كنت لاهيه !!! والحين كل ماذكرت قمت ابجي :(

[الفنانه79]

السلام عليكم



عيدكم مبارك


خلصت العطله ووقت اللعب وياااااتنا المدارس والدرسه واللويه


كنت لاهيه مع ارمضان وبعدها القرقيعااان والعيد وانجهز للمدارس

يانا العيد وتذكرت ان دوام اعيالي 9/19 يعني يوم الاحد اليااااااي اولى ابتداائي يداوموووون

وانا مااستانست بالعيد مثل الناس بس اصييييييح وابجي وحالتي حاله وافكر والله مااقدر اناااااام افكر في اعيالي بجري حباااايب قلب امهم

بيروحون اولى ابتدائي والله ان احاتيييهم وادعيلهم والله يابنات ان الحين اكتب الموضووع وابجي احس قلبي بيتقطع

تكفووون لاتقولةن اشدعواااا ترى اللي يعرفوني من بنات المنتدى يدرون في طبعي وخوفي على اعيالي

والله احيانا اقول ودي اتنازل عن رئاسة القسم وانزل من متوسط لحد ابتدائي علشان ادرس في نفس مدرستهم وكل من يقولي انتي استخفيتي مابقالج شي على التوجيييه حرام عليج

يارب يحفظهم ويحرسهم لي ياكريم ويسخرلهم مدرسات بنات حلال ياكريم

امهات واااسوني انتوا كنتوا نفسي

شنو كنتوا اتسوون؟ شنو النصايح اللي تغطونها لعيالكم قبل لايرحون المدرسه؟ تكفووووون ساعدوني اي شي ابي كلام يبرد على قلبيً

عسى الله يبرد على قلوبكم ويخليلكم اعيالكم ياكريم​

 

[عاشقه القيصر]

الله يخليهم لج ان شاء الله ..
انا اختي ولدها امطوفته سنه مادخلته المدرسه من خوفها عليه ...
وان شاء الله هالسنه بدخله بس خااايفه عليه ليلحين

 

[ابلة رسم كتكوته]

الله يخليهم لج
واكيد تحاتينهم هذا شعور طبيعي
لاني انا بعد اخاف على بنتي
والحين رايحه ثانيه وهم خايفه عليها
لانها اصغر بنت بالمدرسه بحجمها
وانا معاها بنفس المدرسه
بس هم لازم نصايح واحنا رايحين بالطريج
لا تاخذين اكل من احد
دشي الحمام وانتي بكرامه بروحج
لا تروحين عند العمال اذا في عمال
روحي حق الاخصائيه اذا احد اذا لا تيين لي >>>حجي فاضي طبعا لووووول
لا تشربين من ماي احد
اذا انحصرتي قولي حق الابله لا تستحين
لا تخلين احد يشيلج (كل المدرسه تتكود عند صف بنتي خصوصا بنات خامس ورابعه)عشان يشيلونها
مسويه ازمه بالمدرسه نتفتي
لا تاخذين شي طايح على الارض
لازم تسمعين ابلتج عدل
لا تلعبين بالصف لما الابله تتكلم
حطي اغراضج لما تخلصين بالجنطه
حافظي عليهم
والحمد الله ابلاتها كانو زينين
والله يسخر ابلات زينين حق عيالج
والله الحافظ
وصبيان وين ما تقطينهم يندمجون
ولا تبينين خوفج حقهم عشان لا يخافون اهما بعد
وان شالله دمعة فرحتج بتخرجهم من الجامعه
وكسري الخوف وخلي قلبج قوي

 

[جروح خالده]

رد : كنت لاهيه !!! والحين كل ماذكرت قمت ابجي

يمااااااااااااااه عورتي قلبي

شكلي بيصير نفسج باجر خخ

ان شااءالله البنات يفيدونج حبيت ارفع الموضووع

 

[زلابيا]

الله يحفظهم لج وتشوفينهم متخرجين من الجامعه

الله يبرد على قلبج ويطمنج عليهم و يسخرلهم احسن الابلات ان شاءالله وتشوفينهم من المتفوقين

