كنت حبــــــي الأول والأخير

[f6ame]

كنت حبــــــي الأول والأخير ( قصة حقيقية)

السلام عليكم بنات شلونكم
تقبل الله صيامكم وقيامكم ، وكل عام وانتوا بالف خير
حبيت انقل لكم هالقصه الي انا قاعده انقلها من لسان صاحبتها
وهذي اول مشاركة لي بالمنتدى سوآء بهالقسم او غيره ولي الشرف انشاءالله
واذا اعجبتكم القصة انشاءالله راح اكمل البارت الثاني
نبدي ...
اول شي حابه اعرفكم على شخصيات الي موجوده بالقصة
طبعا شوي راح اغير باسماء الشخصيات بس احداثها راح انقلها لكم مثل ما اهي
اول شي نبدي بعايلة الرئيسية عايلة ( بوفهد )
الأب محمد عمره 70 سنة
الإم حصة عمرها 55 سنة
مرت الابو غنيمة 65 سنة
الاخوان من الاكبر فهد 31 سنة
الي يصغره سنا خالد 30 سنة
الاخت فاطمة 29 سنة
الاخ عيسى 26 سنة
وصاحبه القصة شهد 22 سنة
الاخت الاصغر سنا نوال 19 سنة
الاخ الصغير 14 سنة


باسم الله
في تاريخ 19/2001 ساعه 10صباحا اول ايام عيد الاضحى المبارك كانت شهد وايد مستانسه كعادتها بفرحتها بالعيد خصوصا ان اهي تموت على هالمناسبة وتنطرها على نار علشان العيادي وتلبس ملابسها الجديده خصوصا انها تموت على شي اسمه لبس قامت من النوم وراحت الحمام (مكرم السامع) سبحت علشان تكشخ حق العيد طلعت بدلت ولبست ملابسها واهي طايره من الفرحه وحطت ميك آب وتسنعت ونزلت تحت تعايد على اهلها واهي طايره من الفرحه واول مانزلت شافت امها وقعدت تبوسها على راسها ومن بعدها سلمت على مرت ابوها وعيدت عليها وسالفه مرت ابوها انها مره فقيره الله مارزقها بالعيال واهي الزوجه الثالثه الي ماخذها ابوها الاولى كانت بنت عمته وياب منها بنتين وماتت الله يرحمها وقام تزوج ثانية علشان اهو يبي الولد وياب منها بنت وطلقها لان اكتشفت انها مره مو سنعه وعليها سوالف وتزوج الثالثه الي اهي مرت ابو شهد بس طلعت ماتيب عيال وبيوم من الايام قالتله خلاص انا مستعده اشوفلك بنت الحلال الي بتيبلك الولد انشاءالله وقامت ودورت على مره والي اهي ام شهد (حصة) واهي اصغر منه بوايد حوالي 15 سنة بس انتوا تعرفون قبل عندهم عادي
وبعد ماسلمت شهد على مرت ابوها قعدت تعد جم حصلت واهي حيل مستانسه وطايره من الفرحه وقعدت بس تفكر شنو تسوي فيهم

وشوي شوي قعدوا الزوار يهلون لما اكثروا الناس وصار وقت الغدا صعدت شهد لغرفتها تعدل من روحها ولا (طق طق طق)
شهد : منو في الباب
محمد ( ولد اخت شهد من ابوها وهم كبر بعض) : انا فتحي الباب ابي اكلمج
شهد : اوكي انطر دقيقة قاعده ابدل
محمد : يلا بسرعه مو طولين علشان نروح ناكل يواعه
شهد : يلا كاني الحين بفتح الباب
محمد : يه يه يه شهالزين دايما تفاجئينا شحلاتج صايره
شهد: ويييييييييييه بسك عياره شبعت من هالحجي
محمد : والله وانا صاج يابخت من الي بياخذج
شهد : خدودها صارو حمر وطلع العرج الي فوق جبهتها الي اذا استحت لازم يطلع ويفضحها:dddds:
محمد : انزين نزلي تحت الحوش ابي اكملج بموضوع
شهد : شنو قول لازم الحوش
محمد: اي لازم ويالله بسرعه مو طولين
شهد: اوكي انت روح وانا الحين نازله
محمد : اوكــــــــــــــــي

