كوني صديقتي كوني اختي نخاف على بعض ونحب بعض بصدق

[wujud]

:eh_s(17):السلام عليكم ورحمه الله وبركاته:eh_s(17):

"""""""""​

ليش البنت لمه تكون عندها صديقه وسنين مع بعض صديقات لمه اتزوج وحده تهد رفيجتها
ولمه رفيجتها اتزوج ترجع لها ؟؟
هل هذا خوف؟؟ انزين من شنو الخوف مو صديقتج بتفرح لج تحبج تعتبرج اختها
ماراح تحسدج بتدعي لج
ليش لمه تزوجن رجعتي لها؟؟؟ علشان صار عندها ريل؟؟ مابتاخذ ريلج منج؟؟
ليش هذا كله ليش؟؟
ليش لمه تحبين بنت وتعتبرينها اختج ورفيجت عمرج تخدعج تطعنج تتكلم بالجذب بشرفج؟
ليش مايكون في رفيجات مثل الخوات واكثر ؟
ليش مايحبون بعض وخافون على بعض؟
احنا بهدنيا ناس مالنه اله الله ونفتح قلبنا لخلقه نبي احد يشاركنا بمشاعرنا بفرحنا بحزنا
موبس الزوج المره تحتاجه بحياتها تبي احد قريب منها تهمس لها عن الي بقلبها تواسيها
تشتكي لها
تمسح دمعتها يضحكون مع بعض يبجون مع بعض؟؟
ليش هشي مايصير ؟؟؟ صار بالحلم ؟؟؟ بالافلام ؟؟ بالمسلسلات؟؟
ليش اختفه من الواقع؟؟
مشاعر الناس تغيرت؟؟؟
شلي تغير؟؟؟ وليش تغير؟؟؟؟
ياليت انحب بعض بصدق وبدون خدااع كفااايه لي مته خداع وحسد؟؟؟
لي مته نمييمه وغيره؟؟؟​

وللحديث بقيه....................الى اجل غير مسمى:eh_s(2):

من " وجود"
الى اختي التي لم تلدها امي
بنات وحريم وامهات كويتيات النسائيه
:eh_s(17)::eh_s(17):

 

[Dancing^Queen]

والله يا اختي موشرط
لكل قاعده شواذ وهالحالات اللي تكلمتي عنهم اتوقعهم شواذ القاعده
او انهم مو ربع صج

الحمدالله لي 11 سنه متزوجه وصديقتي الصدوقه لازالت صديقتي الصدوقه الله لايفرقنا
صج انا الها عنها وابعد فترات واهي تبعد فترات بس معزتها وغلاها ماتنقص سانتي بقلبي واوله عليها
ولو ماكلمنا بعض اسبوع او شهر بس تدق علي او ادق عليها وباول الوووووو جنه ما مر هالاسبوع او الشهر علينا ولاتتشرهه ولا اتشرهه وادري ان حجت حجايحها اهي اوووووول وحده بتفزع لي بدون تردد والعكس صحيح

واعتبرها اكثر من اخت لي واتمني ان اشوفها بنفنوفها الابيض واي يتراولي بصير امينه رزق حزتهااااا بفحط بجي من الوناسه لها ويافرحتي بعيالهااااااااااااااااا (زين جذييييييييي عيوني غورقت الحين ويسيح كحلي)


ذكرو الله قولو ماشاءالله وان شاءالله تظل رفيجتي طووووووول العمرررر وعيالنا يصيرون ربع

 

[حشمه]

لا خوف ولا غيره المشكله كلها

ان الوحده تلهى مع البيت واليهال

تلهى عن صديقاتها لان صار في اولويات

بحياتها زوج واطفال واهلها واهله وغيره من امور

حاليا اللي جامعنه الوتس اب خلنه بينه

اتصال اكثر من اول والانقطاع مرفوض بينه ان شالله

 

[Nicki Minaj]

لأنه من أول هذيلي مو صديقات بكل ما تحمله الكلمه من معنى .. الصداقه ما تنقال حق أي احد رافجته بو يومين اسبوعين سنتين .. ما تهم المده يهم المضمون بهالمده
الصداقه انه الصديق يكون ويآك بضروفك السيئه والزينه ويفرح من فرحك ويزعل من زعلك .. ترتاحله وتفتح له قلبك وهالشي من الطرفين هذي اهيا الصداقه
عيل وحده بتتزوج وتقاطعها عشان خايفه تحسدها ؟ أوريدي عرفي هذيلي مو صديقات
يمكن زماله .. يمكن ربع وناسه .. يمكن بس اذن صاغيه ..
يعني ناس زميلات وتجمعهم ضروف معينه عمل دراسه هذيلي مو صديقات
وحده بس تماشي بنيه عشان تستانس على سوالفها وطلعتاها وبس هذيلي ربع وناسه مو صداقه .. وحده كل ما ضاقت عليها الدنيا تذكرت وجودج ودقت بس تشكيلج وانتي تسمعين لها وباجي الوقت ناسيه وجودج هذيلي ربع الاذن بس .. وايد في ناس من هالنوع بس مو معناتها هذي صداقه ... بوجهة نظري