ماقصرت ابله رسم وان شاءالله باجي البنات يفيدونج

 

[الفنانه79]

رد : كنت لاهيه !!! والحين كل ماذكرت قمت ابجي

حبيبااااااااااااااااااااااتي الله يبرد عليكم يارب ويخليلكم اعيالكم

ابلة رسم <<< اقووول شكلنا ابلات الرسم كلنا فينا وسوااااس وخوافين هههههههههه حبيبتي ماتتخيليين اشكثر كلامج برد علييييييييييي قلبي والله مشكووووره والله يخليلج بنوووتج يارب

 

[ابلة رسم كتكوته]

اي الفنانه احساسها مرهف لوووووووووووووول
الله يسلمج ويخلي لج عييلج
تخيلي وانا بعز ريوقي افز اقوم اروح اطل عليها من الدريشه بعد قلبي تعور قلبي ريولها مدندله اخاف على ظهرها
وواولياء الامور كل ييون يشتكون بنت الابله قاعده جدام
مع اني ما اتدخل بالمررررررررررررره ولا اتشكى
اقول حق الاخصائيه قولي له لو تشوفها انت بروحك تقول قعدوها على طاوله الابله بعد مو بس جدام
وفي نقطه نسيت اقولها حقج واهيا اهم نقطه
لا تخلون احد يشوف.....احم احم
شوفي عاد شنو مسمينه ترا عيب ترا ما يصير بس ماما لازم تشوف ومن هالكلام
لانهم يهال باولى محد يوديهم الحمام وعادي يدشون مع بعض مو نفس الروضه معاهم فراشه
وكل يوم نصيحتين مو كلهم مع بعض عشان لا يتعقدون وينسون اللي قلتيه ههههههههه
واهما اساسا راح يقولون لج مواقف تصير لهم
اذا الموقف فيه غلط لا تعصبين وسمعيه للاخير عشان تقدرين تحلينه وعطيهم مجال يقولون لج كل شي
اسامي ربعهم وشنو يسووون بالفرصه ووين يروحون وشنو كلو وراح الحمام ولا لا
هالاساله طبعا لما يداومون

 

[الفنانه79]

رد : رد: كنت لاهيه !!! والحين كل ماذكرت قمت ابجي

اي الفنانه احساسها مرهف لوووووووووووووول
الله يسلمج ويخلي لج عييلج
تخيلي وانا بعز ريوقي افز اقوم اروح اطل عليها من الدريشه بعد قلبي تعور قلبي ريولها مدندله اخاف على ظهرها
وواولياء الامور كل ييون يشتكون بنت الابله قاعده جدام
مع اني ما اتدخل بالمررررررررررررره ولا اتشكى
اقول حق الاخصائيه قولي له لو تشوفها انت بروحك تقول قعدوها على طاوله الابله بعد مو بس جدام
وفي نقطه نسيت اقولها حقج واهيا اهم نقطه
لا تخلون احد يشوف.....احم احم
شوفي عاد شنو مسمينه ترا عيب ترا ما يصير بس ماما لازم تشوف ومن هالكلام
لانهم يهال باولى محد يوديهم الحمام وعادي يدشون مع بعض مو نفس الروضه معاهم فراشه
وكل يوم نصيحتين مو كلهم مع بعض عشان لا يتعقدون وينسون اللي قلتيه ههههههههه
واهما اساسا راح يقولون لج مواقف تصير لهم
اذا الموقف فيه غلط لا تعصبين وسمعيه للاخير عشان تقدرين تحلينه وعطيهم مجال يقولون لج كل شي
اسامي ربعهم وشنو يسووون بالفرصه ووين يروحون وشنو كلو وراح الحمام ولا لا
هالاساله طبعا لما يداومون

واااااااااااااااااااي واااااااااااااااااااااااااااااااااااااااااااي هالموضوع بموووت منه مع ان اسم الله عليهم من عمرهم سنه وانا ااشر على هالمكااان واقولهم عييييييييييييب واسم الله عليهم شخصيتهم قووويه ومايخلووون احد يقررررب منهم واسم الله عليهم شطاااار وناصحين ويفهمووووون تبارك الرحمن

