كويتيات أنقذوني باقي 3 ساعات ونص على ما يرجع زوجي من الدوام ومتوهقة

[his only]

السلام عليكم

كويتيات الله يرضى عليكم و يفتحها عليكم ابي الفزعة
متزوجة حديثة خبرتي بالمطبخ متواضعة محتاجتكم
امس داقة الصدر وقايلة لزوجي اني بسوي الغدا و راح يكون
الذ من العسل والحين متوهقة مادري شسوي
عندي صدور دجاج امس متبلتهم بزيت زيتون و خل و ليمون
و روب و بصل و ثوم و ملح و فلفل اسود ودبس رمان لوووووووول ادري
ماكو شي مو حاطته ;$
واليوم الصبح قصيت بطاط دائري ويا فلفل بارد أحمر وأصفر للتزيين
ولان احب طعم الفلفل ;p
و حطيت له توابل فلفل احمر و بصل بودر و ثوم بودر و ملح وفلفل أسود
لوووووووووول لحد يضحك على سالفة التتبيل قلت لكم مبتدئة بس قاعدة واخربط
الحين شسوي شورو علي مو عارفة شلون اقدمه؟
احطه كله ببايركس و اقدمه مشوي ولا اقليه و ازينه؟
واذا حطيته ببايركس لازم اضيف عليه شي مثل معجون طماط
او كاري عشان لا يطلع ناشف ولا شلون؟!
امبي بليز هيلب كويك مادري شمخربطه

 

[شادن33]

حطيه كله ابايركس وحطي شويه زيت وغطي البايركس بغطاته عدل عشان يستوي عدل
يبيله ساعه تقريبا
وقدميه مع فتوش او حمص اذا عندج او سوي طبق شوربه كويكر مع الكريمه سريعه وسهله بس شوفان كويكر ومرقه ماجي وكريمه

 

[درب الخير دربي]

اهلين الله. يسهل عليك
شوفي حطي كل. الشغلات ببايركس وغطيها بقصدير وشغلي الفرن من تحت. ولا تفتحين. القصدير. خليه. حوالي ساعه
وبعدها بتلاقيها. نضجت. شبي. عليها من فوق شويتين. تتماسك وياليت. تحطي. شوية. ماي. علشان. ماتنشف. وحبة. ماجي

وقدميها. اما. مع رز ابيض. او خبز
وضيفي. لها. مقبلات. حمص وزبادي. مخفوق. وعليه. زيت زيتون
او زبادي وذرة وليمون وملح وسماق. تجنن. زوجي. ادمن. عليها
او مثل ماقلت. اختنا. شوربة.
او سطلة. خضراء. وفيها. قطع. مخلل. او طرشي. وسلامتك. بشرينا. وش. صار زين ؟؟؟

 

[نبض السعاده]

الله يوفقج بطبختج تطلع لذيذه

 

[his only]

درب الخير و شادن ما قصرتو :*
سويت بنصيحتكم و حطيته ببايركس مع شوي ليمون زيادة
و ماي و ماجي طلع خيال زوجي قضى عليه كلهه لوووول مستانسسة
اول مرة اسوي شي يعجبه مشكوووووورين

نبض السعادة فديتج يا قلبي تسلملي الدعوات الحلوة