كل وحده مسويه تحزيم معده تشاركني

[ام مدعج]

النيه الموضوع يبيله تثبيييييييييييييييييت و الله لان موضوع مهم و نحتاج انا نتناقش فيه كلنا المتحزمااااات




المهم شخباااااارج يالنيه وينج ما اشوفج عسى ماشر ؟؟؟

انا وزني زاااد كيلووو الحمدلله و الشكر استغفر الله ياربي (( نفسيتي صايره اي شي ))

بس من اليوم السبت بديت ريجيم قاااااسي و انشالله اضعف منيه لي عرس ولد خالتي اول 12

قولوا امين

 

[ام مدعج]

ابي وزني يصير عالاقل 85 عشان امبلع شوي

حاليا وزني 93 لاحول الله ولا قوه الا بالله ههههههههههههههههههه

الحمدلله عالصحه و العافيه


الا صج بنات بسئلكم الحلقه تعوركم ولا بس اناااا ... مكان الخزان اللي تحت سدري يعورني مرات ان كنت لابسه ستيان بوحديده او شي و شغله طاحت بالارض بجندس اجيبها يعورني مادري ليش ؟؟؟

طبيعيه هالشغله صح ؟

 

[ام مدعج]

النيه المشي امشي عالاقل باليوم ربع ساعه و انشالله بينشد جسمج

 

[لؤلؤية]

اذا الله سهلها علي قريب بانضم لكم ...

بنات شلوون نزولكم ؟؟؟؟

 

[ام مدعج]

ام فييييصل هلااا و غلاااا و الله تو ما نورت دواااانيه المتحزماااات لوووول

حياج الله حبيبتي

ام فيصل على حسب كلامج انج بتسوين تحزيم معده ؟؟؟

و الله انصحج بالدكتور محمد الجارلله ممتاااز ماشاء الله عليه و مستشفى الهادي عنايتهم عجيييبه

و الله يكون بعونج يااااارب و يقومج بالسلامه من العمليه

و النزوووول عجيب غريب اول اسبوع نزلت 6 كيلووو

اول شهر تقريبااا 13 كيلوو

ولحد الان نازله 22 كيلو تقريبااا الحمدلله

شكلي تغير 180%

 

[النية الصافية]

اذا الله سهلها علي قريب بانضم لكم ...

بنات شلوون نزولكم ؟؟؟؟

حياج الله ام فيصل
انصحج بالدكتور موسي خورشيد وسامي امان والجار الله هذيل ممتازين ولا تنسين حبيبتي صلاة الاستخارة اولا لعملية التحزيم والعملية مع الحزام تكلفج تقريبا 2000 والعملية في مستشفي الهادي
والنزول بالنسبة لي اول اسبوع 5 كيلوات وبعدها صارالوزن بطئ لاني ماكنت بالمئات اللي بالمئات نواهم سريع عكس اللي تحت المئة الحين بصير لي سنة نزلت 21 كيلوا
والحمد الله علي كل حال وامتني بعد انزل 10 كيلوات
بس العملية مو سحر عشان تنزلين هي كعامل مساعد للنزول بحيث تقلل كمية الاكل وتمنعج من الاكل الزايد لانج ما تقدرين تاكلين اكثر والا بترجعين ولازم تخففين الحلو او تبتعدين عنه لانه النزول بكون احسن .
والله يسر امورنا وامورج

 

[النية الصافية]

تاج الوفا
الا صج بنات بسئلكم الحلقه تعوركم ولا بس اناااا ... مكان الخزان اللي تحت سدري يعورني مرات ان كنت لابسه ستيان بوحديده او شي و شغله طاحت بالارض بجندس اجيبها يعورني مادري ليش ؟؟؟

طبيعيه هالشغله صح ؟

طبيعية هالشغلة العوار اللي تحسين فيه من الخزان اللي يحقن الدكتور فيه الماء للتضيق وانا مثلج فغيرت ستياناتي خذيت خفيفه يعني السير والعرض للستيان من تحت الصدر يكون راخي مو قوي ولا عريض وبالنسبة لما اجندس يروح ويرجع مو علي طول
وكل ما ضعفتي بتحسين بمكان الخزان جنه شئ مدور ناغز من بين صدرج
حتي ساعات وانا نايمة علي جنب واطول بالنومه احس بعوار الخزان يذبحني فاغير النومه الصوب الثاني وهكذا

