كل وحده راحت دبي تدخل ضروري

[ديرتي الغاليه]

قووووه:

ناوية اروح لدبي انا وعيالي ..........ياليت كل وحده تفيدني وووووووين راحت وشنو الاماكن الترفيهيه الحلوه لليهال ........وشنو المميز بدبي ؟؟؟ وشنو تنصحوني اشتري منها ؟؟؟ طبعا اول مره بروح لها ........وياليت اذا تعرفون شقق بالشارقه للايجار تذكرونها لي مع الاسعااار ابي رخيصه ..........واكون شاكره لكم

 

[malekatsabaa]

احلى مكان في دبي حق اليهال..حديقه الثلج في الامارات مول..بس لبس اليهال عدل واخذيلهم ادلاغين

في السفاري .. اختي راحت له يقولون وناسه يصعدون كثبان رمليه جنج في مغامره

اما الباجي كله مولات وفيها العاب حق اليهال..

اما المشتريات فكل شي موجود بالكويت اللهم الا شيلات بابو وكومار والبخور وانتي وذوقج!

 

[مون14]

السلام عليكم
انا اقولج.. [COLOR="Blue[SIZE="6"]"]الامارات مول: سوق كبير فيه الثلج للاطفال وفيه العاب ومطاعم.
ابن بطوطه: مول بعيد شوي ياخذ وقت بالتاكسي بس يستحق انج تشوفينه سوق فيه فناتك.
سيتي سنتر: سوق وسوبر ماركت كبير(كارفور) وكافيهات وسينما وخوش محلات.
ابراج الامارات:برجين واحد فيه شركات والثاني فيه سوق والفرع الوحيد في دبي لملافع سيدي الجميله ماعندنا بالكويت.
برجمان : مول عادي بس فيه جزء جديد موسعينه كله ماركات وشي راقي.
ماركاتو: مول صغير بس حلو.
دبي فستيفال سيتي: مول جديد يقولون حلو انا ماشفته[/COLOR].
بس لاتشترين شي موجود بالكويت هناك يطلع اغلى خاصتا الماركات حاولي تدورين محلات موموجوده عندنا
وعندج بعد الوايلد وادي مدينه مائيه تابعه حق برج العرب ووايد حلوه وتونس حق الياهال بس ترى مايوهات وتفصخ واغلب المولات فيهاالعاب للاطفال وفيه سوق مرشد للبخور والملافع الرخيصه.
وفيه كل المطاعم اللي تمر في بالج موجوده هناك
اما الشقق انصحج بشقق فندقيه(سيتي سيزن) جدام سيتي سنتر مباشره تروحيله مشي 4 نجوم ومناسبه جدا للياهال المكان نظيف وراهي واصغر شقه فيها حمامين ينفع اذا معاج خدامه واسعارها مناسبه بالنسبه حق اسعار دبي النار .. اتمنى اني فتدج[/SIZE]

 

[دنياالوله]

واي اختي حرام تروحين لدبي
انا فهمت من كلامج انج ودج بشي رخيص ودبي غاليه نارررررررر
وانج تسكنين بالشارجه وانا قلت توبه
اذا حصلتي تاكسي يوديج دبي السعر صلخ واذا بتروحين يقولج يبي سالك هذا فيه زياده
التكاسي طلعت روح ويقولج نو ممنوع انا مايروح الشارجه بوليس
والله يوفقج

 

[ديرتي الغاليه]

الف شكر ..........

 

[دمـوع الشـموع]

هلا اختي
اكثر شي بدبي
اسواقها بس ترى مافيها شي مميز يعني نفس الي موجود بالكويت ونفس الي موجود بالسعوديه وبالعكس اسواق الكويت عندي احلى بضايع ودبي عموما غاليه شوي زين لو تلاقين سكن في الشارقه
الاسواق
ابن بطوطه ( يبغاله يوم كامل كبير فيه مجمع مطاعم وسينما )
الامارات مول
سيتي سنتر
وافي سنتر
برجمان
هذا الي ذكرته هههههه

عندك قرية مدهش وقرية الثلج والوايلد وادي هذي كلها للاطفال

 

[om mariam]

البنات ما قصرو معاج شرحولج كل شي انا الاسبوع الياي رايحة يالحلوة
بس ترى غالية وايد

 

[ديرتي الغاليه]

دموع الشمووع >>>الف شكر ......

ام مريم >>>>ننتظرج بتقرير منج عن دبي تروحين وتردين بالسلامه ...

 

[ديرتي الغاليه]

اب...............

 

[بنت عبدالغني شربت]

الحمدالله البنات ما قصروا

احلي شي السفااااااااااااااااااري الصراحه متعه

والثلج عجيييييييييييييييييييييييييييييييييب


وعليكم بالعافيه مقدما