كل يوم البس قميص ونتيجه !!

[أمورته]

السلام عليكم

شلونكم بنات

الله يوفقنا وياكم في كل حياتنا
ويبعد عنا وعنكم كل شر نفس او عين او حسد


بما اني عروس يديده ماعرف شي وايد قلت اسال اخواتي اهنيه


هل كل يوم تلبسين قميص وقت نوم ولا بس وقت الشيسمونه


للامانه بنات انا جهزت تقريبا 10 قمصان مع بجايم الحراير واحس مقصره
لاني قريت عن وحده مجهزه 73 قميص فقلت مادري انا صح ولا الناس صح

لان انا تقريبا كله البس بجايم النوم الي فيها حركات وضيجه وساعات لا والله العاديه الوسيعه



شرايكم انتم فيدوني وكل شكري وتقديري للي ترد علي وعسى ربي يحقق احلامها والي تمناه

اختكم بالله امورته

 

[م بقئ إلآ القليل !]

لا وضعك طبيعي
هذيك مبالغه حيييييل
اصلاً احيان تصير وانتي لابسه قميص واحيان وانتي
لابسه بجامه واحيان لابسه بدله كاشخه له فتبين تروحين تبدلين يقولج
لا مو ضروري خليه عليج واحيان يكون قميص الطقم الداخلي يكفي يكون شكله
كيوت وذرب وبس الله يسلمج

 

[عروسة اكتوبر]

ع فكره بعض الرجاجيل ما يعيرون قميص النوم أي اهتمام اصلا عندهم البجامة القطن قميص نوم هههههههه

عادي حياتي انتي نفسي والله مو كل يوم ألبس قميص مع اني ماخذه واجد بس عادي انوع مره قميص مره بجامة ستان

 

[أمورته]

زين الحمدالله طمنتوني الله يريح بالكم ههههههه ا
فديتكم

 

[ترف الصبايا ~]

تجهيزك معقول
مو كل يوم تلبسين قميص عشان مايمل نوعي بالبس ولا كل يوم تكشخين خلي يومين بالأسبوع للكشخه والقمصان والأيام الثانية بجايم و قمصان قصيره قطينه وخلي شكلك طفولي وشعرك سويه نفس البنات الصغار نوعي وكذا

موفقه حبيبتي




،،

 

[أمورته]

جزاج الله خير عساج سالمه وربي يسخر لج زوجج

 

[كويت الاناقه]

هههههههههههه الريايل لو تلبسين لهم خيشه ماتفرق معاهم



ربي يتمم لج علي خير ياارب

 

[أمورته]

هههههههه عسى ربي يوفقج
تسلمين ع دعوه شرحت صدري الله يشرح صدرج

 

[ام شيخه وتامي]

هلااا يكفي عشره وتراا الايام يايه وكل يوم ينزل شي يديد وبتعرفين ذوق ريلج اكثر وعلى اساسه بتتزهبين وانتي عنده

 

[ام شيخه وتامي]

بس ما تنسين الطقم النوم الرءيسي حق اول ليله

 

[نـعـومـه]

73 قميص وااااايد هذا حق سنه

وضعج حلوو مره لبسي وسبع راهي مره حركات وضيج مره شورت وجذي

اما قمصان نوم بس حق الشيسمونه

 

[طيبة83]

ههههههه عرفتها اللي قالت 73 قميص

كل ناس ظروفهم غير وعاداتهم وتقاليدهم غير


المهم

انا مع البنات حلو التنويع مب كل يوم نفس الشي

 

[أمورته]

جزاكم الله خير والله يسخر لكم ازواجكم ويستر علينا وعليكم بالدنيا والاخره

 

[مذهلة2013]

انا يوم اجهز شريت مو ماشريت بس بحدود
خصوصا ماكنت اعرف ذوق ريلي مع انه كنت اكلمه بس مادري بهالسوالف شنو يحب
لين ما عشت وياه وشفت شنو الي يحبه ونوعت بكل شيءءءء الريش القصير الواسع الشفاف كل شيء

 

[Dream2013]

ياا حلوكم يالعرايس

 

[زوجة عزيز]

عليج بالعافيه الله يسعدج

 

[أمورته]

ع راسي كل الي ردو جزاكم ربي جنه الفردوس

 

[شادن33]

البنات ما قصروا الله يهنيج حبيبتي

 

[M!SS.LOBY]

الله يوفقج

 

[M!SS.LOBY]

تجهيزج غير مبالغ فيه عاااادي امر طبيعي

بس بجامة قطن تقعدين معاه ويقرب منج فيها قوووووووية حييييييل لا ياقلبي انتي متزوجة
المفروض حركات وبدلات خاصة ودانتيل وستان وقصير نفانيف ولابسات خاصه وحفر وعلاق وهوايل


بجامات القطن حق ايام العزوبيه