كل وحد تدخل تقول وين شافت تنزيلات

[قدســـاوية]

السلام عليكم خواتي

ودي ان كل وحده منكم تدخل تكتب وين شافت تنزيلات

بمحلات تجهيز البيبي والحامل والوالده

وكل محل يخص هالشغله

مع اني مو حامل ولاشي

بس حبيت افيدكم بموضوع تدعون لي فيه

 

[الشموخ~~]

مرحباااااااااااا @@ احنا برمضان يا حلوة وين بتلاقين التنزيلات اللي بدينار بخمسه الله يعينا بس

وموضوعج حلووووووووووو

 

[قدســـاوية]

يسلمو

بس بالعكس اللي اشوفه صج انه مايخص البيبي

بس السوق كله تنزيلات

 

[مألوفة]

مذركير من فترة بس ما ادري للحين في تنزيلات او لا شفتهم بجمعية بيان فوق وهم كانو دازين لي مسج انو في تنزيلات

 

[قدســـاوية]

ياحلو بيان وايام بيان وذكريات بيان

والله من يمر علي اسم هالمنطقه ارجع بالذكريات لورى لاحلى ايام حياتي

كنت توني متزوجه وابوي كان مانعني اطلع مع زوجي قبل العرس

بس انا وزوجي كنا نتواعد فجمعية بيان واوقف سيارتي واركب سيارته ونطلع نتمشى

ههههههههههههههه اللي يشوفنا يقول مواااااعد ههههههههههههههههههه

 

[المسكـ]

لوووووووووووووول
ضحكتيني قدساويه

والله انا حاليا سجييييييييييييييييييييييييينه في قفص ذهبي

ممنوعه من الطلعه لاشعار اخر لوول

الدكتوره مانعتني وريلي موراضي يطلعني
وعشان يضمن اني ماطلع من وراه ماخذ سياااااااااااااارتي

ان شالله ان طلعت من البيت الابيض اقوولج لووووووول

 

[الأميرة جوري]

قبل اسبوعين او اكثر الافنيوز تزييلااااااااااات وقبل اسبوع اختفوااااا ماكو تنزيلات الحين يمكن شهر 11 تبتدي

 

[قدســـاوية]

المسك الله يفك اسرج ههههههههههههههههههه


الاميرة جوري يسلمو يالغاليه

 

[GOLDEN_FISH]

بالعكس عاد انا عندي اذا مو تنزيلات احسن لان كل شي مرتب وتعرفين تشترين اذا تنزيلات مايهتمون ويقطون الاغراض قط عاد الله والتنزيلات

 

[عنود مطير]

ششووفي وانا اختج



كفرات الولاده اذا تبين محلات في الكاروكه بالسالميه وفي محل الاقتصاد المنزلي هم بالاوقاف

وفي بمجمع الرايه بس غالي وفي جم محل بمنطقة الضجيج مالت الاثاث

بس نصيحه روحي حق المشاغل شغلهم يصير ارقى

بالنسبه لقمصان اذا تبين شي راقي عندج محلات انور والطاهر مسوين خصم وفي كم محل بمجمع الرايه اهم حلووين حييل

واذا تبين شي حق اليومي عندج مجمع النقره الجنوبي والشمالي ومجمع عيد النصار وهم عند عيد النصار تلقين اغراض البيبي

باسعار معقوله والباقي عندج سنتر بوينت ومذر كير واذا تبين اشياء اغلى شوي عندج محلين بمجمع البستان واحد اسمه انار والثاني

ما اذكر وهم عندهم سيل

عندج محل مورا بالمباركيه كفراتهم حلوه حق البيبي

وبسس طبعااا هذي القايمه من خواتي لاني انا لا حمل ولا عروس

اتمنى اكون فدتج

وتقومين بالسلامه حبي