 

[ام مدعج]

النيه ويييييييييييييييييييييه انا البس كورسيه بو حدايد لان قالولي يشد ويلم الجسم ؟؟؟

اما عالستيان انا البس من غير حدايد بس اسفنج عشان لا يعورني

الله يعينناااا يارب و يوفقنا كلنا و انشالله نوصل للوزن اللي نبيه

بس مثل ما قلتي الشغله مو سحر يبيلها وقت

الله يعينا يارب

 

[ام مدعج]

بنااااااااات اللي مسوين تحزيم و بالاخص النيه الصااافيه

شلون اكلكم الحييييين ؟؟؟

انا حالياااا اكل وجبه وحده باليوم

تتكون من

جزر وبطاط و بروكلي و زهره مفيووحين من غير ملح

احطهم في باديه و فوقهم شريحه جبن سلايس خالي الدسم و احطهم بالمايكرويف لمن يسيح الجبن

واليوم كله عصير اناناس و ماي و جاي

واذا جعت كليت لي بسكوته وحده مالحه وبس

صارلي يومين على هالسالفه .... نزلت كيلووو الحمدلله

بنات بقولكم شغله جد و الله حساسه شوي

الناس كلها ان شافتني ينصدموووووووووووووووون لان شكلي غير غير محد كان متوقع اني اضعف لان من عمري احاول اسوي ريجيم و ما اقضبه

هالمره شكلي غير وحده ثانيه الطول ماخذني فيقولون لي مليانه عاديه يعني و قبل كنت اووووووووووووووووووووفرررررررررررررررررر بططططه

بنات و الله جد مرات احس الناس تاكلني بعيوونها بس اقرا المعوذات وكل شي

الطامه الكبرى قبل ايام المتن كنت بكل عرس نفنوف اسود و شال ولا ارقص واجد ولا شي و عرس ولد خالتي اول 12 ومسويه لي نفنووووف الوانه فااقعه و ايد جم و الايد الثانيه جم طااايح يعني زندي ببين (( حاليا مقبول )) الحمدلله

و الله خايفه من عيون الناس مثل ما انتوا عارفين في ناس ما يذكرون ربهم اعوووذ بالله منهم ... لا تقولون تاج مغروره ولا شايفه نفسها بالعكس و الله صج انا عن نفسي اقول شكلي تغير 180%

بس انا اهلي قالولي على طول اقرا المعوذااات ... ولا تقولون عني وسواسيه لااا بالعكس بس من اللي نشوووفه يا بنااات ... اغلبهم يقولون لي واااي حريتينا عندج اراااده ... يعني كلامهم يخوف و الله جد الحمدلله و الشكر على كل حال

هالناس ما تدري اني داشه غرفه عملياااااات كل ما يسئلوني اقول لهم ماشيه على ريجيم دكتور و اسكت عنهم ... شسوي ابتلشت هههههههههههههههه

 

[النية الصافية]

انا مثلج
اخذي التعليقات
ما عرفناج
صغرتي
مو مبين عندج يهال
خقيتي اشلون
اشسويتي النص راح
ويهج صار ضعيف مو حلو
صايرة حلوه
ملامحج بينت
ارد اقول الحمد الله ما بقيت اضعف
ويه انا صارلي 3 سنوات وانا اسوي رجيم وانا عند ربي صاجه انزل اوصل لي 85 وارد لي 98
وامتنعت عن النشويات والكربوهيدرات والحلويات والحمد الله ضعفت بس الحين اخفف اخذ من كل شئ شويه عن خاطري وامشي نص الي ساعة حسب الجو والوقت والمزاج وبس انا ماجذبت صح مع التحزيم هذا اكلنا بس ما علمت احد اني مسوية العملية غيري انا وريلي وبس شكو عشان لي عرفو اني مسوية عملية بصير حجي وكلام
كامثلة:
ليش
اشحقة
مو زين
ويه ما ضعفتي قاطة فلوسج ومعرضة نفسج للبنج ولا استفدتي
وعاد اخذي من الكلام اللي يسد النفس وي حبط الواحد
صح والا اشرايج تاج

 

[ام مدعج]

النيه ايه و الله صاااااجه

انا ما اقول اني مسويتها لاني هالشي يعارضونه ناس واجد مثل ما قلتي شالله حادج و جذي

