كم رضعه باليوم؟!!

[اذوب بكلامه]

حبايبي بنتي عمرها سنه وطبعا غيرت حليبها لرقم 3 من أسبوعين تقريبا وكنت أعطيها حليب كل ما طلبت يعني تقريبا ثلاث أو اربع رضعات باليوم و تفاجأت انه مكتوب على العلبه رضعتين باليوم بس فهل الرضعتين بالعمر هذا تكفي ولا الأطفال يختلفون وشلون اخليها تاكل الخضره والفواكه ماتحب إلا المكرونه والزبادي واللبن وبالغصب تأكل الرز

 

[miss-jmjm]

حبيبتي بالنسبه للرضعات انشاءلله البنات يفيدونا بهالشي بس بالنسبه للفاكهه خلطي الفاكهه مع الروب يعني مره موز مع الروب وشوفي شلون تتقبل ولا غيري مره تفاح ممكن تهرسيه بس مووايد عشان تتعود تمضغ

الخضار انا اسويله شوربه اقطع كل الخضار البطاط الكوسا والجزر والبروكلي والزهرة احطهم بالبخار لين يستوون شوي وبعدين مع مرقه الدياي بعد ماتفوحينها اسوي فيها شوربه ممكن تحطين معكرونة الحروف او معكرونه لسان العصفور مع الخضار
والبهار بس رشه ملح وفلفل بس عشان يعطي نكهه خفيفه ويتقبله الياهل
وفي بارض الطبيعه بهار بودرة مكتوب عليه شوربة خضار يكون مثل الماجي بس طبيعي ممكن قفشه صغيره منه
وانتي طبعا تذوقينه وتشوفين هل اهو مقبول للبيبي ومايكون مالح

ودوري بالنت اكو وصفات تسوين شوربه خضار انواع واشكال

واسفه طولت عليج حبيبتي ويعطيها الصحة والعافيه

 

[miss-jmjm]

ونسيت اقولج الروب خلطي معاه الرز
ترا الياهل اي شي معاه روب ياكله بس لاتييبين الروب الجاهز مع الفواكه استغفرالله مااحبه ولا احب عيالي ياكلون منه كلش

 

[M!SS.LOBY]

الله يحفظها لج ولا تشوفين فيها مكروه

 

[M!SS.LOBY]

عادي الرضعات علي الياهل يختلفون
بس الافضل تعطينها فواكهه ارز ابيض مع زبادي واكل بالجمعيات مغذي بفيتامينات

 

[مشتطـه]

بعمرها 3 رضعات
وحاليا سنة ونص اعطيه رضعتين

الحليب مفيد ما راح يضرهم

 

[M!SS.LOBY]

فواكهه

 

[نور دنياه]

تختلف الرضعات من طفل للثاني الي مكتوب رضعتين تلافين الياهل مشالله يشرب رقم 250 كل 6 ساعات انا بنتي ماتشرب هالكثر فاضطر اعطيها كميات قليله على 4 مرات
ولا م تعودينها على الاكل مثلا خضروات مطبوخه مع دجاج وحاطتهم بالخلاط الا اذا بنتج عندها اسنان مايحتاج الخلاط ، وروب وعيش او روب مع فواكه او ملعقه عسل