قلب الاممممممممممممممممممم مااصير ام اذا ماخفت عليهم جذي

بس عاد الوسواااااااااااااااااااس الخنااااس ذبحني بمووووووووووووت من التفكير والله شوفي لحد الحين مووونايمه من التفكير والصيااااح والعيون امتفخخخخه والحاله حااااله

ماالووومج ياامي يوووم انج تخااافين علي وااااااااااااااااي جربت وعرررفت

والله كتكوووته بموووت محد متخيل الحاله النفسيه اللي انا فيها والله احيانا اقووول ودي يصير ان اشيل اعيوووني اعطيها لهم تحرسهم والله العظيم

بس ان شاااء الله في رب بيحفظهم لي ويخليهم ويحرسهم ثقتي بالله كبيره ​

 

[ابلة رسم كتكوته]

انتي خوفج راح يوترج اكثر واكثر
بس لا تخافين وبالعكس المفروض تستانسين انهم كبرو
انتي مدرسه وتشوفين انه المدرسات حريصات على اليهال وفي مناوبات
وتقدرين تسالين عنهم بالمدرسه
وتعرفين شخصية مدرساتهم من تشوفيها اذا عصبيه او حبوبه
ونامي وارتاحي ولا تفكرين هالتفكير
الشيطان يلعب بمخج ويخليج تفكيرين افكار سوداويه

 

[الفنانه79]

رد : كنت لاهيه !!! والحين كل ماذكرت قمت ابجي

الله كريم كتكوووته بعد قلبي والله يريح قلبي حبيبتي كثر ماريحتي قلبي

 

[رمانة الكويت]

رد : كنت لاهيه !!! والحين كل ماذكرت قمت ابجي

الحمد لله انا عندي بنات وانا بمدرسة ابتدائية بنات

وبناتي كل سنة وياهم

الظاهر اللي صار فيكم بيصير فيني اذا راح ولدي الحضااانه

الله يعينكم

 

[الفرسان الثلاثة]

وااااااي دستي عالجرح هم أنا ولدي البجر برووح أولى ابتدائي وأحاتي ياربي الله يوفقهم يارب ويحفظهم ويسخر لهم خيرة خلقه ويسهل عليهم كل شي
لاتحاتيين وايد ولاتخافين الله الحافظ إن شاء الله فترة واتعدي أكيد لما يداومون وبنشوفهم كل يوم رايحين ورادين ومافيهم إلا العافية وبتحوسين معاهم على واجباتهم و دراستهم و بيتفوقون ان شاء الله و تفرحين فيهم

 

[™ S ά R ά B ●]

الله يخلييج عيالج يارب ويرفعون راااسج وتشوفينهم معااارس

وآنا أكييد راااح أمر هالتجربه وحتى قااعده أفكر إذا رااحوا الأبتداائيه ودي أروح معااهم وماخليهم لانه صارت الدنيا تخوف من بويات وجنووس ..

بس بغيت أعرف عيالج الله يخليهم وين كاانوا يدرسون بأي حضاانه .. وبأي روضه...؟! <<<دااشه عرض

وأن شاءالله ماأكون أزعجتج

 

[ll NoOoR ll]

خرعتوني ..

الله يحفظهم .. ويوفقهم

لا تخافين .. ترى يحسون فيج لا خفتي

ارقيهم قبل لا يطلعون وحرصيييهم مثل ما قاتل لج كتكوته

انا ساعات افكر جذي بس اتصل اشيك عليه ولو اني ما اشوفه

بس شي في نفسي اسويه وارتاح

الله يوفقهم ويحرسهم

 

[مي الحلوة]

رد : كنت لاهيه !!! والحين كل ماذكرت قمت ابجي

الله يعينج ..ترى هذا شعور طبيعي..انا كنت احاتي ولدي لان كان ضعيف ويلبس نظارة كنت اخاف
يطقونه..كان ودي اداوم معاه من كثر ما كنت احاتيه..بس سبحان الله خف هالشعور من قمت ارقيه وانصحه
والحمد الله صج اني احاتيه بس مو مثل قبل ..وتوكلي على الله والله يحفظهم ان شاء الله..
وبنتى هالسنة اول سنة ابتدائي والله يعينى بس على طول اقول لهاااا ديري بالج لاتكلمين احد ولاتروحين مع احد ماتعرفينه
ولما تدخلين الحمام تدخلين لحالج..والله يستر عليهم ويحفظهم..

