت الطحين بالتدريج وخليتها تنخلط عدل
بعدها صبيتها سيده بالماكينه
قسم منها حطيت صوص الكاكاو بصحن وغمست الوجه فيها وذريت السكر الملون عليها عشان عيالي يستانسون
القسم الثاني غمسته بصوص الكراميل (والاخت كتبت طريقتها سهله وحلوة) وهم ذريت عليه الملون
والقسم الثالث من دون اضافات لانها طعمها حالي حتى بدون اضافات حلوة تهبل خاصه مع القهوة

وطريقة صوص الكراميل

تجيبين قالب زبده 100 غرام وتذوبينه على نار هاديه
وتحطين عليه نص كوب سكر
وعلبة واحده قشطه
وتحركين عدل عدل على النارعشان ماتتلكع لما تحسين انا صارت كثيفه ولونها اشقر
وتغمسين وجه الدونات فيها

والله يابنات الله يجزي الاخت اللي حطت الطريقه كل خير لانها صج انفعتني عيالي استانسو حيل عليها بس تمنيت انها تصير من الوجهين نفس اللون



ويعطيكم الف عافيه خواتي وجزاكم الله خير على مساعدتكم لي









=================================