كوتييات داخل على الله ثم عليكم

[الذوق والركاده]

السلام عليكم
بنات عندنا زواج اخوي وفستاني خرب

ودي اجي للكويت اشتري جاهز ماحب للاوفر ابيه راقي

وانا من السعوديه مدحو لي مجمع ليلى جاليري وش رايكم

وهل فيه خيارات كثيره بالفساتين

دعواتكم

 

[الله كرريم]

المهلب عنده فساتين جاهزه

 

[الذوق والركاده]

ياعمري وينه فيه المهلب

 

[بنت النوخذا]

هلاااااااااااا وغلاااااااااا بديرة بو متعب الخير

حياج الله
مجمع المهلب في منطقه حولي
مجمع البستان و مجمع الزهرا في منطقه السالميه
مجمع الافـــــنيوز
مجمعات كثيره في منطقه الفروانيه
مشاغل كثيره في منطقه حولي و السالميه

طبي وتخيري
بس يبيلك مو اقل من اسبوع تطمشين

والافضل انك تروحين و تجربين كذا محل لا تحكمين من كلام الناس

 

[Patcholli]

انا اقول شوفيلج ماركه معروفه احسن واغلب الماركات العالميه موديلاتهم بسيطه وذربه ..

^_^

ليلى غاليري هم حلو ..

بس افضل الموديلات والماركات العالميه انتي جذي جذي قاطه مبلغ وقدره ..

 

[سواري الليل]

هلاومرحبا فيج حبيبتي

انا صراحه دايماً أروح الفروانيه مجمع الحمرا مول وعنده شغلات روووووووووعه جميع لأذواق وراقي
عنده الناعم وعنده الفخم وعنده الدفش (( الاوفر ))

الباقين ماعرفهم صراحه

 

[~رتوش~]

الله يووووووووووووووووووفقك بس حتى عندنا فيه حلووووو معقوله ماحصلتي بالرياض

 

[الذوق والركاده]

ماقصرتو جميعا بس
ظروفيةماتسمح الايوم واحد بالكويت
دوامات وحوسه
بالنسبه للسعوديه صراحه مكرر اغلبه لابسينه بشهر٤وللحين ماتغير

اتوكل على الله واروح ليلى

 

[برق الديحاني]

حياج الله ..
بس حبيت اوضح لج شي ليلي للامانه غالي وهم فيه نفس بدلات الخبر وسعر دبل عن تجربتي اخذت بدلة من الخبر مجمع الراشد وحصلتها بليلى دبل وبالصدفه كنت رايحه اطلع البوم صور اختي ولا شبعت من البدله واخذته مني وحده والكويت مانزلت البدله الا بعد 5 شهور من الخبر سوري بس اذا حبطت فيج بس لان توني خالصه من مناسبات وفاره عليهم كلهم وسبحان الله حنا نجي ندور ملابسكم وانتو تبون الكويت . وانا ماذم الكويت بس اغلب الشغل الحلو يكون اوردر يعني يبلج وقت .. اتمنى اني فدتج ومره ثانيه السموحه اذا حبطت فيج بس بدال ماتروحين وتنصدمين ..

 

[الذوق والركاده]

ياحياتي ماقصرتي

اجل وين اودي وجهي ابي مجمع فيه خيارات

 

[مدام رنوشا]

روحي للمصممه كوين بالخبر عندها بدل جاهزة واسعارها حلوة

 

[دندونه911]

روحي للراشد للماركات العالميه روبرت كفالي والشله عندهم اشياء ناعمه وحلوه
والحين مايلبسون الا الناعم والبسيط بس اهم شي يكون مرتب على الجسم ​

 

[البرنسيسه77]

روحي حولي فيه مجمع المهلب روعه والعثمان والنقره كلهم فساتين اعراس وبمكان واحد دايما انا وخواتي ناخذ منهم