كنيبو..كريولان..ماك..استي لودر دبل وير

[الحلوه المزيونه]

السلام عليكم

شلونكم بنات

عندي مشكله في اختيار الفاونديشن المناسب

انا بشرتي مختلطه ( الخدود جافه .. والخشم والحنج دهنييين)وحساسه وفيها اثار حبوب ..انا بيضا
شنو الانسب لي

الفونديشن يكون سائل ولا ستيك؟

وبالنسبه للباودر شنو الانسب لي

الكومباكت باودر ولا المينيرال باودر؟؟

....

ابي فاونديشن يغطي اثار الحبوب ويبعد الشحوب (ابي ويهي مورد بالفونديشن ..بس مو وردي لووووول) يعني ابي درجه ابيض على وردي تكون راقيه

..

شرايكم بـ

كنيبو؟

سوبراكلر من كريولان؟

الفاونديشن السائل من كريولان؟

ماك ستديو فكس فلويد؟

استي لودر دبل وير؟

شكرا

 

[Mrs_Orchidia]

قاعدة ادور فاونديشن هالايام .. ان شاءالله البنات يفيدونج و يفيدووني


بس انا من سنييييييييين مجربة ايستي لودر و كان حده عجيب .. فصوتي راح يرروح له

 

[الحلوه المزيونه]

قاعدة ادور فاونديشن هالايام .. ان شاءالله البنات يفيدونج و يفيدووني


بس انا من سنييييييييين مجربة ايستي لودر و كان حده عجيب .. فصوتي راح يرروح له

يصلح للبشره المختلطه؟

يورد الويه؟ >>> ماحب ويهي بيج لوووول

شلون بودرته حلوه؟

 

[Mrs_Orchidia]

مو مجربة بودرته و الله .. بس اذكر ان تغطيته حلوة و توحد لون الويه


اما التوريد عاد مادري لووول ما أذكر و الله يخليلنا البلاشرات اللي تورد اللي ما يتورد :krkrkr:

 

[سارووه الاموره]

حبيبتي عالجي بشرتج ..

ثانيا اصوت لماك .. لانه احسن واحد بالاختيارات الي انتي حاطتهم تبين رايي بعدي كل البعد عن كريولاين انا جربت من عندهم كريم ع شكل عصار جذي معجون اسنان ولمن احطه اقعد افرك بويهي ساااعه ودهني حدده لوول يلوع الجبد والله تبين اصوره لج كاامل ماجسته
مو حلوو حده بس مرا جربته وهونت حتى الايلاينو احطه وتر بروف من حطيت كريولاين الايلاينر يسييح وع اكرهه هالكريم

شوفي فاونديشن كلارنس حق البشره الدهنيه انتي نفسي مرتاحه عليه وحلو وحابته بس ليلحين ادور ع الافضل انا بجرب كريم يديد هالاسبوع اذا اوك اعلنت عنه بموضووع خخخ .. وادعيلي احمل

..

 

[foshia girl]

تبين تغطيه اخذي استي لودر بس مادري اذا يورد ولا لأ بس كتغطيه عجيب ,,

موفقه يارب​

 

[الحلوه المزيونه]

حبيبتي عالجي بشرتج ..

ثانيا اصوت لماك .. لانه احسن واحد بالاختيارات الي انتي حاطتهم تبين رايي بعدي كل البعد عن كريولاين انا جربت من عندهم كريم ع شكل عصار جذي معجون اسنان ولمن احطه اقعد افرك بويهي ساااعه ودهني حدده لوول يلوع الجبد والله تبين اصوره لج كاامل ماجسته
مو حلوو حده بس مرا جربته وهونت حتى الايلاينو احطه وتر بروف من حطيت كريولاين الايلاينر يسييح وع اكرهه هالكريم

شوفي فاونديشن كلارنس حق البشره الدهنيه انتي نفسي مرتاحه عليه وحلو وحابته بس ليلحين ادور ع الافضل انا بجرب كريم يديد هالاسبوع اذا اوك اعلنت عنه بموضووع خخخ .. وادعيلي احمل

..

ان شالله تحملين يارب

اخذ الفاونديشن والبودره مالته نفس الدرجه ولا افتح؟؟؟؟

 

[الحلوه المزيونه]

تبين تغطيه اخذي استي لودر بس مادري اذا يورد ولا لأ بس كتغطيه عجيب ,,

موفقه يارب​

مشكوره حبيبتي

جربتي بودرة استي لودر؟؟؟؟؟

 

[سارووه الاموره]

ان شالله تحملين يارب

اخذ الفاونديشن والبودره مالته نفس الدرجه ولا افتح؟؟؟؟

انا اخذت الفاونديشن بس ماجربت البودره مالته بس فيه انواع قوليلها ان بشرتج دهنيه
حدها واخذذي درجه نفس لونج
وجربي البودره اختي تمدحها انا اخذ البودره من كلينك للبشره الدهنيه ..

 

[N F N F]

استي لودر اخف من الباجي اللي انتي حاطتهم .. وايد ثقال

 

[manoooram]

mac

تغطية روعه وانا بشرتي مختلطة استخدمه واستخدم معاه بوردة أفتح منه بدرجة وعندي نفس درجة الفاونديشن​

 

[sarooona]

اصوت حق كرولاين عجييب حده وتغطيته واو
وثانياً استي لودر عقبه مااااك

 

[sarooona]

اصوت حق كرولاين عجييب حده وتغطيته واو
وثانياً استي لودر عقبه مااااك

 

[ام علي84]

رد : كنيبو..كريولان..ماك..استي لودر دبل وير

اذا حق طلعات عادية او حتى حق عروس بس خفيف ويهبل طبييييعي جدا وخفيف وتغطية بوبي براون ادري دشيت عرض وجربي ديور وجربي كلنك اذا تبين على وردي بس طبعا مو وردي هلاقة وردي حق الي بشرتهم حيل بيضة وحق البشرة الحساسة وخري عن ماك يزيد الحبوب وياذي وكريولاين حلو بس ماعتقد بيطيح عليج ومو حلو الي حاطتة الفيتا كلر حلو بس ثقيل ودهني وبيج واستي لودر هم ثقيل بس تغطيتة حلوة بس اي شي ثقيل يتعب البشرة جربي الي يكون حيل سائل مثل اللوشن ترتطيبه عالي

 

[nono93]

حوبي روحي لدكتوره تعالج بشرتج عشان ترتاحين

 

[unapproachable]

الدبل وير عجيب للمناسبات .وتغطيته 100%... واخذي كومباكت كلينيك اذا بشرتج تعبانه ونصيحه روحي عالجي الحبوب اهم شي ..

 

[F.DIAMOND_Q8]

رد : كنيبو..كريولان..ماك..استي لودر دبل وير

استي لودر دبل وير


​

 

[F.DIAMOND_Q8]

رد : كنيبو..كريولان..ماك..استي لودر دبل وير

دبل وير​

 

[nzoOof]

استي لودر دبل وير

أنا أستخدمه حالياً بشرتي مختلطه ومره كويس

تغطيته حلوة

 

[Rose-Qatar]

رد : كنيبو..كريولان..ماك..استي لودر دبل وير

( ماك )

ايجنن صار لي سنتين استخدمه واستخدم البودره مالته
سمعت ان استي لودر حلوو بجربه قرريب ^_^

بس نصيحه قبل لا تفكرين بأي كريم اساس للازم تكون بشرتج حلوه ومرتاحه ونظيفه ( العنايه )

وبالتوووفيق حبوووبه