كل وحده هنـي بالقسم تتأكد انها مره سنعه لانها تبحث عن الاناقه لبيتها ، بس يبيلج اراده

[*kim*]

موووضوووع حلوووو

 

[اميره^_^بحلآها]

يعطيج العافيهه

 

[آشوآآآق]

اب اب

 

[mrs.abk]

والله يا أختي أحس انتي رابشة نفسج على الفاضي .. وايد تستعملين مستحضرات تنظيف وكيماويات ترا انتو الا نفرين موب حمام عمومي هذا

انا موظفة وبيتي بدون شغالة وأنا وزوجي بروحنا بس يجونا أهلنا بين فترة وفترة ,..

دوامي طويل من 9 لين 5 العصر ويا دوب أوصل بيتي 5 ونص هلكانة وأحيانا أنام بعباتي لحزة صلاة المغرب .. وزوجي أساسا عنده دوام ودراسة يعني مسكين ما يشوفني إلا المسا والصبح قبل لا يطلع

نقوم الصبح نصلي ونرجع نكمل نوم .. الساعة 8 إلا ربع أقوم أنا أخذ شوري وأجهز للدوام وأصحيه

يدخل يسبح أرتب غرفتنا وألم الأغراض المنثرة وملابسنا وغيره وأفتح الدريشة أهوي الغرفة

وأنزل أجهز أي شيء سريع .. مثلا أغلي حليب للكورن فليكس أو أحشي سلايس زعتر وطمام وخيار أو جبن وخيار أو أي شيء سريع وأحط عصير وأجهز شاي زعتر بحليب أو زنجبيل بحليب أو حتى زعتر عادي لأن زوجي ما يحب الشاي الاحمر الصبح.. وطبعا حبة فاكهة ..

وبسرعة نتريق ونطلع .. المواعين أخذهم قبل لا أطلع وأحطهم بالحوض وأحط عليهم ماي وصابون .. طبعا أنظفهم بجريدة الوسيط أو بكلينس علشان أي دهن أو بقايا أكل أرميها بالزبالة وانتي بكرامة .. ونروح لدواماتنا


بس أرجع وأقوم من غفوتي وأصلي أدخل أغسل مواعيني وأرتب صالتي وأدخل البيت وأمر على حمام غرفتي بالبخاخات ( بخاخة صابون سائل مع داوني.. وشوية ماي ) أبخ الحمام كله وأحط هاربيك بالمرحاض ..

أشطف الحمام من الصابون بالشفاطة وبعدين أبخ ديتول .. وبعدها أشطف بماي .. أنظف الجامة .. وأرتب عدة النظافة من صابون ومعاجين وغيره .. وأولع فواحة باللافندر


جذيه أكون خلصت تنظيف الحمام اليومي .. كل أسبوع أجييب شغالات بيت أمي يغسلون لي البيت من مجاميعه ..


أدخن غرفة النوم وأخذ شور وألبس بيجامة وأنزل أجهز عشا خفيف لزوجي .. وبعدها أجيب طاولة الكوي أكوي له ملابسه لحد ما يوصل من برا .. وأكون أتابع فيلم ومروقة ..


يوم الجمعة طبعا يتغير الريوق يصير مأدبة .. والغدا في بيت أهله .. وأبات عند أهلي .. يوم السبت يصير الغدا مأدبة والعشا نفس الشيء .. أكره يوم الأحد أغسل فيه مواعين اشكثر !
وسلامتج

 

[д7βk βşķάť]

مووضوع حلوو

يعطيج العافيه ياقمر

ياريت يستعيد نشاطه لان بجد مفيد

 

[مطيريه قول وفعل]

يعطيج العافيه بس يليت تكلمين شلون تقسمين وقتج يعني متى تنظفين ومتى ترتاحين لان الشغل مايخلص ولازم يكون عندج وقت راحه

 

[لمساتـي]

اب اب

 

[نون وما يعلمون]

ماشاء الله فديت السنعاات انا

قالوها قبل العمر يخلص والشغل ما يخلص


فلازم الوحدة ترتب وقتها علشان ماتطغي شغله على شغله ثانيه


فتقسم يومها اذا هي ربه بيت او موظفه


ربه البيت ما شاء الله عليها عندها وقت وفراغ كبير يمدي ها تخلص شغلها وتنظف وتنظم


وما تقصر بالناحية الدينية وتؤدي فروضها في أوقاتها من صلا وقراءة قرآن وسماع أشرطة تفيدها


والصلاة بحد ذاتها اذا تأدت بوقتها فهي تنظم وقتج يعني بمعنى يومج مقسم على عدد الصلوات


الخمس الله رتبها لج سبحانه والله يحب العبد المنظم الجميل


فأنتي وشطارتج سويلج جدول عمل للتنظيف وخذيلج فترات راحة بينهم حتى ما تملين


بيطلع بيتج نظيف وومخج وافكارج مرتبه بعيده عن الحوسة واللوية


وخلي شعارج (( لا تؤجل عمل اليوم إلى الغد )). يعني كل شي بوقته


ويارب تصيرون كلكم ربات بيوت سنعات حافلظات لبيوتكم وعيالكم ... وتسلمون

 

[لمساتـي]

حبيت افيدكم???

http://www.q8yat.com/t1146986.html#post32504740