كويتيات ابيكم بشغله ممكن؟

[دمـوع الشـموع]

السلام عليكم
كويتيات شخباركم شلونكم
انا ان شاء الله بزور الكويت في 30 - 3 - 2008
يعني بعد 3 اسابيع
ابي جدول واماكن ازورها حلوه اعرف ان الكويت حلوه كلها لكن مامعي وقت 5 ايام بس
انا زرتها من قبل بس ابي شي جديد واماكن واسواق جيده
وابي محلات تبي ملابس حلوه واسعارها مو غاليه _03BA: مو مماركات مابي ماركات :krkrkr:

وشاكره لكل وحده ترد علي:tek:

 

[قلب راشد]

ما طلبتي شي يالغلا

حيااج الله بالدييره ورااح تنورينهم بوجوودج

عن نفسي أحلى مكان وأسعاره منااسبه الفنااار والمهلب اسماء مجمعات

وفيه بعد مجمع يديد إسمه مغاني اذا مو غلطانه يمدحونه بس الى الحين ما رحت له

لي عووده ..

 

[مطلع الشمس@]

حياااااااج الله يالغاليه بالديره العين اوسع لج من الدار
عندج مجمعات بشارع سالم المبارك
وعندج الافنيوز
والمنشر والكوت بالفحيحيل

 

[أم صالح]

ياهلا وغلا فيج اختي وحياج بديرتنا

بما ان المدة 5 ايام بسويلج جدول ان شاء الله يعجبج

اليوم الاول بعد ماتريحون روحو المارينا مول ولفوا فيه اخذي فكره عن المحلات وفيه العاب للاطفال اذا معاكم اطفال وبعدين طلعوا المارينا البحري (الجهة المواجهه للبحر) روحو عن طريق الجسر وتعشوا او تغدوا في المطاعم المنتشره هناك

اليوم الثاني قومو الصبح وروحو المركز العلمي عالبحر (اكواريوم) ترا يستحق الزياره وتغدوا في مطعم فريج صويلح
والعصر او المغرب بعد ماتريحون روحوا سوق شرق وتسوقوا واستانسوا وقعدوا بالكافيهات اللي بره وتعشوا وردوا

اليوم الثالث خلوه حق الفحيحيل الكوت بالفحيحيل وايد حلو وممكن قبل لا توحون الكوت تمرون مجمع كويت ماجيك فيه ملاهي اطفال وفيه ملابس حلوه وبعد مجمع اجيال تلاقين فيه ملابس وشنط وكلهم بمنطقة الفحيحيل يم بعض بس اذا ناويه تروحين لهم خصصي يوم كامل حق الفحيحيل لان المجنعات كبيره وراح تلفين ويروح الوقت يعني ممكن من الصبح كويت ماجيك وتغدون فيه وبعده اجيال والمغرب بالكوت وتريحون بالكافيهات الحلوة وتعشون وتردون

اليوم الرابع زوروا الابراج وتمشوا غالبحر واتجهوا الى حولي مجمع المهلب فيه ملابس خصوصا للمحجبات ورخيص مكن بالليل تدخلون سينما بنفس المجمع او تتعشون فيه(اذا حابه ملابس رخيصه وحلوه وبما انكم بمنطقه حولي مري المجمع الشمالي كله محلات ملابس نسائيه وحفلات واسعاره معقوله بس حلو

اما اليوم الخامس لازم تروحين سوق المباركيه وتاخذون من حلويات الشمالي رهش ودرابيل حق الاهل وتشوفون الاسواق التراثيه والصبح روحوا الافنيوز لاتطوفونه حلو وايد

بس عاد تعبت

رابع يوم روحو

 

[السولعية]

هلاا خواااتي

بس عندي سؤال مجمع المهلب في وين اي منطقه وشنو شي معروف قريب عنه ؟؟
ومطعم فريج صويلح بعد في وين ؟؟ ومشكوووره

 

[أحلى^حياه]

السولعية
المهلب في منطقة حولي وهذي المنطقة فيها اسواق ومجمعات مثل مجمع النقرة
مطعم فريج صويلح بالسالمية قريب من مارك سبنسر


ولا تنسووووووووون تروحووون مجمع الافنيووووووووووز حدده حلوووووووووووووووو
واهم شي المركز العلمي و اذا عندكم اطفال مرح لاند , حديقة الشعب , المدينة الترفيهية

