كم مهوركم يالكويتيات ضروري

[نبــــــــــض]

السلام عليكم ورحمة الله وبركاتة

ماعليكم امر بغيت اعرف كم مهر العروس الكويتية

وهل مع الشبكة وإلا بدونها

وكيف عن المؤخر هل يسلمون العروس او بس ينكتب؟

لأني استغربت من وحده تقول ان المعرس عطاها المقدم والمؤخر اول مااملجوا؟

مشكورين وجزاكم الله خير

 

[aloooya]

يختلف من وحده لي وحده

 

[غنآآآتي]

مهري 7 الاف والحمدالله ويختلف من وحده لوحده يا قلبي
والله يهنيج ان شاء الله

 

[فرزاشيهـ]

موخر شسالفه !! لاا يبه ماعندنا جذي بالكويت و المهر من عايله لي قبيله يختلف بس متوسط المهور بالكويت ٧ او ٦ عاادي ^_^

 

[Blonde B]

8 الااااف يفرق من قبيله لثااانيه

 

[شيماء المطيري]

على حسب العوايل والقبائل وهمن على حسب طلبات أهل العروس بس نصيحة يسروا ولا تعسروا أهم شي يكون رجل بأخلاقه وله قدرة على فتح بيت ورعاية اسرة والفلوس تنصرف وتروح الله يوفقج حياتي----تحياتي عزيزتي :d

 

[كويتية أصيله]

على حسب المعرس اهو ومدة إيده ...يختلف حتى الخوات مو نفس بعض.........وبعدين ترى المهر عمره ما بين قيمة العروس...

 

[YES I CAN]

6 الاف هو المهر الدارج

 

[نوال علي]

ما عندنا موخر الا لا سمح الله بحاله طلاق بس والله وناسه تخيلو ناخذ مؤخر ومهر بنفس وقت هيااا ...
بس بالنسبة لنا البدو ما ناخذ مؤخر بس مقدم متفائلين بالحياه زوجيه دائما لووووووووول ...

 

[سويت فانيلا]

١٠ والحمدالله

 

[momoqatar]

هلا أختى
انا فقط عندي تعليق بخصوص المؤخر
المؤخر أختى العزيزة يدون بعد الأتفاق عليه بين أهل العروس أو وليها مع المعرس بالأتفاق
ولكن المؤخر لا يقبض إلا في حالة لا سمح الله أنتهاء العلاقة الزوجية من الزوج وليس الزوجة أقصد لو الزوج طلق زوجته بدون إبداء أسباب أو ثبت للمحكمة أساءة معاملة الزوج وليس العكس هنا تستحق المرأة مؤخر صداقها
يعني بالعربي العروس ما تاخذ مهرها ومؤخرها بنفس الوقت هذا مخالف للشرع والدين
وحتى بعقد الزواج مكتوب هالكلام أصلا

 

[laila84]

الحمدالله ما عندنا موخر وين قاعدين ابمصر مثلا ؟ هههههه ... والمهر يتراوح من وحده لي وحده .. والحين عقب ما صارت الحكومه تعطي 6000 للمتزوج من كويتيه زادت المهور ... وللله الحمد

 

[بنت طفله]

عيل حنااااااااااااااااااااااااا المهر بينااااااااااااااااااااااا قالوووووووووو خالاتي قوووولوووو 6000؟؟
قلت لااااااااااااااااااااااااا اقلهن مهووووووووور اكثرهن بركة صج ع الرغم من ارتفاااااااع الاسعااااااار لكن؟؟ربج يبارك؟؟
واهم شي التوفيق وع قوووولت وحدة من خوووووواتى بالمنتدي؟؟
نشتري ريال واخلاق تكفووووووووون قووولوووو يارب وفق بنات؟
بنت طفلة ياااااااارب اليتيمة"" تكفووووووووووون من قلب"
علشان الملك يرد عليج ويقووووووووووووول؟؟
ولك بمثل"نسيت اقوووووووول مهرى؟؟؟؟5000

 

[al-7nona]

المهر من وحده لي وحده يختلف

يعني على حسب الاهل والقبيله

 

[قطوة@@]

على حسب عايله الولد و مقدرته الماليه

بنت خالتي كان مهرها 8 مع شبكه و اختها 5 بس

 

[نبــــــــــض]

هلا فديتكم
جزاكم الله خير يالغاليين كفيتوا ووفيتوا

 

[قلبهـ 86]

٦ مهري ومثل ما قالوا البنات يختلف من قبيله الي اخرئ

 

[نبــــــــــض]

مشكورين فديتكم

لأني بصراحه احنا بالعاده مانحدد المهر نخليه على المعرس هو ومدت يده ومقدرته
لكني تفاجات من وحده تقولي انهم يستلمون المقدم والمؤخر !!!!!!
والمعروف ان المؤخر يدفع عند الطلاق لاسمح الله
بس حبيت اتاكد
جزاكم الله خير