كل وحده عندها شغالتين تدخل بليز

[شواخي]

السلام عليكم بنات

شخباركم؟

وحشتوني

بدخل بالموضوع بدون مقدمات ،،،

صار لي سنه ونص متزوجه والحمدلله عندي بنوته نتفه الله يحفظها بدت الحين تحبي وجذيه وانا اراكض وياها

شوي تعبانه مع مسؤوليه البيت .. توني مقدمه استقالتي لن في مشاكل بالبيت و ان شاء الله القى وظيفه ثانيه ،،

انا عندي شغاله وحده فالبيت و عندنا غسيل و تنظيف وكوي و طبخ و بيتي طابقين وزوجي بس يلبس دشاديش ،،

ومسكينه تغسل المفارش و الكنابل والمخاد و تكوي هدومي وهدوم ريلي و هدوم بنتي و فنايلها و فنايله والمكسر المي مايستغني عنه الرجل الخليجي
وتغسل الحمامات و هالزل تنظف فيه من كثر ما بنتي تكتكت ، و لا بعد تقعد ويا بنتي فرحمتهااااا صراحه !!!

وانا والله اكرف وياها بس بعد


وانا وحده ما اسوق و لما ارد من العرس بالليل مع السواق اخاف بروحي !!! وتعبت وانا اخذ خدامه امي ،،لان هي تكرف من الصبح ولما ارد متآخر يعصبون ،، وشغالتي ويا بنتي تقعد زوجي مو من النوع الي يودي واييب وانا اعذره لانه الحمدلله مسؤؤل في شركه و مسكين يكرف و ساعات يرد البيت متآخر و جذيه و انا ماشاء الله عزايمي ماتخلص ،، ساعات بنص الاسبوع وساعات بالويكند فاستحي مل شوي متصله له تعال خذني بالوقت الفلاني
:eh_s(4):

وماشاء الله ساعات اروح الجمعيه بو مشوار واحد وبرا غبره وجذيه فماودي بنتي وانا من النوع الحرييييصه واايد ماحب احط بنتي عند خدم المهم بس ام زوجي مره وايد عوده ومالها خلق يهال وبيتها خالي يا انها طالعه ولا نايمه لدرجه ان محدده وقت للزواره لها ،، لان كم مره زرتها يقولون لي مو موجوده وبيت امي بقلعه وادرين مشوار اكثر من نص ساعه

ساعات اروح وارد الا اشوفها غاسله المميات و منظفه البيت !!! اقولها والبنت !! تقول لي عادي !! نايمه ،،قلت لهااا ياووويلج ان كررتيها ،، و تكررها تقول لي نايمه البنت ! ونظفت

المهم الحين ياتني وحده وومشتغله بالخليج 4 سنين الاخت لا تعرف تنظف ولا تكوي !! ولا تطبخ !! شدعووووه !! تقول لي بس يهال !!

والله انا مارتحت لها اببببد وشكلها خبيثه !! و الله تطالعني من فوق لتحت وانا الاخت ماقابلتها الا يوم ان توني بروح لعرس !! انصدمت ههههه بس الاخت خبره بدبي و كم بلده خليجيه و جذيه

انا طبعا ماافي امل امسكها بنتي !! لان يبين عليها خبيثه استغفر الله

والحين ابي اردها المكتب وابدل ،، ابي وحده عيوز وبدون خبره

الحين المشكله في زوجي

يااالللللله اقتنع اني ابردها ومو مرتاحه لكن الصبح حرني !! دزها للفحص الطبي !! سلامات انا مابيها ،، يحت جربيها جربيها !!

تخوووف والي مخوفني اكثر بعيد الشر راده من زوجين منفصلين !! اشتغلت عندهم سنتين !!:eh_s(2):

والبلد الي قبل كانت ويا يهال لكن شكلها مسسسسسسطرتهم لين ماقالت بس

والحين مريضه بطنها يعورها لان راحت الفحص وصايمه ولا كلت شي و عله عله

فمادري شاسووووووووووي الحين فيها ابي اردهااااا وهو موراضي يقول لي زينه !!
:eh_s(16):

>>سوري مو مركزه بالموضوع بنتي تحن تبي الاب توبببببب
:eh_s(4):

وتبجي


برب :eh_s(10):


المهم جبت شغاله ثانيه بعد هالسوالف

 

[PuPa^^SWeeT]

؟؟؟

في تكملة ؟؟؟

 

[قلبي معه]

طيب وبعدين مافهمت

 

[انا لحبيبي .]

طيب بعدين ؟

 

[ندى العبير]

؟؟؟

 

[aloooya]

؟؟؟

 

[واصله]

الله يعينج حياتي

 

[مناير ...!]