و تدرين توني بنت يعني حلاته مو كل شي اسويه ينقال

و ان دروا اني حاطه حلقه و توني ما تزوجت

باجر بيوقون (( هذي ما ينفع فيهاا اكيد بترد تمتن ان شالوهااا ))

(( الحمدلله و الشكر ما نفع فيها الا العمليات ))

تعرفين كلام حريم

بس صراحه طنش تعش

انا محد يدري اني مسويتها غير امي و خواتي و خواني حتى مرت اخوي ويانا بالبيت ما قلت لهاااا

مافي داعي

ما قلت لج نزلت كيلوو ونص من يوم السبت الريجيم اللي كتبته لكم

وناااسه

ومن باجر ببدي جلسات صينيه للشد و التنحيف (( كاتبه موضوع عنه ))

 

[النية الصافية]

وين بتسوين المساج الصيني بس اشلون اذا يت بتسوي مساج صوب بطنج ومعدتج لانه تضغط علي اماكن الغدد الليمفاوية بالجسم وتصغر المعدة بحركات ضغط ديري بالج لا تروح صوب الخزان مو ناقصين هو من غير شي ويعورنا وانتي توج مسوية العملية والجرح بعده خصوصا اللي فوق
صاجه لا تقولين لاحد والا منتي خالصة

 

[ام مدعج]

النيه يمه لا تخرعيني لاا انا كاتبه بالورقه اللي عندهم اني مسويه عمليه تحزيم

قبل لا تسويلي مساج و تحط كريمات بقولهااا صوووب سدري الايسر تحت و معدتي ما تقرب يمها

اهم شي الفخوذ و الزنوود منطقه الحوووض

باجر بروح لهم بشوف شنو بيصير وياي

بسويه بالمعهد الصيني اللي بالسالميه باجر اعطيج رقمهم و عنوانهم لان الورقه عند امي

 

[النية الصافية]

اي ديري بالج علي الخزان وماله داعي تقرب صوبه كلش وخليها اتركز علي اماكن ثانية بالسالمية زين والله قرب علي مو بعيد انا اتكيسل اذا المكان بعيد احب لي اشتركت بشئ يكون يمي حتي الصالون اروح اقرب واحد يم البيت
اوكي ناطرتج تعطيني اسم المعهد ورقمة وجم اسعارهم ويعطون شاي اعشاب وحبوب والا لا؟؟؟ وجم عدد جلساتهم
واسفة نسيت اباركلج علي الكيلو ونص ومبرووووووووووووك ويالله شدي الحيل دامج بنت وصغيره تري جسمج سهل ينزل والله معاج

 

[ام مدعج]

النيه ههههههههههههههههههههههه لاا ابيج تباركيلي عالعشرين اللي بنزلهاا انشالله خلال الاشهر الجايه قولي امييييين

لاا انا بروحي اوسوس من عوار الخزان ما عليج انشالله بفهمهااا وباجر اعطيج كل المعلومات ولا يهمج

ايه حتى احنا بالسالميه يم يمنااا مو بعيد لاني انا اكسل منج

 

[بشاير]

مرحبا حبايبي

حبيت اشاركم بهالموضوع لاني متضايقه حدي من نفسي:eh_s(11): :eh_s(11): :eh_s(11):


انا سويت عملية تحزيم للمعده شهر سبعه 2004
وليومكم هذا مانزلت الا 20 كيلو بــــــــــــــــــــــــس :eh_s(11):

انا سويت العمليه بمستشفى حكومي بس كلفت علي سعر الحلقه انا جبتها بــ850 دينار ودكتور طبعا بواسطه سواها لي بالمستشفى الحكومي

وكل شوي اروح له لاني احس اني اكل عادي ويقول لي يبيلك تضويق للحلقه ويسويلي فحوصااااااااات لين اطلعت روحي

والحين انا اكل عادي بس كمياتي بالاكل صغيرها مو نفس اول وطبعا الماي 24 ساعه معاي عشان ما اقص بالاكل


بنــــــــات ابي نصيحتكم شسوي؟؟؟؟؟؟؟؟

حرام الحلقه الحين في كرشي ولاهي نافعتني :eh_s(16): :eh_s(11): :eh_s(16):

 

[النية الصافية]

