كم مره اقدر ارفض بالديوان ؟؟؟؟؟؟؟؟؟؟؟؟

[الأمل لحظه]

السلام عليكم ورحمه الله وبركاته
بغيت اسأل اهل الخبرات كم مره اقدر ارفض بالديوان
وهل فيه عدد معين وبعدها يستبعدوني ؟؟
لان بصراحه الوزارات اللي يرشحون فيها غريبه عجيبه
ولا وزاره من اللي حطيتها نزلوا اسمي فيها
والحين هذي ثالث وزاره يرشحني لها الديوان وبرفضها ..... بس خايفه بعدها انقع نقعه محترمه !!!!!!!

 

[f6aa6ee]

ماااااكو لمت معين
رفضي لين يحطونج بمكان يعجبج
بس خلي رغباتج واضحه
لاني ما اعتقد تقدرين ترفضين رغبتج

 

[الأمل لحظه]

^^^^^^^^
^^^^^
^^^
حبيبتي شدعوه يدرون عن الرغبات اصلا انا بديت اشك انهم يشوفون الرغبات ويستبعدونها
لان الوضع موطبيعي
اسوي ربط على الاوقاف سنه ونص واشيل الربط وبالعربي يقولون ماراح تقبلها الاوقاف لانها شالت الربط
طيب انا ابي الاوقاف بس مابي اطول
ردوا يقولون كل الوزارات تترشح فيها الا هالوزاره !!!!!






ماعلينا ... بس بغيت اسال في احد رفض عدد معين ونقعوه ؟؟؟؟

 

[riaria]

ماله حد
انا رافضه 6 مرات يحطوني بوزارات مو من رغباتي
واخر وزارة قالولي مانبي شهادتج
وفي وزارة الداخليه قالو حنا طالبين ذكور مانبيج رحت انا سويت رفض مو الوزارة رفضتني
يعني عااادي ماله حد معين
والحين اخرها البلدية قبلتها غصب عني لاني مللليت من الرباااده والكسل والفراغ

 

[BraZiLeya]

Shrayekm kel wa7da tgol ween elwzarat ely rsh7oha 7agha?
Ana 1-el9e7a. 2-sh2oon elg9ar 3-elt3lem el3aly... O el9raaa7aa mt7sfa 3la elgu9aar ;s o lel7en b6alyaa ;"""""(((((*

 

[الأمل لحظه]

ماله حد
انا رافضه 6 مرات يحطوني بوزارات مو من رغباتي
واخر وزارة قالولي مانبي شهادتج
وفي وزارة الداخليه قالو حنا طالبين ذكور مانبيج رحت انا سويت رفض مو الوزارة رفضتني



يعني عااادي ماله حد معين
والحين اخرها البلدية قبلتها غصب عني لاني مللليت من الرباااده والكسل والفراغ

اي والله جبتيها ..... الرباده والكسل ذبحنا ..... والزياده بعد ماقعد احد ماتسلفنا منه
والله الواحد يفقد حتا الاعانه
بس شبيدنا بعد ؟؟؟

 

[الأمل لحظه]

shrayekm kel wa7da tgol ween elwzarat ely rsh7oha 7agha?
Ana 1-el9e7a. 2-sh2oon elg9ar 3-elt3lem el3aly... O el9raaa7aa mt7sfa 3la elgu9aar ;s o lel7en b6alyaa ;"""""(((((*

انا اول شي رشحوني بالداخليه
الدفاع
التجاره والصناعه
بس بغيت اقولج التعليم العالي حلو دوامهم
وهم شؤون القصر
انا اتمنى شؤون القصر
ياليت يقبلون محاسبه

 

[BraZiLeya]

Elt3lem el3aly shlon 7lo dwamhm??? Ygolon mo zain !

 

[الأمل لحظه]

^
^^^
^^^^
والله ماادري شلون طبيعه دوامهم بس اللي اعرفه ان معاشاتهم حيل قويه
وحيل مرغوب

 

[riaria]

انا اول شي رشحوني بالداخليه
الدفاع
التجاره والصناعه
بس بغيت اقولج التعليم العالي حلو دوامهم
وهم شؤون القصر
انا اتمنى شؤون القصر
ياليت يقبلون محاسبه

هااه انتي تبين مكان دوامهم عاادي ومافيه شغل
عندج البلدية روحي فري على اي فرع تبينه
ولمه تسويين مقابله بالبلدية قوليلهم ابي الفرع الفلاني
انا لمه فريت لقيت المكاتب مفتوحه ومافيها اوادم مالقيت احد مداوم وكلمت الحارس قالي يبصمون ويطلعون
حتى مديرينهم نفوسهم طيبه
ويوظفونج فيه بدون واااسطه
بين 6 وزارات صج الوزارة الوحيده الي لقيت فيها التوظيف بدون واسطات والمكان الي تطلبينه وحبوبين في المقابله هم البلدية

 

[nora al]

اناا قبلوني الجمارك / الشؤون / الصحه على ماعتقد والعدل

ورفضتهم كلهم لان بصراحه لووووووووووووعه !!