اهني شهد بعد ماخلثت من تسنيع روحها نزلت تحت ادور محمد علشان فيها فضول تعرف شنو يبي منها

شهد : حموووووووود وينك
محمد: كاني كاني ماتشوفين
شهد : هههههههههه مادري ماتبين
محمد: كل هالجمال ومابين مالت
شهد: انزين انزين ياتوم شنو تبي مني قول ترى فيني فضول
محمد: ممممممممم .........!!!!
شهد : شفيك !!!
محمد: مادري شلون ابدي بالحجي معاج
شهد: اووووووووووف قول حرقت اعصابي
محمد: خلاص خلاص بقول بس سمعيني لي الآخر
شهد : اوكي
محمد: ابي اعطيج رقم ادقين عليه الي تقولينه السلام ، شلونك ، وعيدك مبارك وتسكرينه
شهد : ........................؟؟؟؟؟؟؟؟؟؟؟
محمد : شفيج وين رحتي؟
شهد : انت مستوعب الحجي الي تقوله ؟!!
محمد : اي وانا شنو قلت بس قولي الي قتلج عليه والحين جدامي وسكريه بس وانا شنو قلت
شهد : انت من صجك ولا تتغشمر لايبه ماني داقه ولاني متكلمه ماعرف هالسوالف واستحي ولا اعرف هالسوالف
محمد: انتي بس قولي هالحجي وماعليج ولا جنه صار شي
شهد : لا مستحيل مستحيل
محمد: بعد حنه صارلها ساعه
شهد : وافقت بس اشرطت عليه تدق على الرقم واهي بروحها وبدارها
محمد : ممممم بعد تفكير اوكي بس لاطولين وناطرج
شهد : اوكي

صعدت شهد دارها وطول ما اهي تصعد بس قاعده تفكر بلي راح تسويه وان هالشي مو متعوده عليه وتعرفه ولا من اخلاقها
بس ماتدري شلون وافقت

شهد واهي بدارها صارلها نص ساعه تحوس بس تفكر ومن بعد تفكير دقت وقالت الحجي بسرعه وبدون ماتخلي مجال
حق الي دقت عليه يرد عليها وسكرته

اهني كان محمد ناطرها شنو سوت وكان ناطر يم الباب
محمد : طق طق طق
شهد : انزين واهي خايفه وترجف
محمد: ها شنو صار
شهد : ماكو سويت الي قتلي عنه
محمد : اي زين عيل شوفي بعطيج رقمين اي شي تبين دقي ولا دزي مسج تحصليني عليهم
شهد : اوكي


...................والباجي بعد ماشوووف تفاعل مع القصة .............​

 

[ذليته بعيوني]

نايس البداييه كملي

 

[فتاة الأحلام]

قصه روعه يالله كملى شوقتينا :ggdw:

 

[3rbawia 7lwa]

يا كملي بلييييييييييييييييييييييييييييييييييييييييييييييييز

 

[f6ame]

مشكورين بنات على تفاعلكم معاي ولي الشرف والله

الجزء الثاني ....
الي ابي اقوله علشان تفهمون القصة ان محمد ولد اخت شهد من الشباب الي ماعندهم غاريه على اهلهم
وعادي عنده انه خالته تكلم ولا اخته

شهد من بعد ماخذت الرقمين كانت ادز بس مسجات عليهم وفي يوم من الايام دقت على رقم من الارقام

