كنسلت السفر لتركيا لان الوضع مايطمن ابغى اعوض لدوله اخرى الرجاء مساعدتي

[ام يارا القمره]

مساء الخير
هالايام يتكلمون عن اوضاع مظاهرات بتركيا بسبب ان مجتمع والحكومه تحولت من خلاف بسيط بسبب قطع الاشجار وتحويل الحدائق الى مركز تجاري الى مظاهرات عنيفه وماتوا ناس واعتقالات
وخايفه اروح والوضع خربان يستغلون عصابات هالوضع وتصير سرقات
كنسلنا كل شي وخاصه حجوزات فنادق وراحت حلمي :eh_s(*):
ابغى اشاوركم افضل دول وسعرها حلو

 

[أم وصايف]

روحو النمسا ولا البوسنة دول حلوه وطبيعه واسعارها مناسبة

 

[sweet_mango]

بالوقت الحالي أفضل شي أوربا والدولة تعتمد على حسب الميزانية واذا في معاكم اطفال او لأ؟ لأن كل دولة لها طابعها الخاص من حيث السياحة والمناظر الطبيعية والتسوق

 

[ام يارا القمره]

عندنا ميزانيه ولله الحمد اذا روحه دبي كلفتنا فوق عشرين الف درهم بس على عشره ايام
وناس يقولون ابعدوا عن دول الخليج لان نسكن فنادق فوق ١٠٠٠ درهم لليوم الواحد بسبب عندي عيال ويبغون غرفه
ولازم ناخذ سويت
ويمدحون اوربا بس مااعرف ميزانيه كم
لان حلمي اروح فرنسا
عمي يقول ابعدي عن بريطانيا لان شعب شايف نفسه
وروحي لفرنسا والمانيا وهو من عشاق فرنسا
ويقول ارخص من دبي وقطر وفنادقهم جداً رخيصه

 

[SILVER ROSE]

روحي البوسنة طبيعتها قريبة على تركيا

 

[ام رينـاد]

روحي بلجيكا وهولندا وفرنسا هذه الدول يم بعض اتعب واقووووووووووووووووول عجيبة

نصيحة

 

[ام يارا القمره]

شكراً ام ريناد ياحلات هالاسم
بس راح احجز من اول وجديد وراح ابحث عن طبيعه الدوله والاماكن السياحيه
شكراً سلفر روز بس مافيها فاعليات
وراح ادرس الاماكن واشوف لان مب زين واحد يروح خبط ولزق

 

[slk]

والله اخوي هناك واليوم كلمني يقول الوضع عادي بس عموما هي بهالوقت حاره شوي

 

[ام يارا القمره]

شفتم الاخبار عن تركيا منعوا الرحلات
راحت حلمي كنت اروح لها من كثر البنات يمدحونها
بس خيره لان قلبي مقبوض ماادري ليش

 

[ام يارا القمره]

شفتم الاخبار عن تركيا منعوا الرحلات
راحت حلمي كنت اروح لها من كثر البنات يمدحونها
بس خيره لان قلبي مقبوض ماادري ليش

 

[شندوخه]

بالعكس لندن حلوه بهالوقت
والبريطانين ابد شعب ماله شغل بالناس لو تحترقين جدامهم مالهم شغل فيج وهذا احلا شي

 

[ام يارا القمره]

شكراً شندوخه وتوقيعك مره يجنن ووسام على صدورنا

 

[نـعـومـه]

استغفرالله كل دول صارت ماطمن


اوربا أو شرق آسيا احسن شي

 

[ملامح بريئة]

الحمدلله على نعم الامن والفراغ اللي انعمها الله علينا وتركيا حلوة وسبحان الله اسالي الله الخيرة وترا غالية حيل وانصحك مثل كل الناس تروحين ميونخ وتاجرين سياره ارخص ومع جهاز الجارمن تروحينزلمسي ٥ ايام روعه خاصة اذا سكنتي بكوخ ومن زلمسي في مكاتب توديك رحلة لاي مدينه اوربيه ب٩٠ دينار يوم كامل تشوفين معالمها طبعا مع سايق تكسي يعني ترتاحون واهو يسوق فيكم والمكتب بفندق نيو بوست بزلمسي وتقدرين تزورين البندقية وانترلاكنوباريس

 

[ملامح بريئة]

والمصارف تعتمد على الاشخاص والسكن فلازم الشخص يكون عنده احتياطي الف دينار للضروره غير المصروف والنمسا رخيصة نوعا ما اما سويسرا نفس طبيعتها بس غاليه حيل والمانيا فيها مدن حلوة قارمش وفايبرغ كلها تقدرون تروحولها بالسيارة وتقيمون فيها يوم مع ان الاطفال بالسفر مانصح الا بالاقامة بمدينتين بس والباقي رحلات