كل وحده فيها عين أو *** وسوت عملية تكميم أو تحوير تجي تبشرني حدي خايفه

[باقة فرح]

السلام عليكم ورحمة الله وبركاته وبعد
حبيباتي كل وحده مريضة اوتعرفه مريضه بمرض عين أو *** وسوت العملية ونجحت تبشرني وربي خايفه لأن وحده فيها عين وسوتها ونزلت 15ك بس وعلق وزنها ولا تحرك بالله يا بنات هو السبب ولا إهي جسمها كذا...
أنا بسبب العين ما اقدر اصوم أو استمر على رجيم أكثر من ثلاث شهور... ومازلت محتاره ابي العمليه... وزني 100

 

[Perfect J]

عليكم السلام ورحمة الله وبركاته

حبيبتي ما فهمت عليج شو مرض عين ؟؟ والكلمة الثانية مشفرة مكانها نجوم
بس ماحبيت أطلع بدون رد ان شالله البنات يساعدونج

 

[اميره بكلمتي]

شوفي حبووبه العين ومذكوره بالقران وحق وسالفت العمليه واللي تكلمتي عنها اكيد وزنها ثبت فعادي مرات الوزن يثبت مده طويله وبعدها ينزل خليها تراجع دكتورها ودش نادي صحي (رياضه) وتغير نظام اكلها وانتي ماعليه رقي نفسج والاذكار

 

[باقة فرح]

مشكورين حبايب قلبي الله يسعدكم ويفتح لكم كل مغلق...
أميرة حبيبتي كم صارلك من عمليتك والله احترت اعرف ثلاث سووها وحده وزنها 130 والثانية 126 واللي تكلمت عنها وزنها 92
الثنتين صاروا غزلان وهم أمهات عيال وكبار بالاربعين أما اللي وقف وزنها عمرها خمس وثلاثين
وهي تعاني حسد لكن ما ترقي... وأنا والله ارقي من من تسع سنين وزيادة الوزن من الحسد اللي فيني خايفه أدخل عملية وبنهايه اتم مثلها...
سؤال اخير أموره متى يوقف الترجيع والغصه وهل يرجع الوزن زي قبل وكيف الشعر معك رجع أو لا
وأخيرا ايهم احسن عبيد الحربي بالفروانيه أو خالد العنزي بالاميري وايهم مواعيده أسرع..
وسلامتك يالغلا الله يسهلك كل عسير ويوفقك

 

[اميره بكلمتي]

مشكورين حبايب قلبي الله يسعدكم ويفتح لكم كل مغلق...
أميرة حبيبتي كم صارلك من عمليتك والله احترت اعرف ثلاث سووها وحده وزنها 130 والثانية 126 واللي تكلمت عنها وزنها 92
الثنتين صاروا غزلان وهم أمهات عيال وكبار بالاربعين أما اللي وقف وزنها عمرها خمس وثلاثين
وهي تعاني حسد لكن ما ترقي... وأنا والله ارقي من من تسع سنين وزيادة الوزن من الحسد اللي فيني خايفه أدخل عملية وبنهايه اتم مثلها...
سؤال اخير أموره متى يوقف الترجيع والغصه وهل يرجع الوزن زي قبل وكيف الشعر معك رجع أو لا
وأخيرا ايهم احسن عبيد الحربي بالفروانيه أو خالد العنزي بالاميري وايهم مواعيده أسرع..
وسلامتك يالغلا الله يسهلك كل عسير ويوفقك

العفوو ولوو

صارلي تقريبا 3 سنوات والله شقولج انا ليلحين فيني الغصه والترجيع بس اذا حافظتي على وزنج واكلج ماراح يزيد والشعر الحمدالله تحسن وفرق معاي عن قبل مادري كلهم شطار بس انا سويتها بالخاص تقدرين اتابعين موضوعي بالتوقيع

 

[beealh]

العمليات حالين واقفه بكل لكويت , من جسم لي جسم يفرق واكيد في سبب منع نزولها لازم تراجع وتسوي فحوصات لا تخافين وتوكلي على الله

 

[$نرجس$]

نفس ما قالت اختي اميره

 

[عروسة اكتوبر]

انا الحمدالله نزل وزني على العملية ووصلت للوزن المثالي ولله الحمدالله الفال لج يارب ولا تحاتين ولا تفكرين احيانا يوقف بعدين ينزل مره وحده عادي

 

[باقة فرح]

مشكورين حبايبي يارب يسعدكم.... عروسة أكتوبر خليتيني اتفائل الهواجس توديني وتيبني... الله يريح بالك...

 

[@أم يوســـف@]

للرفع

 

[Um Tuki]

ماحس ان في رابط بين العيــن و عملية التكميم !!

اذا لج نية جدمي و الله الحافظ

كل شي بأمر الله و كتبته اختي

 

[جيرازksa]

حبيبتي انا جاتني عين بعد العمليه لاني في سنه وصلت للوزن المثالي تقريبا

تخيلي جاني مرض السل لان قبل كلهم يقولو وااا نحفتي اتغيرتي ماترهلتي لاني نزلت 50 كيلو ومافي ترهل الا صغير

بس ماله علاقه العمليه بالعين