شهد : ألوووو
صالح ( الي داقه عليه واهي ماتدري ان مو رقم محمد ): هلا والله هلا وغلا منو معاي
شهد : انا فلانه وابي محمد وينه هذا مو رقمه
صالح : لا كاهو يمي دقيقة بس
شهد: الوووو حمود شلونك
محمد: تمام الحمدالله بخير ها شنو بغيتي (ويمه صيحه ولويه )
شهد : لا ماكو قلت ادق اسال وسلم عليك
محمد: ايي مشكوره
شهد : العفو يلا خلاص اخليك شكلك مشغول باااااي
محمد : باااااي

شهد من البنات الي تتصرف قبل ماتفكر وتحب بالقلب مو بالعقل ونبية على نياتها يمكن تفكرون وتقولون شلون رد عليها واحد غير محمد ولد اختها واهو قايل ان هذا رقمه

ومرت الايام وشهور وماقامت ادز شهد مسجات على الرقم الاولاني بس على الرقم الثاني
لما يا ذاك اليوم الي دق عليها محمد

شهد : الووووو
محمد: الووووو
شهد: هلا محمد شلونك
محمد: تمام الحمدالله انتي شلونج
شهد : انا بخير الحمدالله
محمد: تعالي بقولج تذكرين يوم العيد لما خليتج ادقين على واحد وتقوليله كلام وصيتج عليه
شهد: ممم اي تذكرت شفيه
محمد: ابيج ادقين عليه وتقولين له هالكلام بالحرف
شهد: شنووو لا لا لا مستحيل انا سويتها مره ومستحيل اعيدها مره ثانية
محمد: يالله شهود عفيا الحين سويتي الي وصيتج عليه ذيك المره وعيزانه على هالكلمتين مره ثانية
شهد : اي خلاص بس حمود انت شنو ماتحس خلاص سكر الموضوع ما ابي
محمد : يالله شهد وعد هذي اخير مره
شهد : اوووووووووووف انزين وانت قلتها اخير مره يالله قولي شنو تبي خلصني
محمد: دقي على الرقم وقولي خلاص انا بسافر باجر علشان اكمل دراستي بره وطيارتي الصبح
شهد : وليييييين انا بشوف شنو اخرت هالحجي

قعدت شهد تفكر مده ادق ولا مادق
وفي يوم كانت طالعه مع اختها الكبيره واخوها اصغر واحد جمعية الروضه حق قسم العطور وقامت شهد ودقت
شهد : الووووو
هم اسمه صالح وراح اسميه صالح (2) : هلا والله هلا بالزين زين دقيتي مابغينا
شهد : ويها صار احمر هلا والله وصفت الحجي كله مثل اول مره مثل ماقالها محمد وسكرته

ومن بعد هالمكالمه شهد طالعت اختها ولا اختها العوده قعدت طالعها بنظره شك وسالتها شهود منو قاعده تكلمين

شهد : هااا ولا احد رفجتي
اختها الكبيره : امممم اييييي انزين يالله خل انروح البيت

شهد كانت وايد علاقتها قويه مع اختها الكبيره كل روحاتها وطلعاتها مع اختها وماتخش عنها شي بس هاشغله ماعلمت احد فيها معنه اختها الكبيره من كثر ما اهي فاهمتها تصيدها من اول مره بس مرات تسكت

مرت الايام وشهد تحس بشعور غريب شي يقول لها دقي عليه ( صالح 2) وشي يقول لا
كانت ما بين صراع الخوف والخجل

وبيوم من الايام بتاريخ 14/9 /2001 ساعه 8 مساءا قررت شهد ادق وتصارح ( صالح2) بالحقيقة

شهد : الوووو
صالح 2 : هلا والله وبنبره استغراب
شهد : شلونك
صالح 2: تمام الحمدالله ، انتي شنو ماسافرتي
شهد بعد صمت دام 5 دقائق

شهد : ممممم صالح انا بقولك عن شي ولازم اصارحك فيه
صالح 2: اوكي قولي انا اسمعج
شهد : ترى انا مو اسمي فلانه ولا راح ادرس بره ولا شي من الي قلته
صالح 2: شنووووووووووووووو !!!!!!!!


التكملة انشاءالله باجر بإذن الله لان وراي دوام تصبحون على خير ​