حبيبتي ماتحتاجين خدامه ثانيه
تحتاجين تتنازلين عن عروسج وعزايمج
وتنتبهين لبنتج

 

[ابدا يالغالي مانساك]

واااااااااي حسستيني ان عندج
دررررزن جهال
غلاي كلها بنووته نتفه علي قولتج
وش لج بالشغالتين
وحده وياله ياله
وبعديا حياتي
انتي ماتقولي انج مستقيله تقدرررررين تضبطي وقتج وشغلج
من غيرهم
وربي يسر امورج

 

[+بسبوسة+]

مافي زبدة

 

[فلنتينو]

لله يعينج مقدما
بس في تكمله ولالا

 

[مناته]

الصدق الحين انتي بنت وحده وشغالتين لين صارو عيالج وايد جم خدامه ناويه؟
اسمحيلي هذا اهمال ورفاله
عندي يهال اثنين وماعندي خدامه والحمدلله كل شي عسل
تبين رايي
يبيلج غساله ونشافه اوتوماتيك لانهم يريحون من الكواي بس الدشاديش اللي بتحتاج تكويهم
ويبي غساله صحون
وخلج على خدامه وحده وعن البطره

 

[ميمي..]

مااشوف انك تحتاجين خدامتين يعني لاانتي موظفه ولاشي
تحتاجين توفرين وقت لبنتك ولبيتك لاتستانسين ان زوجك موافق يجيبهم لك مو شرط ان هالشي عاجبه
الا وده ان اللي انتي تهتمين في بنتك
ماله داعي روحات العروس والا العزايم الكثيره
وبالنسبه ان لسالفه ان الشغل واجد على الخدامه اكيد لانها صايره الطباخه والغساله والام
حبيبتي حددي لها الاشيا اللي تقوم فيها ترى الخدامه تنجاب عشان تساعد المره مو عشان تقوم بدورها كامل
خليها هي اللي تغسل وتكوي وتنظف البيت وترى ماعندكم عيال واجد عشان كل شوي يوصخون يعني مره وحده الصبح
تقدر تلمع البيت كله والكوي والغسل خليه يوم ورا يوم عشان مايتجمع عليها وتتعب وجيبي النشافه اللي تطلع الملابس مكويه
والطبخ تقدرين تساعدينها فيه
والبنت نصيييييييييييحه من اخت لاتسلمينها بكل وقت للخدامه ترى مو هي اللي جابتها وتعبت فيها مارح تحبها وترحمها كثرك
ولا بتخاف عليها وهذا انتي قلتي تروح تنظف وتخليها نايمه مايندرى تنقلب ولاتنكمت نفسها محد درى عنها
ومحد بيبكي غيرك

 

[دايم على البال]

الله يهدينا ويهديج

 

[*peace*]

امبي ترى شكثر تتحلطمين انتي!!!ترى صج مزعجه احسج لوووول اتغشمر

حبيبتي كلنا عندنا عيال وزوج وبيت وخدامه وغسيل ونروح نرد ونزور ودنياااااا

عادي هذا اهوا الزواج متروس مسؤوليات بس انتي الظاهر توج ماتاقلمتي

خدامتين ليش ؟حرام عليج لاتخلين الخدامه تربي بنتج انتي مسكي بنتج وخلي الخدامه تنظف

ماعندج وظيفه ولابطيخ

سالفتج غريبه احس ماعندج سالفه!!!!

 

[توتاتوتا]

اذا انتي كاتبة الموضوع علشان زوجش رافض تبديل الخدامه طبيعي كل الازواج كذا

بس انتي عيشتي نفسش توتر ماله داعي اذا نامت بنتش عادي الخدامة تنظف وتقدرين تقعدين بخدامه وحده بس جيبي نشاف حراري طلعي دشاديس زوجش مغسلة وبالتوفيق

 

[رفاعيه]

احس انه وقتج يبيله شوي ترتيب والامور تصير بخير والحمدلله

 

[شقرديه كيوت]

كملي مافهنا عدل اللي مضايقج-بنتج هذي اسطريها ع فمها ههههههه اسمالله عليها-عسى الله يخليها لج

 

[رواضي قطر]

نظمي ووقتك وبنتك لا تتركينه مع الخدامه بروحها

 

[محتاره بحياتها]

انا اشوف انج بس تحتاجين خدامه وحده
بس اذا كل شي حاطته عليها.. طبيعي ماراح تلحق بروحها
بنتج انتى امسكيها اذا كنتى موجوده وهي تنظف البيت ( وخصوصا انتى فاضيه لا موظفه ولا شي )
وانتو ماعندكم احد بالبيت الا انتى وزوجج.. يعني البيت يبقى نظيف مده طويله
بس رتبي جدولج وكل الامور تمشي اوكي
وترى كثرت الخدم مرات تغث