هلاااااااااااااااااا و الله مظلومه ياناس وربي هذي الساعه المباااركه اللي شفتج فيهاااا ... بس صلي صلاه استخاره قبل كل شي
بقولج كل شي ولا يصير خاطرج الا طيب
سويت العمليه تاريخ 16-7-2006
كان وزني تقريبا 114و طولي 169 وشوي وانا عمري 20 سنه يعني هالوزن بالنسبه لي كان دمار
خذوا مني تقريبا 2300 دينار لاني سويت الفحص وكل شي بنفس المستشفى بالهادي ...
طلعت من المستفشى عقبها بيوم نمت ليله طبعااا
وقعدت في البيت اسبوعين ما اتحرك لاني خوافه ... بتحسين بعوار اول يوم العمليه قوي كان احد ماصعج من داخل بس عادي راح يعطونج ابر تخدير لا تحاتين
وعقب 3 ايام من العمليه بيخف العوار صدقيني
وبعدين عقب اسبوع ينشال الخياط ولا كانه فيج شي
بس انا قدرت انام على جهتي اليسار عقب العمليه بشهر تقريبا لان كان مكان الخزان يعورني بس و الله ياا مظلومه عقب شهر تحلفين جذابه مافيج شي لا عوار ولا اي شي
انا ضيجها لي عقب شهر وبعدين قام يضيجها لي كل شهرين تقريبا
و الحين مضيجها لي تقريبا يا 7 ونص او 8 سي سي
و الحين بالضبط وزني صار 85 تقريبا
يعني نازله 30 كيلوووووووووو ايواااااااااا وناسه
وصج نسيت زهبي مره منقعه عشان تشمينها عقب العمليه
و اول اسبوع من العمليه كثري من عصير التفاح و الحليب لانهم مفييدين ولا تخافين كلش كلش ترا مافي اي شي يخوف وصدقيني انشالله امورج راح تتيسر كلهااااا باذن الله ولا تحاتين انا ترا خوافه حييييييييل مو شويه صدقيني لدرجه الوسواس بس الحمدلله عرفت ان مافي شي يخوف ابدا ... بس نصيحه سويها انا ما سويتهااا ... عقب العمليه باسبوعين ابدي امشي مثل ما اهو مكتوب بالورقه اللي راح يعطونج اياهااا عشان ما يترهل جسمج اناااا للاسف ترهل لاني ما امشي او بالاحرى ما اسوي رياضه كلش
بس الحمدلله مو مترهل حيل يعني يمديني اسوي رياضه شد
و اذا تبين اي سؤال انا حاضر و صلي صلاه استخاره و استعيني بالله ترا مافي شي يخوف
و انا الحين عقب الضعف صرت ادش المحلات و اشتري بالهبل و مقاسي متوفر بكل شي حتى نفسيتي صارت احلى و احلى و الصلاه صارت خفيفه بالنسبه لي بصراحه قبل لمن كنت متينه كنت اتعيجزاتوضى و اصلي استغفر الله بس هذي الصراحه و الحين لمن ضعفت صرت ما اطوف الصلاه الحمدلله و عسى الله يثبتي يارب و قبل لمن كنت متينه رجولي تعورني حيل ماكنت اقدر امشي منها و الحين امشي مسافات طويله و لساعات ولا احس باي تعب الحمدلله
امانه اذا تبين اي سؤال قوليلي انا حاضر عيوني لج مظلومه
