كنت احبها ومومصدقة تعاملي جذي

[وين الفرح]

مرحبا بناتشلونكم
بنات انا مشكلتي مع مديرتي بالدوام ارلي موقف معاها من مدة وانا اذا شفت شي من الشخص الي احبة وعزيز علي مااكلمة بس اخلص الشغل معاها يعني كلمة ورد غطاها مع انها كانت حاول تسالني تبيني اتكلم موبس ساكتة اخلص الشغلة منها واروح بس نفس الشي ارد عليها عادي الاني بنات والله كنت احبها ومومصدقة تعاملي جذي
والحين تحاول انها تاشاني واذا تبي شغلة وانا قاعدة بالغرفة مع البنات داما تكلمهم على اني موموجدة
وكلشماتطالعني وحتي البنات الجدد الي توهم متعينين تسولف وتضحك معاهم وانا كله طااااااف
بس انا طبعي ثففففيلة ومااسولف وزدت الطين بله
والله بنات ودي اضحك واسولف معاها بساهي كلش مومعطيتني ررررريج حلو شاااايلة علي ومع هذا احبها
ابي الحل ابيها تلتفتلي تكلمني تحسبلي احساب واللهمليت ميتة قهر:0bee2e8d89:

 

[وين الفرح]

شدعوه 91مشاهدة ولا مشاركة
زاكم الله خير

 

[معزوفة عشق&]

رد : كنت احبها ومومصدقة تعاملي جذي

حبيبتي اللي يبيعك ليش تشتريه انتي عليك باداء شغلك ع اكمل وجه ووووبس

وترا اللحين العلاقات السطحيه يمدحووونها كثيييييير والله وعن تجربه

موفقه ي ر ب

 

[مدام زيزو]

رد : كنت احبها ومومصدقة تعاملي جذي

اذا تستحين من المواجهة دزيلها مسج قوليلها انج حاسه انها متغيره عليج وانج تحبينها وعشان جذي تسالين

 

[نور كوليكشن]

اللي بينج وبينها شغل مو اكثر
ماتسولف مو لازم
اهم شي انتي تأدين شغلج و مريحه ضميرج ومحلله معاشج

والمديرة هذي مجرد شخص اهيا تروح غيرها يتعين عندكم
مو لازم سوالف وضحك

 

[سكرة هانم]

رد : كنت احبها ومومصدقة تعاملي جذي

لو موضحتلها موقفج احسن

والله مادري شقولج صج اهي مديرتج بس بصراحه اغلب وقتج يطير عالدوام هم مو شي قاعده كله ساكته

اذا كانت الميانه قبل طايحه وكنتو ربع ابدي سولفي معاها شوي شوي لما يطيح الحطب

يعني اول شي عن الدوام والشغل وشوفي رده فعلها

تره اذا ودها ترد العلاقه يبين عليها تلقينها على طول ترد عليج

الله يوفقج

 

[نــور الدنيــآآ]

الما يبانا ما نبـآآآآه
والله يوفقج إن شاء الله

 

[وين الفرح]

شكرا على ردج
بس تدرون انا واهيا كنا حيل مع بعض ندز مسجات واكلمها بالساعة على التلفون وحتى كانت تدق علي بالليل يعني الكل كان يحسدني على طريقتها معاي واول اذا زعلت يبن علي وكانت تسال البنات شفيها فلانة زعلانة اليوم
والله بنات اني كل يوم اداوم واشوف اسلوبها معاي امممممممممممممممموت قهر

 

[نــور الدنيــآآ]

امممممممم اوكي ليش ما تسأليين عن سبب زعلها ؟؟