بشاير
بصراحة لما اسمع بهسوالف يضيق خلقي واتكدر يعني ياربي عملية ومصاريف وبنج وغصه وترجيع وبعد ما ينزل الوزن والله قهر بس ممتاز والله انج سويتها بالحكومة وفرتي تقريا الف دينار وشي عليج بالعافية بس اللي مستغربه منه من 7/2004 -7/2005-7/2006 يعني سنتين واربع اشهر بس 20 كيلو والله قهر حاسة فيج والله بس اخاف تاكلين وااايد حلويات وكاكاو واكلج اللي تاكلينه سعراته الحرارية وااايد
انزين انتي جم وزنج لما سويتها وباقيلج جم كيلو بعد وجم حد التضييق اللي وصلتيله ومتي كان اخر تضويق لج ومنو دكتورج
او يمكن هالدكتور مو اوكي روحي حق غيره واشوفي شسالفه !!!!!!
قلبي معاج

 

[بشاير]

هلا حبيبتي النيه الصافيه

ايه والله قهرررر انا سويتها عند دكتور استشاري جراحه بمستشفى الجهراء عندنا بس بصراحه انا تعبت من كثر المراجعات وقطعت عنها بعد العمليه بشهر ماقمت اروح له

بس بصراحه عقب ماقريت موضوعكم حسيت بغيرره منكم ماشالله عليكم ودقيت على الدكتور اليوم وانشالله بروح له السبت وبخليه يضووق الحلقه يمكن القى فايده


بس عندي سؤال للي مسويه هالعمليه ؟؟؟؟

ماتعرفون يابنات اذا طولت هالحلقه بالجسم اتضره؟؟؟

واذا وحده احملت فجأه يضرها الحلقه؟؟؟ فيها او بالجنين

واتمنى لكم التوفيق وانشالله بجتهد وياكم لانكم شجعتوني حيل اني استمررر

ِِ

 

[النية الصافية]

برد علي اسئلتج بلون مختلف بشاير

هلا حبيبتي النيه الصافيه

ايه والله قهرررر انا سويتها عند دكتور استشاري جراحه بمستشفى الجهراء عندنا بس بصراحه انا تعبت من كثر المراجعات وقطعت عنها بعد العمليه بشهر ماقمت اروح له
لا ليش هذي عملية شنو مراجعات بعيادة خاصة والا حكومة اهم شي المراجعات انا اول ما سويت العملية بس اراجع كل شهر مرة للتضيق وبس واللحين كل ثلاثة اشهر مرة
بس بصراحه عقب ماقريت موضوعكم حسيت بغيرره منكم ماشالله عليكم ودقيت على الدكتور اليوم وانشالله بروح له السبت وبخليه يضووق الحلقه يمكن القى فايده
اي عفيه عليج روحي وراجعي وضيقي لان الوزن لما ينزل يعني تحتاجين للتضيق واحنا ليش نتشارك بالمنتديات عشان الوحدة اتشجع الثانية ونستفيد من تجارب بعض وان شاء الله نوصل للوزن المناسب بسالج اشلون الخزان معاج تحسين فيه؟


بس عندي سؤال للي مسويه هالعمليه ؟؟؟؟
تفضلي شنو سؤالج وعلي قدر معرفتي بجاوبج

ماتعرفون يابنات اذا طولت هالحلقه بالجسم اتضره؟؟؟
ما طري علي بالي هالسؤال لاني متمسكه فيها وبسببها نزل الوزن بس السبت موعدج روحي وساليه وبلغيني اشقالج عنها
بس علي ما اذكر انها ما تضر ان شاء الله بس تاكدي

واذا وحده احملت فجأه يضرها الحلقه؟؟؟ فيها او بالجنين
لا ما تضر الحامل ولا الجنين بس اللي تحمل لازم اتروح اتوسع الحلقة عشان تتغذي عدل حقها وحق الجنين وبعدها تتضوق مرة ثانية بس في بنات نساتهم ترجيع فتاذت من الحلقة وسوت لها قرحه بالمعدة وبس ولدت بعد الاربعين شالتها

واتمنى لكم التوفيق وانشالله بجتهد وياكم لانكم شجعتوني حيل اني استمررر
حياج وهذا اللي نبيه انج تجتهدين لانه جذيه كلنا بنهتم بالموضوع لانه في من يشع الثاني
ِِ

 

[النية الصافية]

بشاير شوفي الخاص عشان تستفيدين اكثر واكثر​