بصراحه انا جربت السفر مع عيالي بنتى ام 3 سنوات وولدى ابو سنتين
بصراحه كرهتى نفسي اقسم بالله
مع انى محظره كل شىء وزوجى صدره وسيع على الجهال بس انا كرهت نفسي من التعب والكرف يعنى روحتى وسفرتى بصراحه راحت كله بتاكيل الجهال وتبديلهم وامسك هذا وابدل هذا تعب ماتصوروونه
اول انتى بطياره ؟ والدوله اوربيه؟ اهنيه راح تتعبين
يعنى نفسي
اول شىء
اهم شىء تاخذين عربانه للاطفال وتكون كرسي وتنكسر وتصير سرير علشان الياهل ينام
وتاخذين جنطه تدخل بالعربانه من تحت تحطين فيه بكل طلعه تروحين فيها 4 عصير كىدىدى النوع اللي يحبونه غالبا يحبون المانجا وحليب فراوله
و4 بفك ابو اصبعين و2 بسكويت للاطفال وعلبه ماي صحه وكلينكس مبلل ديتول او اى نوع عشان الطفل اذا اكل ماعندج حمام قريب فكى الكلينكس المبلل وامسحى واحسن شىء مناديل كلينكس المبلله حتى على الملابس تمسحين يروح الوصخ علي طول
وحطى داخل الجنطه بعد صمون محشي جبن كرفت او اي شىء يحبونه
واهم وحفاضات وبدله حق كل واحد غيار للطواري لاتقولين بنتى ام 3 سنوات ماتوسخ بالعكس اخذي لها وفوطه صغيره للترجيع سبحان الله واهم شىء كيس ابو ميه اخذ معاج بالجنطه كم واحد وسفطيه احتياط
ومن اهنيه حطى في جنطتج
طبعا على حسب المده اللي بتقعدينها
كثري من الكلينكس المبلل
والعصير كىدىدى تعرفين عيالنا مو اى عصير يشربون وحجمه صغير مال اطفال وحلو للجنطه اخذ كرتونين نوعين
واخذي بسكوت مطاحن مارى حق تغميس الجاى للاطفال واخذى كورفليكس اذا يحبونه
واذا دوله اوربيه اخذي بفط او بطاط نايس كثري منه لان بطاطهم موحلو مايعجبنا
وفي علب الرجل الاخضر الذره اخذي كم علبه حلو تحطينه وتفكينه لبنتج الحجم الصغير تاكله بالرحلات مع ملاعق نايلون
واهم شىء الجبن كرفت اخذي 4 قلاصات مواقل مايخرب عادى برا بدون ثلاجه بالدول الاوربيه
واهم شىء ملابسهم اخذي اللي يكفيج وهناك طبعا لبسهم حلو اشترى اكثر من هناك
واى استفسار انا بالخدمه
واهم شىء حبوب بندول حقج لانج راح تجين كارهه السفره واذكرينى
والله يعينج