 

[iLLuMinaTion]

المفروض الزواج ما يفرق الصديقات

 

[سارووه الاموره]

اي انا رفيجتي تزوجت وسحبت السيفون علي


وانا تزوجت لهيت عن رفيجتي الثانيه صارت ماتدق ولا شي وانقطعنا ..


والحين تزوجت ادق ماترد لووووووووووول

ماعندي رفيجات

خلصو رفيجاتي

.....

بصراحه

رفيجاتي الي صج استانس معاهم وواثقه انهم ماراح يخلوني خواتي وبنات خالتي وبنات عماتي .. استانس معاهممم


وعندي رفيجات بالنت يعرفون عني اشياء رفيجتي الي سنين احاجيها ماتعرفها ...


الحمدلله ع كل حال ..



اتوقع الي صاير ظرووف ..... مادري :\ يمكن​

 

[انا لحبيبي .]

هناك سببين ان البنت تترك صديقاتها بعد الزواج ،

الاول :

ان العلاقه التي كانت تربطها فصديقتها ماكانت علاقه متينه ، لانه من الصعب ننسى ونمسح جزء من حياتنا بالسهوله هادي .

التاني :

الزوج ،

الزوج بكون مابدو ياها تستمر بعلاقتها مع صحباتها فبمنعها عن هاد الشي .


عموما يلي بصير ، انه الوحده بتترك صحباتها مو لانها ما بتحبهم ولا بدها علاقه فيهم ، بس بموجب انها بدت حياه جديده زوج واسره يعني الحياه بتفرض عليها هالشي لمده مؤقته ومعينه ، بتصير تهتم بزوجها وببيتها ، لانه فتره العزوبيه بتكون بلا مسؤليه بس الزواج مسؤليه .

​

 

[wujud]

الله يتمم عليكم صداقتكم

 

[أم توتو]

انا ماعندي صديقات ودخلت هالمنتدى على امل اني القى صديقه تحبني تفقدني اعتبرها توام روحي
ساعات اتغبط اختي عندها وايد صديقات تسولف عنهم ويهدونها وتهديهم ويعزمونها انا مالي احد صج اهلي وجماعتي فيهم البركه بس ابي وجوه جديده يحياتي اسفه قرقرت وايد عليج

 

[wujud]

حبيبه قلبي ام توتو
ان شاء الله تلقين صديقه
وانا صديقتج

 

[wujud]

55 ورد جم وحده بس
وينكم بنات شاركونا
اب
اب

 

[wujud]

اب
اب
اب

 

[wujud]

اب
اب
اب
اب

 

[أم توتو]

حبيبه قلبي ام توتو
ان شاء الله تلقين صديقه
وانا صديقتج

حياج ياقلبي مشكوره كلج ذوق:eh_s(22)::eh_s(22):

 

[wujud]

اب
اب
اب
اب

 

[wujud]

الله يسلمج ام توتو

 

[(دنيتي)]

ولله يااااااااااااختي وجود انا هالموضوع صار معاي حرفيا

احنا كناااااااااااا اربع رفيجات ايام الدراسه

اول وحده تزوجت صارت علاقتها ضعيفه معانا

بس يعني انا تقبلت هالشي عادي رفيجاتي الثنتين قعدو يتحلطمون انه شفيها واذا تزوجت ليش تغيرت؟

انا قمت اتعذر لها قلت ظروف وزوج ومسئوليه المهم مره فتره واهم نفسهم تزوجوووووووووو

تخيلي اهم قطعوووووووووو العلاقه معااااااااااااااااي نهاااااااااائياااااااا ليش انا الوحيده من بيناتهم مو متزوجه

اهم كملوووووو مع بعض ليش انهم متزوجين عاد يعني اعتقد يفكرون اني احسدهم مايكلموني

عااااااااااد الحمدلله والشكر على كل حال ماشوف نفسي خسرت تدرين ليش؟ حسيتهم اهم نفسهم خسروني واحكمو علي غلط عاد ماحتاج نفس هالعقليات بحياتي وارد اقول الحمدلله

اختج دنيتي