كويتيات العزيزات يمكن القى عندكم الحل للوسواس القهري والاكتئاب

[البيداء_77]

السلام عليكم ....


حبيت اقولكم مشكلتي مو من باب الشكوى ولاكن من باب المشوره .......


اعاني من الوسواس القهري والاكتئاب دايما اوسوس اني مريضه واني بموت ويحوشني خوف مو طبيعي مع انه ما في شي يخوف ودايما من يصير المغرب تحوشني ضيقه مو طبيعيه دايما خايفه على ولدي والله احس اني زهقت اهلي وضيقت خلقهم وتعبت زوجي معاي وماني عارفه شنو اسوي كل يوم تحوشني فوبيا شكل
هل وظعي له علاج انصحتني وحده اني اكل فيتامينات؟؟


يا ريت الي عندها فكره تساعدني وبدعيلها من كل قلبي


والله انه مو مثبتني الا القران (البقره) والصلاه والذكر


واسفه على الاطاله

 

[البيداء_77]

كويتيات ردو على مو هذا العشم

 

[sweetcandy]

اختي ضروري تروحين دكتور نفسي يصرفلج علاج فتحي الجريدة وشوفي صفحة الدكاترة وروحي العيادة والله يرفع عنج آآآمين

 

[دكتور محمد دهب]

السلام عليكم

براسلك على الخاص وبسالك عن بعض اعراض مشكلتك وبحاول مساعدتك فى مشكلتك

ان شاء الله

دكتور محمد

 

[البيداء_77]

الله يعطيك العافيه يا دكتور

 

[كسرة عود]

الله يعينج يارب

 

[دنيا رديه]

اقري قراان او روحي حق مطوووع

 

[كويتيات]

طمنينا عليــج اختي

والله هذا اختبار اصبري وثابري على قرآءة القرآن ودايما قولي لعله خيــر لانه والله خيــر وانتي بنعمه وافضل من غيرج بوايد
اسعي ورا العلاج النفسي والديني و دايما قولي ورددي في قلبــج ان كل شي مقدر ومكتوب و محد يقدر ايضرج إلا بإذن الله ومحد بينفعج إلا بإذن الله هالكلام كلنا عارفينه بس لما نكرره ونردده راح يترسخ بالعقل الباطن و تتطبق وعلى الاقل تخف الحاله

 

[ميار الفارس]

الله يعينج يابعد عمري نا نفسج بالضبط ومو مصبرني الا البقرة وانا رحت مطوع وقالي شنو اعراض الحسد من ظمنها الي ذكرتية من يصير المغرب تحوشني ضيقه مو طبيعيه

وناس نصحوني بالطبيبي النفسي بس انا مابي اخاف من الادوية

وعسى الله يشفيج ويشفيني من الوسواس والمسلمين اجمعين

 

[Blue Dreems]

الله يخفف عنج ويشافيج ان شاء الله
تقربي اكثر من رب العالمين حاولي تقرين قرآن على قد ما تقدرين وعليج بصورة البقره
ووكل ما حسيتي بالضيقه قومي توضأي وضوء الصلاة وصليلج ركعتين
وكثري من الاستغفار على قد ما تقدرين استغفري
ياجماعه للاستغفار نتايج عجييييبه
والله يفك كربتج ان شاء الله

 

[الاسطورية]

انا تخصص علم نفس
هالحاله ماتشخص انها مرض الا اذا مر عليج اكثر من 3 شهور وانتي تعانين منها
اذا غير جذي ممكن يكون مؤقت ويروح

انا مريت مثل حالتج لما ياني القولون
بس افكر بالموت والمرض والفراق
غيرت تفكيري بنفسي لازم تغيرينه من نفسج
اول شي تسوينه لا تبينين لاحد لاتبينين لاهلج وريلج خصوصا لان لا بينتيلهم خلاص بياخذون عنج مع الوقت فكره انج جذيه ويوصفونج بالوصف وكله يطالعونج نظره حزن
انتي من الحين ابدي رافجي وامشي مع الي يضحكون ويونسون
وطالعي افلام كوميدي اجنبي ومصري
اذا حسيتي ضايق خلقج قومي لعبي مع ولدج ولا دقي على رفيجاتج سولفي

انا سويت شي يساعدني وقت الي يضيق خلقي
سويت مذكره كبيرررررره وبس يصير موقف يضحك اجكجك واصور بالتلفون واحط كل المواقف بالمذكره واكتب شنو صار لاضاق خلقي بس افتح هالمذكره اقعد اضحك