 

[سبائك]

رد : كنت لاهيه !!! والحين كل ماذكرت قمت ابجي

ماتنلامين يالفنانه بس هذا لي قالو شر لا بد منه

بردي قلبج ولا تنقلين ولا شي لو مهما تسوين انتي بشر مستحيل راح تكونين وياهم كل دقيقه وكل ثانيه بحياتهم

حتى لو تنتقلين بمدرستهم ماراح تكونين ظل لهم طول الوقت

فأحسن شي تسوينه انج تحطين في بالج ان الحافظ الله سبحانه

ادعيلهم بكل صلاة الله يحفظهم من كل شر

وترى الوضع مو لي هالدرجه الحمدلله في مشرفات يفترون بكل الاقسام يراقبون من قبل جرس الطابور لين الهده

وارد اقول الله الحافظ سبحانه

 

[حلم الطفولة]

كسرتي خاطري حبيبتي ،،
لا تحاحتينهم ، الله يحفظهم بحفظه استودعيهم رب لعالمين وعلميهم وعطيهم إرشادات وتعليمات باللي تبينه ..
فنونه تبين الصج ؟؟؟ >> آنا كنت أروح أبجي عند لأخصائيه يوم اصغار ... أضحّـك حدي،، والله تقول لي شفيج أقولها لما يون المدرسه أبجي أبيهم !
بس تعودنا الحين الله يحفظهم بحفظه ،، هم ولا حاسين عادي مستانسين بس احنا اللي نحاتي ومخترعين ..

 

[اطياب طيبه.أم عبدالله]

الحال من بعضه

كل ما افكر ان هالسنه بجري بتروح اولي روضه

اعتفس واخترع وايحوشني عوار القولون العصبي

الله يحفظهم ويحميهم ويعدي هالسنه على خير يارب

 

[<<لمار>>]

حياتى ماتنلامين انا فى بجرى طول الليل افتر على المدرسة ماادرى ليش بس بعدها قلبج بيقوى وبتعودين جم اسبوع ويصير الوضع عادى انتى تعوذى من ابليس واستودعيهم الرحمن اهو اللى يحفظهم ان شاء الله وتواصلى دايما مع المدرسات والادارة علشان يساعدونج لى احتجتى لشئ

 

[غلاي عزوزي]

الفنانه اذا انتي توج تذكرين انا من تخرج من الروضه طايحتله بجي مو مصدقه اصلا انا الوحيدهخ الي بجت بحفلة التخرج يوم شفته يستلم شهادته

اخر من كثر الوسواس الخناس وخوفي عليه تخيلي حرمته وضيعت عليه دخلته لمدرسه خاصه عشان البعد اخاف عليه من الطريج ومن المناطق البعيده والزحمه
يعني حرمت من مدرسه خاصه بسبت هالشي


كله اتخيل انه راح يدزه صبي من الدري وينكسر


خاصة انه مدارس الصبيان فيهم طق ووحشيه الله يستر يارب


مالج الا العاء الي يرد القضاء وربج اهو الوحيد الي بيساعدج لا ابله لاغيرها



تدرين يتلي فكره


ليش مانسوي نداء للابلات الابتدائي بالذات لانها اصعب مرحله وحساسه بالنسبه للياهل لراح ينصدم من الروضه والدلع الي الابتدائي والجديه والدراسه وعنف اليهال وماكو رقابه كامله


نسوي نداء انهم يحافظون علي هالامانه ودربالهم علي عيالنا ويحطون الله جدام عينهم بتدريسهم مو الوحده ادش الصف تقول الحجي نفس الاسطوانه وتطلع فهم ما فهم مو شغلها
وانا من خبرتي السابقه كمعلمه ادري انه الاغلبيه داشين هالمجال حبا لمعاش وعطلة المهنه
والله الحافظ