كورس كلوميد وأبره fostimon 75 ؟؟؟

[amtar]

مرحبا بنات
عسى الله ان شاءالله يرزق كل محرومه من الظنا
ويعطيها بدل الواحد عشره يالله يا كريم
لا تستبعدون من ربكم شي
والله كريم ورحيم ووانتو ان شاءالله تستاهلون كل خير

عندي استفسار

انا متزوجه صارلي 6 شهور وانا وزوجي اتفقنا على مسألة اليهال بعد 5 شهور من الزواج
طبعا انا بموت علشان يكون عندي ياهل بس احترمت رغبته

والحين انا ابي احمل واستغربت طول الـ 6 شهور ماصار حمل بالغلط او شي مع اني ماكنت ماخذه اي احتياط

المهم رحت للدكتور وكشفت على عمري لقيت روحي مافيني شي رحمي نظيف وكل شي بس مواعيد الدوره عندي غير منتظمه

وصف لي دكتور مصطفى تومسو بدار الشفا على كلوميد وابره منشطه وخذيتهم لمده عشرة ايام وخلصت 5 حبات من الكلوميد لمده 5 ايام و4 أبر fostimon 75 لمده 4 ايام
ورحت سويت سونار قال لي عندج بويضتين كبار وسليمين
وبعدها بيوم اخذت الأبرة التفجيرية مال البويضات
وقالي جامعي زوجج يوم الجمعه

وحصل معاي مرتين ليوم الجمعه بأوقات متفرغه يعني ليلة الجمعه والعصر الجمعه بس

وبعدها زوجي سافر لمده اسبوعين لانه يشتغل بالخارجيه

والحين انا ناطره النتيجه من يوم الجمعه 18/6
وقالي راح يبين 5/7
وانا مافيني صبر كلشششش ونفسيتي وااايد تعبانه
بروحي وزوجي مو اهني
وماني قادره اقول لأحد اني قاعده اخذ أبر وحبوب يعني محد بيعرف اللي فيني

اللي ابي اعرفه شلووون احس اني حامل
شلوون اعرف قبل هالوقت

انا اليوم حسيت بصدري يعورني حيييل ويابس يعني علامه ؟؟
صرت احس بأي تغير فيني وأخذه على محمل الجد

امس اشتهيت مرقوقه وبنفسي اقول قمت اشتهي اكل يعني حامل ؟؟

وااايد تعبانه والافكار لعوزتني

ابي اعرف شسوي شلوون احس اني حامل قبل هالوقت ؟؟

ووممكن فيه نتيجه من هالحبوب والأبر وكلام الدكتور يطمن يقول لي ان شاءالله خير وكل شي سليم

ممكن أحمل بتوأم ؟؟

ممكن الله يرزقني ان شاءالله

ابي كلمه تريحني

زوجي مو فارقه معاه كلش لانه ما يحب اليهال واايد وماعنده مشكله سنه او 5 سنوات
وانا بموووووت على اليهال حييييييل

تعبت

 

[جوري بنت ابوها]

]حبيبتي عسى الله يرزقك أنشالله بالجاهل اللي يفرح قلبج يارب ويرزق كل محرومة[/

 

[الريشة]

اذا كنتي حامل ان شاءالله ممكن راح تحسين بدوخة و يوعانة وايد
بس مو الحين هالإحساس على الأقل لازم يمر 12 يوم من موعد الإبرة التفجيرية
الله يرزقنا كلنا ان شاءالله الطفل السليم آمين

 

[amtar]

جوري بنت ابوها
يالله يارب يسمع دعاج ويرزقج ويعطيج من أوسع أبوابه الرزق والخير يارب

الريشة

توه بعدني عيل
يالله يعجلها ولا يأجلها ويخففها ولا يصعبها علينا ياااارب
مشكووووره عسى الله يفرج همج

 

[كويتيه مذهله 87]