يعني انتي تحكمي بحياتج لاتسمحين له اي مجال انه يدخل حياتج طرديه طرديه
قولي ماراح اسمحلك تخرب حياتي وعانديه انا حاسه فيج مريت بهالمرحله تخرررررع بس لازم الواحد يقاوم ويفوز
من الاشياء الي تساعد اقري كتب مفيده مثل كتاب لاتحزن
وطالعي افلام فيها عبر ومعاني في افلام اجنبيه تغير كل تفكيرج بالمره مثل بيوتيفل مايند العقل الجميل وايد حلو

 

[fatooosha]

حبيبتي والله ما تشوفين شر وعسى الله يشافيج انشاء الله والله انا بعد قاعدة امر بنفس اللي انتي تمرين فيه وحدي تعبانه تقريبا صار لي اسبوع وشي بس مثل ما قالت اختي الاسطورية انتي بنفسج تقدرين تخلصين نفسج من اللي انتي فيه وصج كتاب لا تحزن وايد عجيب اقريه راح يفيدج وايد انا ما اخليه كل ما حسيت اني متضايقة ولا ياني الوسواس مسكته وقريته ولا قعدت اقرا قرآن لا تخلين الأذكار والمعوذات على طول وكثرة الاستغفار والتعوذ من الشيطان حاولي تختمين القرآن سبحانه الله ترتاحين ، الله سبحانه ما يخلي عبده انا حالتي وايد كانت صعبه الاسبوع اللي طاف بس الحين احس اني احسن اشوي وكل شي بيد الله هذا اختبار من الله للعبد يشوفه يصبر على بلاه ولا لأ واتحلي بالصبر وانشاء الله تفرج بإذن الله . وعسى الله يفرج همنا اجمعين وهم امة المسلمين. وآسفة على الإطالة حبيبتي.

 

[NoWay2know]

شوفي الاسباب اللي خلتج تفكرين جذي، ماكو شي تحسينه بدون سبب، ومثل ماقالو راجعي اخصائي نفسي يطلعج من الحاله اللي انتي فيها

 

[smile kw]

اختى الغالية البيداء
شوفي حالة الةساوس القهريه تحتاج علاج نفسي بدون ادية وتنتهي باذن الله الا اذا كانت وساوس متقدمة يعنى في مرحلة متقدمة تحتاج علاج نفسي وعلاج ادوية وبما ان حالتك ليست متقدمة انصح واققترح عليكى تتصلي بمركز الراشد عندهم دكاترة متخصصين للوساوس وكم جلسة وتتخلصين من هذا الهم واتصلي اول وكلمنى وطلبي الدكتور عاشور وكلميه بالهاتف وشوفي هل تقتنعي فيه وانا متاكدة انك راح تقتنعي لان
مركز الراشد ييونه حالات من قطر والسعودية
اتصلي عليهم ولا تترددين وطلبي قسم الاستشارات الاخت حنان 22666206

 

[شمـــــريه]

الله يشافيج ان شاء الله
ما عندي رد غير اني ادعي لج

 

[يا حلوه يا انتي]

الله يشافيج حبيبتي انا بكلمج عالخاص

 

[غلا بنت الكويت]

أسأل الله العظيم رب العرش العظيم أن يشفيج

شوفي خليج مستمرة على قراءة القرآن وإقري سورة البقرة وسورة ق

وإنتي ساجدة بالصلاة إدعي قولي اللهم إني أعوذ بك من همزات الشياطين وأعوذ بك ربي أن يحضرون وقولي ياربي ياحي ياقيوم

اشفيني وعافيني وكررري ثلاث مرات في كل سجدة وحاولي تغيرين تفكيرج وتفكرين بأشياء إيجابية وكثر ماتقدرين كوني متفائلة

والله الشافي وخليج موقنة بأن لن يصيبنا إلا ماكتب الله لنا ودايما تفائلي وإنه الدنيا حلوة وحاولي تشتركين بدورات أو تحفظين القرآن عشان مايكون عندج وقت للوساوس والتفكير السلبي
وبعد قبل لاتنامين ارقي نفسج اقري الفاتحة 7مرات والمعوذات وانفثي بإيدج وإمسحي كل جسمج

وإن شاء الله راح الله يشافيج بإذنه تعالى

تحياتي