كويتيات الذويقات حياكم اباكم ف شغله

[uae_2009]

هلا حبايبي شحالكم ان شاءالله بخير


بدخل فالموضوع على طول انا قررت اسوي بزنس والي هو افصل دراعات من الكويت الي ف مجمع العربيد طبعا انا من الامارات وان شاءالله بيي ف شهر 8 اول ثمانيه يعني ف ارمضان وافصل كل المقاسات s m l

شو رايكم ف هالتجاره وخصه نحن ماعندنا نفس الدراعات ؟؟ وياريت لو تخبروني المحلات الي اييبون دراعات حلوه عشان مااضيع وقت

وان شاءالله بعد باخد من القمصان الطويله الشيك

هي صح وانا بيي الكويت بتم فيها 3 ايام او 4

يعني بيمديلي افصل كميه

لاني قبل ييتها وفصلنا كمن دراعه وخلصوها النا

وحابه بعد اخذ البجامات الي تتحصل ف ستي سنتر مال الرسومات والاشكال بس اباها بسعر ارخص وجمله ياريت لو تعرفون اتخبروني لاني ابا ارتب اموري من الحين


ممم وبس

ياريت التاجرات والذويقات يخبروني وبكون شاكره لكم ^^ السموحه منكم​

 

[uae_2009]

افا

 

[<miss botamba>]

بالنسبه لي ٩٩٪ من المعروض عندهم مو حلو و الخامات تشيب

انا شسوي انا اشتري الخام و الكلف وايب التصميم و اهما بس عليهم التنفيذ لان تطريزهم وخياهم حلو

بجامات جمله ماكو بس ممكن تروحين الاسواق الشعبيه يرخصون لج جم دينار

 

[الشطي]

حيا الله اهل الامارات خووش تجارة بس 3 ايام مايكفي احنا داخل الديرة ويقول اسبوع

 

[uae_2009]

بالنسبه لي ٩٩٪ من المعروض عندهم مو حلو و الخامات تشيب

انا شسوي انا اشتري الخام و الكلف وايب التصميم و اهما بس عليهم التنفيذ لان تطريزهم وخياهم حلو

بجامات جمله ماكو بس ممكن تروحين الاسواق الشعبيه يرخصون لج جم دينار

هلا حبوبه

فديييتج انا مفصله قبل من عندهم واحس قطعهم حلوووه

ممم عيل وين اسير وافصل مابيمديلي اخذ قطع واعطيهم احس شغله ماقدر

 

[uae_2009]

حيا الله اهل الامارات خووش تجارة بس 3 ايام مايكفي احنا داخل الديرة ويقول اسبوع

الله يحيييج حبيبتي

مممم حتى اختي تقول مايكفي 3 ايام بطالع على حسب دوام اخوي اذا يقدر بنتم اسبوع

ويسلمووو ع المرور ^^

 

[ام الدرر]

حبوبة العربيد ماكو عليه وتلقين كل شي جاهز
تختارين الموديل اللي تبين من المعروض
بس الافضل تجين قبل رمضان بفترة
لان برمضان بيصير عليهم زحمة واخاف يعطلونج
وهم بهالفترة بيرفعون الاسعار
يعني هالايام وايد مناسب لان مافيه موسم عندهم ركوووووود
وعسى الله يفتح عليج ويوسع رزقج


​

 

[uae_2009]

حبوبة العربيد ماكو عليه وتلقين كل شي جاهز

تختارين الموديل اللي تبين من المعروض
بس الافضل تجين قبل رمضان بفترة
لان برمضان بيصير عليهم زحمة واخاف يعطلونج
وهم بهالفترة بيرفعون الاسعار
يعني هالايام وايد مناسب لان مافيه موسم عندهم ركوووووود
وعسى الله يفتح عليج ويوسع رزقج​

مشكوره حبيبتي ع المرور


ممم ترى قلت حق اخوي بس مايقدر قبل ارمضان ونحن من اسبوع رادين من الكويت واغلب الدراعات شتويه ومافي اشياء يديده نفس السنه الي طافت فقلنا نتريا لين الصيف

الله يوفق الجميع يارب

^^

 

[uae_2009]

Uuuuuuuuuuuuuuuuup

 

[هواي حضرة سموه]

هلا حبيبتي يا مرحبااا الساع
حياج الله بديرتج الثانية الكويت أنا راح اساعدج ما أروم << حلوووة بديت أرمس اماراتي ‎;-)‎‏ بس إذا وصلتي خبريني عشان أدوج فيج من مكان لي مكان مايحتاج تاكسي أنا بالخدمه راح أختصر عليج الطريج وأوديج كل الأماكن بإختصار وبدون تعب وبدون ضرايب ‎‎‏ شرايج ؟

 

[uae_2009]

هلا حبيبتي يا مرحبااا الساع
حياج الله بديرتج الثانية الكويت أنا راح اساعدج ما أروم << حلوووة بديت أرمس اماراتي ‎;-)‎‏ بس إذا وصلتي خبريني عشان أدوج فيج من مكان لي مكان مايحتاج تاكسي أنا بالخدمه راح أختصر عليج الطريج وأوديج كل الأماكن بإختصار وبدون تعب وبدون ضرايب ‎‎‏ شرايج ؟

فديييييييييييييييييييتج والله تسلمين

بس اخاف اتعبج معاي ؟؟

يعني انتي فاضيه ؟؟

ممم اهم شي ذويقه خخخ


انزين حبوبه ابا اتواصل وياج

كيف

عندج بلاك بيري؟؟

 

[هواي حضرة سموه]

لا عادي مافيها تعب بس أنتي قوليلي متى بتوصلين
لأ للأسف ماعندي بلاك بيري

 

[uae_2009]

بشوف اخويه وعقبها بتواصل وياج

 

[uae_2009]

Uuuuuuuuuuuuuuuuuuuuup


حبوبه ويييييييينج