حبيبتي شوفي انتي حسبي
من اخذتي الابره التفجيريه خليها تعدي 10 تيام وحللي دم هرموني هنيه يبين 100%

وان شالله يارب حامل لان عوار الصدر علامه حلوووه حق الحمل

 

[تل السكر]

الله كريم لا تحاتين مو زين خليها على الله
استغفري دايما ومثل ماقالت اختي مذهله حليلي عقب عشر تيام
وان شاء الله يااارب حامل
وطمنينا عليج
الحمد الله واستغفر الله

 

[amtar]

كويتيه مذهله مشكووره حبيبتي ماحب التحليل الهرموني اتشاؤم منه اتصدقين يالله الله كريم

تل السكر الف من ذكره واستغفاره ياااارب ان شاءالله حامل

 

[amtar]

بنات انا بسألكم عن ممكن ينفع معاي هالشي
ووجم نسبه اني ممكن احمل بتؤأم في هالحاله

وووبس

 

[كويتيه مذهله 87]

لا تتشائمين بالعكس هذا دقيق يبين جم اسبوع بعد حامل

انا يوم حملت بالتوأم كنت بالاسبوع الرابع كان 380

 

[ام فوااز]

نطري لي موعد الدوره احسن اذا تاخرت حللي وان شاءالله يارب تكونين حامل
ولاتفكرين وااايد

 

[هتووف]

ابشري بالخير رفيجتي ماخذه نفس علاجج وحملت مرتين --بس خلي توكلج على الله مسبب الاسباب مو على الدكتور ولا على مجهودج والله يفرح قلبج عاجلا غير اجل وكل المسلمات يااارب

 

[amtar]

يالله يسمع منكم ياااااااارب ويرزقكم ان شاءالله

بس اليوم نزلت علي نقطه دم لاهو وقت عاده ولا هو شي
اشمعناته

نقطه لونها فاتح وبعدها حسيت بشوي مقص على الأجناب

شنو يعني

 

[دلع حياتي]

الله يرزقك الحمل وكل محروم

 

[smaillips]

ابشرج ان شاءالله انت حامل

 

[بقلبي مجلسك]

حبيبتي اغلب البنات اللي بعايلتنا يحملون طبيعي بعد 7 او6 شهور موشرط فيج شئ ممكن بدون علاج تحملين اذا انتي وزوجج ما فيكم شئ لاتحاتين
وان شاءالله حامل
والله يرزقنا معاج انا العيب من زوجي

 

[amtar]

الله يجازيكم خير يااارب ويسمع منكم ان شاءالله
والله اني اتنطر الوقت بالثانيه يمشي والله كريم
واالحمدالله على كل حال

ويارب يرزق المحرومه يارب ويعطيه الذريه اللي فيها الخير يااارب العالمين
عاجل مو بآجل ان شاءالله

 

[نجوم الثريا]

ان شاءالله انج حااامل لا تحااتين

ونقطت الدم ممكن تكون دليل على الحمل ..

 

[أم@الحلوين]

انشاءالله تكونين حامل

حللي هرموني اضمن ويبين واضح

 

[amtar]

ان شاءالله
بس نقطه الدم هاذي ماني عارفه شنوو اهي مو فاهمه ليش وشنو دليلها

عالله

وان شاءالله بعد اسبوع موعدي السونار عند الدكتور قالي لا تسوين اي تحليل تعالي ويبين بالسونار عندي وأظمن
وان شاءلله يااااارب حيييل محتاجه للحمل

 

[amtar]

انا موعدي مع الدكتور 3/7 وموعد الدورة 5/7 الله لا يجيبهااااااا

ولاني ملقووووفه رحت جريب شرايط تحليل البول
واسوي تحليل بول ما طلعت حامل تدرون شنو صكت فيني الدنيا

رفيجتي تقول لي ما يبين اليوم شي لاني بعدني وتحليل البول تو الناس عليه
صج بنات والا تحليل البول صج

طمنووووووووني الله يطمن قلوووووبكم