ولاا مكان على رغباتي

 

[دَلالْ]

آنا اقبلوني بالتربية ورفضتها
والحين العدل ومادري ارفض ولا لأ


بنات شلون إذا بنسوي بدل ؟
يعني وحدة تبي العدل تاخذ مكاني واهيا بالقصر وماتبي القصر واخذ مكان < مثال

شلون ؟

 

[الأمل لحظه]

جان زين نقدر نبدل جان صار مكافخ بالديوان وقت الدفعه تنزل كلمن يقول من يبادلني
طبعا لان الديوان على كيفه يوزع فما اظن احد بينزل بالوزاره اللي يبيها


والاخت اللي تقول اني ابي وزاره مافيها دوام !!!!!!
بالعكس انا استحرم الوزاره اللي بس اطق كرت او بصمه واروح لا شغل ولا مشغله وآخر الشهر آخذ المعاش كامل
انا اعتبره غش
بس عاد ابي وزاره مافيها اختلاط كلش !!!!
فاكيد بتكون الاوقاف
لان التربيه مستحيل تقبل محاسبه ولا لو علي ابي التربيه

 

[q8ia7]

حووبي ترا التعليم العالي معاشاتهم اي شي منو قالج ان معاشاتهم وايد قويه !؟ حالها حال الوزارات الثانية .. بس انا هم نفسج اول شي عبالي لأن اسمها كشخه لووول ..


انا رفضت الصحه - الشئون - التربية - والحين برفض الاوقاف انشالله .. متأمله اتوظف بمكان زين وفييه شغل اهمممم شي عشان احلل معاشي .. ولا اني اروح اداوم وماكو شغل بس حش و اكل .. لا وانا مو من النوع اللي اسولف وبسرعه ارافج اي احد يعني لو ماكو شغل بتوهق بقعد طول اليوم حاطه ايدي على خدي ... وااااي يعني انا ليش متوظفه بالله مو لأني زهقت ومليت ؟؟ اروح دوام مافيه شغل بتلوع جبدي زياده ..

عاد الدفاع معاشاتهم اقوى شوي من باجي الوزارات بس مو اقوى من الماليه بالنص بين الماليه وباجي الوزارات العاادية .. بس وايد اشوف بنات مايبونها يقولون مو شي حق البنات مادري ليش ..

 

[BraZiLeya]

Banat leash raf'6eeen elsh2oon??? G9dkm sh2oon elg9aaar??? Wla shno

 

[الأمل لحظه]

يالله بنروح نرفض وامرنا لله

 

[دَلالْ]

الأمل لحظة
آنا محاسبة وأول رغبة يتني التربية ورفضتها
مو مستحيل

 

[الأمل لحظه]

غريبه عاد هم يقولون التربيه ماترشح دبلوم محاسبه
سؤال : من متى رشحتج التربيه ؟؟
لان هذا القرار من ثلاث شهور للاسف

 

[Ms.Roon]

بنااات تصحيه تربيه رفض رفض من امه رفض

انا غلطت ما رفضت التربيه

وحطوني باداره مدارس التربيه الخاصه

وييع حده انصدمت
ما توقعت جذي
قالو لي فيه بدل
البدل ٢٥

بصمه
من ٧ونص لي ١:٤٥
والمديرر مو شي
ما عجبني القسم والشغل للي حطوني فيه
وانا هذا اول يوم دوام بس كلش ما عجبني الوضع

اذا برفض ايصير وانا الحين سويت مباشره عمل وداومت
والا لازم اقدم استقاله اذا ابي اقدم من مره ثانيه بالديوان على مكان ثاني*

 

[الأمل لحظه]

الله يعينج بس والله ماعندي خبره بسوالف النقل انشاءالله البنات يفيدونج الاخت :Ms.Roon