كم معاش الاندونيسية عندكم في الكويت؟؟؟؟

[أنشودة المطر]

السلام عليكم خواتي ومبارك عليكم باقي الشهر

بنات أنا بحرينية وبنتقل أعيش في الكويت ان شاءالله
وناوية أجيب خدامة أهلي معاي عقب ماتخلص مدتها عند أهلي وتروح اجازة وترجع

بس حبيت آعرف كم معاشات الاندونيسيات عندكم في الكويت؟
لأني مابي أظلمها وأبي أعطيها معاش حالها حال الخدم في ديرتكم

يعني في البحرين الاندونيسية اللي مشتغلة من قبل وعندها خبرة نعطيها في البداية 65 دينار بحريني
وأنا قررت أعطيها معاش 70 بحريني اللي يقارب 54 كويتي ...

انتوا كم تعطون خدامة بهالمواصفات أول ماتوصل؟؟؟

 

[درة أهل الطولات]

رد : كم معاش الاندونيسية عندكم في الكويت؟؟؟؟

لرفع

 

[جارة القمر]

رد : كم معاش الاندونيسية عندكم في الكويت؟؟؟؟

الأندونيسات



صارلهم سنه ما يجيبونهم بالكويت




بس أختي أول العام جابته كان معاه 45 دينار كويتي

 

[أم حمادين]

اول مره 45 دينار

 

[i'am THE ONE]

اتصلي علي مكتب خدم احسن يعلمونك بالضبط

موفقه

 

[كيكه ترفه]

اول شي حياج الله بديرتج الثانيه
ثاني شي عند خالتي خدامتين اندونيسيات يدد معاشهم 45 يدزون 40 لاهلهم و 5 لهم خاصه وطبعا الجمعيه والاكل وهالسوالف اكيد على خالتي
بس شوفي اذا يديده ابدي معاها ب 45 ونطري شوي تشوفينها سنعه وتبرد الجبد وتستاهل زيدي 5 يعني 50 صار حلو احنا عندنا 3 فلبينيات معاش الوحده 55 واقل وحدا صارلها سنتين وجم شهر عندنا
واب لعيونج

 

[أنشودة المطر]

خواتي اللي ارفعوا الموضوع الله يجزيكم كل خير


اختي جارة القمر .. ليش ماتجيبون الاندونيسيات ؟؟؟ قصدج لأن سمعتهم مو زينة والا ممنوع عندكم من الدولة؟؟؟؟
لأن أنا بجيب خدامة أهلي ومشتغلة عندنا من سنين وماشاءالله عليها وايد زينة مابي أخسرها



خواتي اللي قالوا 45 كويتي ... معناه اني بعطيها حقها وزود لو عطيتها 54 صح ؟؟

ومشكورين على المساعدة والنصيحة ويمكن أدق على مكتب خدم وآشوف بعد



الله يتقبل طاعتكم كلكم

 

[جارة القمر]

رد : كم معاش الاندونيسية عندكم في الكويت؟؟؟؟

أنشودة المطر


في مشكله باندونيسا علي هالسالفة



وألحين يقولون بعد العيد



أن شاء الله بيردونهم

 

[كيكه ترفه]

لوول انا مافهمت الموضوع مع اني قريته مرتين ؟
بس شوفي اذا عندها خبره وقديمه وتبرد الجبد وعارفه كل شي عطيها 50 او 55 تستاهل
اما اذا يديده ابدي معاها 45 ولما تصير عندها خبره دلعيها خليها 50 او 55

 

[أنشودة المطر]

رد: رد : كم معاش الاندونيسية عندكم في الكويت؟؟؟؟

أنشودة المطر


في مشكله باندونيسا علي هالسالفة



وألحين يقولون بعد العيد



أن شاء الله بيردونهم

هلا والله حبيبتي

زين الله يبشرج بالخير !
لأني ماأستغني عنها ولاأثق بغيرها عشان تمسك ولدي

 

[أنشودة المطر]

لوول انا مافهمت الموضوع مع اني قريته مرتين ؟
بس شوفي اذا عندها خبره وقديمه وتبرد الجبد وعارفه كل شي عطيها 50 او 55 تستاهل
اما اذا يديده ابدي معاها 45 ولما تصير عندها خبره دلعيها خليها 50 او 55

هههههههه الله يحييج ويبقيج ياكيكة
انتي قريتي الموضوع مرتين على قولتج ومافهمتيه
بس تراج عطيتيني الجواب المطلوب ونفعتيني ماقصرتي ههههههههه


الزبدة حبيبتي اني أبي أييب خدامة أهلي معاي للكويت
وأبي أعطيها معاش حالها حال الاندونيسيات بالكويت لأن الخدم عندنا في البحرين معاشاتهم أقل من الكويت بشكل عام

وبس ياطويلة العمر

 

[ام عفاف الكويت]

هلا فيج اول شي بالكويت ديرتج الثانيه
الاندونسيه اول شي 45
وكل ماقدمت اخذت زياده 5 كل سنه تقريبا

 

[روعه الأحساس]

رد : كم معاش الاندونيسية عندكم في الكويت؟؟؟؟

نفس كلام البنات

 

[أنشودة المطر]

مشكورين خواتي أم عفاف وروعة الاحساس ماقصرتوا يا أهل ديرة الطيب والكرم

 

[::كيك وعسل::]

حيياج الله بالكويت
...