 

[MiSs_ViSTa]

روحي بعد مجمع ستي سنتر الي بالسالميه هم في العاب و اسعارا معقوله و في كل شي

 

[دمـوع الشـموع]

يا حلوكم مشكوين كثيييييييييير
انا راح اسكن في المارينا
وزوجي عنده مؤتمر هناك يعني مايمدي الصبح اطلع لاي سوق غير المارينا خخخخخخ
عشانه قريب
انا زرت الفنار
والمهلب وشرق
الافينيوز شكله جديد ولي زياره فيه باذن الله حتى مغاني ان شاء الله لي زياره والمهلب انا كان معجبتي لي رده فيه

 

[Hello_kitty]

حبيبتي اذا تبين ملابس الكويتيات المتميزين فيها واللي ما تلاقينها بره الكويت

عند بيت ديفا وكريسما يصيرون يم المستشفى الأميري


وجبال سوق شرررق على طووووووول


وعندج بعد بيوت بهبهاني يم الكنيسه

طول السنه معارض يعرضون فيها الكويتيات شغلهم وبضايعهم تلاقين اشياء حلوه عندهم

واذا بتسكنون بالمارينا تمام كل شي يمكم مو بس مجمع المرينا تقدرين تتمشين فيه

عندج مجمع الفنار ومجمع البستان ومجمع زهره ومجمع الثريا ومجمع ليلى غاليري ومجمع مريم ومجمع بلازا ومجمع غاليريا 2000

كلهم قريبين من بعض وبشارع واحد تقدرين تتمشين فيهم واغلبهم مجمعات تبيع ملابس وماركات راقيه


وبالديره عندج مجمع الرايه وايد حلو وراقي وهادي


وحياج الله بالكويت واي شي تبينه احنا حاضرين وبالشووفه

 

[بنت عبدالغني شربت]

حياج الله ونورينا نبي تقرير منج عن الكويت

 

[دمـوع الشـموع]

مشكوره على المعلومه زين يعني حولي اسواق كثيره اقدر امشي لها
بس شنو بيوت البهبهاني يم الكنيسه معقول الكويت فيها كنيسه
اختي ان شاء الله لما ارجع بكتب احلى تقرير
عاد انا من عشاق دولة الكويت

 

[ريلاكس]

ايه فى كنيسه من زمان موجوده!!

 

[!!.. غير البشر ..!!]

حيـآآج الله بديرتنا
بتنورينهـآ


واشوف البنات ماقصرووو كتبو كل المجمعات تقريبا
ان شاالله تستانسين بديرتنا =)

 

[روانق]

حياج اختي ان شاء الله بالكويت وراح تعجبج
ونسيتوا يابنات تقولولها بعد لازم تفضين نفسج يوم يكون يوم استرخاء واستجمام وراحه ونظافه (بعد التعب والتمشي )
تروحين هيربل سبا مكانه بالرقعي لايطوفج وبعد في قسم ثاني لزوجج تروحين انتي وياه وتسون مساج وحمام وكل شي عندهم
وراح تطلعين منهم فرش وراح تزورينهم كل مره ماراح تندمين

 

[بنفسجية]

شوفي ..
دامج ساكنه بالمرينا
اول يوم قضيه هناك
تمشي فيه
و تعشي ..
و ثاني اليوم ، الظهر تقدرين تتمشين فيه بعد
و العصر تروحين مجمع ثاني ..
احلى الاماكن و المجمعات :
الافنيوز
المنشر و الكوت
المهلب
الفنار و شارع سالم المبارك
سوق شرق
قهاوي موفينبك البدع ، هذا بكون قريب من فندقج
اهوا مجموعه مطاعم و كافيهات
موجودة بمنطقة البدع ..
اتمنى اكون فدتج
وحياج الله بديرتج ..

 

[فتاة مكه]

هلابك اختي

ياليت تصورين لنا كل شي زرتيه

انا من اول نفسي ازور الكويت بس زوجي مايحبها يقولي مثل جده كلها مولات ومطاعم

ابغاك تصورين الاماكن الزينه عشان ادخل بها في عينه

ورحله سعيده ترجعين بسلامه

 

[MaZyOoOoNa]

فتاة مكه دشي قوقل كتبي موفمبيك الكويت كتبي الافنيووز وانشالله بيعجبوون ريلج