كوكتيل أطباقي

[مقمش لولو]

​

شلونكم؟

سويت مجموعة من الاطباق شوفوها ولكم الرأي

( هذي الوربات اللي أعشقها) علمتنى خالتى عليه

وهذي كيكات حلوه للبنوتات​

هذا طبق روعه مثل الدرابيل بس الذ امى علمتنى الطريقه​

وهذا بسكوت تك وايد حلوبالشعريه​

ان شاء الله عجبتكم واللى حابه الطريقه حق اى طبق خل تقول وانا حاظر وبالشوفه​

 

[حزينه 22]

ذوق تسلم ايدج

 

[مقمش لولو]

الله يسلمج

 

[lolayasmeen]

يا سلام يامقمش بصراحه شهيتيني علي الدرابيل الطريقه لو سمحتي حقته وحق الوربات
وان شاء الله يرزقج نسبا مثلهم

 

[sweet mm]

ماشاء الله ...... الله يعطيج العافيه شغلج حلو

 

[مقمش لولو]

الوربات

المقادير :



- عجينة جاهزه من الجمعيه واخذي المربعات الصغار موالكبار لانهم حجمين
- زيت مازولا
- فستق
- شيره

القشطة :
1 جلاص حليب بودر
3 جلاص ماء
2 قفشة أكل نشا
2 قفشة أكل سكر
1 قفشة صغيرة ماى ورد
ممكن اضافة الزعفران
الطريقة :

- تخلطين مقادير القشطة مع بعض (ما عدا ماى الورد)

طبخيهم على النار


مع الخلط المستمر لما يبقبق ويثخن قوام القشطة تالى ضيفى لها ماى الورد

ثم تترك حتي تبرد 0


- تؤخذ ( مجموعه من شرايح العجينه) قطع الجلاش مع بعض ويدهن بالزيت بين كل 3 الى4 شرائح

تالي


حطي مقدار قفشه أكل من القشطة علي السطح ولفيها علي شكل مثلث (سكري الاطراف بشوية ماى ونشا)

لاتخلين الحشوه زايده خليها شويه احلى وعلشان يتقرمش معاج لما تاكلين

ومسحيها بالزيت وصفيها في صينية مدهونة 0


حطي الوربات

في الفرن واحسن يكون حار علشان يتحمر واذا استوى شغلى الفرن من فوق وخليه يتحمر بس شوي لايحترق

لاخلصتى كلش صبى الشيره وزينيهم بالفستق

 

[الغاليه ام احمد]

سلم الايادي

 

[جارة القمر]

تسلم ايدج حبيبتي

ويحفظج ويحفظ الوالده وخالتج حبيبتي



ممكن تحطين الطرق

 

[بنت الكويت &]

تسلم أيدك

 

[one two 3]

الي مثل الدرابيل شكله يهبل

كتبي الطريقه لو ما عليج امررر

 

[78MariMar78]

ماشاءالله تسلم ايدك

 

[مقمش لولو]

هلا وغلا بعد قلبي

الدرابيل

المقادير


2كوب طحين
3بيضات
2كوب زيت (دوار الشمس)
1كوب شكر التموين
1قفشه بيكن بودر
3 قفاش هيل ناعم


التغطيه



1كوب شكر مطحون

الطريقه

اول شي نخلط بالخلاطه البيض والزيت والشكر والهيل تقريبا خمس دقايق

تالى اضيف الطحين والبيكن بودى واعجنه باليد
اقطع العجينه كرات صغار

اادربيهم تدربي لما يصيرون طواليين
القياس اللى تحبون
اصفهم بصينيه مدهونه وادخلهم الفرن ثلث ساعه تقريبا او لما يتحمر .تالى اطلعهم من الفرن ورشهم بالشكر المطحون

على فكره ترى وايد حلو مع الحليب

 

[أحلى همبه كويتية]

يسلموووووووووووو االأيادي حبيبتي
ويخلي الوالدة اللي علمتك هالأطباق الحلوة


ياريت طريقة كل طبق مع صورته
عشان يكمل الموضوع ويصير احلى واحلى


يعطيك الف عافية

 

[أحلى همبه كويتية]

تم تعديل الصور واضافتها مع الطريقة بواسطتي

 

[أم@الحلوين]

تسلم الايادي

 

[مقمش لولو]

الله يسلمج حبوبه

 

[انوثتي عزتي]

حبيبتي تسلم ايدينك​