بصراحه عيزت وأنا أدور على حلو سهل وقعدت شكثر أدور بالنت ولقيته ولله الحمد ، فعاد مو حلوه النحاسه تفضلوا الطريق ولا تنسين دلة القهوة معاها لأنها رهيبه من صج مو بس حجي وسويها اذا معزومه ولا بتتميزين ووكان بوكج مميز ذاك اليوم من النظاااافة . يعني مفلسه الشكوى لله .
:gathering:
المكونات :
3 علب بسكوت دايجستف المطاحن طحنيه ناعم واذا مالج مقاقه طقيه ليما يبان له صاحب بالنشابه وهي الخشبه اللي ترقين فيها العجين .
علبة كاملة زبدة الفول السوداني الكريمية أنا استعملتها وبأستعمل انشاءالله مرة ثانية اللي فيها كسر من الفول السوداني واهو السبال للي ما تعرفه
نصف اصبع زبدة صغير خليه على ما يذوب بحرارة الغرفه واذا مستعجله ذوبيه بالميكرويف
2 كوب سكر بودرة
خلطي البسكوت + الزبدة + زبدة الفول السوداني + السكر ودخليه الثلاجة مدة ساعة
بالوصفه اللي لقيتها بالنت
2 كوب سكر
2 كوب بسكوت
2 كوب زبدة الفول السوداني
ربع كوب زبدة
بس على الحظ قلاس جبن كرافت انكسر ومن ذاك الوقت توهقت بس تصرفت وأنا أختكم
حطي بصينية ورق زبدة وطلعي العجينه من الثلاجه وكوريها كور صغيرة . قد اللقمة
رديها الثلاجه علشان تبرد
ذوبي بحمام مائي كيس كاكو هرشلي مع ربع اصبع زبدة وقوطي قيمر كي دي دي .
قطي الكور فيه واغرفيهم بمغراف مقضض علشان ينزل الككاو الزيادة وتردين تستخدمينه ( يا ويلي على التوفير )
ورشي عليهم بسكوت مفتت أو سكر بودر أو جوز مدقوق اللي تحبين بس علشان الشكل بس اهي ما تحتاج ورديهم الثلاجه علشان يصكون الثلاج التحتيه مو الفريزر ( ترى الناس وايد خسرانه على التبييض لا تصقع ضروسها )
حطيهم بورق البلاسيه وصفيهم في صينية وقدميهم بالعافيه أو خليهم بالثلاجه ليما تسيرين .
بالوصفه اللي لقيتها بالنت
2 كوب سكر
2 كوب بسكوت
2 كوب زبدة الفول السوداني
ربع كوب زبدة
المرفقات
-
صورة010.jpg
خاصه ان فيه زيدة الفول السوداني
