كل وحده تكتب لنا شنو كان شعورها لما جابت او بيبي ..!!

[رانس]

السلام عليكم بنات شخباركم ...
مثل ماهو واضح بالعنوان
كل وحده تكتب شنو كان شعورها لما جابت او بيبي بس
والله يرزق كل محرومه يااااااااارب :yaaaaaarb:

 

[راقيه وجذابه]

البيبي الأول جاي بالطريق ان شاءالله بإذن الله

الله يفرح كل وحده بضناها يارب

لاجا لي عوده ان شاءالله ^_^

 

[ع ــزوف]

لما جبت أول بيبي كنت صغيره حيل ككنت اتعامل معاها وانا حاسه انها اختي مو بنتي

ماكنت مستعده نفسياً أعيش الدور



الله يخليها لي ويخلي لكم عيالكم ويرزق كل محرومه​

 

[فديت سالم]

انا جبت بنتي صغيره عمري ١٦
كنت خااايفه منها وابكي شلوون بربيهاا
ومع الايام تعلقت فيهاا حييل ابكي اذا بكت لاني مادري شسويلها
والحين الحمدلله كبرت وفهمت وصلت ٢٣ صرت مره واعرف لهاا
الله يرزقني ويرزق كل محرومه الحمل السليم المعافئ

 

[روح الأحزان]

وآنه بعد لما يبت اول بيبي حقي كان عمري١٦ واستانست واايد فيه واذا بجا كان يضيق خلقي بس كنت اعرف له لان اخوي كان صغير واغلب شي عندي

 

[Unico Style]

اول ما يبت البيبي كنت متوهقة ماني عارفة شسوي احس مسكين كان حقل تجارب ههههههه
ثاني بيبي الامور تمام الحمد لله تحت السيطرة
بس اول بيبي ماكل قلبي كله

 

[زين ودلال]

حتى انا اول بيبي ماكنت عارفتلها كلششششش ويتني كأبه من الوضع اليديد ماني عارفه شيوي

وشوي شوي بديت اعرف واتعلق فيها فديتها عسى ربي يحفظها ويخليها لي


شعور حلوووووو الحمدلله عسى ربي يرزق كل وحده ماعندها بيبي مثل ما رزقنا ياااااااارب ولا يحرمهم

 

[أبكاني ذنبي]

انا بجريه بس واايد متشوقه اكوون ام

لما اولد بقوولكم شعووري

 

[ام فواازي]

لما طلع كان شعور غريب وراحه مع سعاده ماتنوصف بس خرب علي انه مابجى وراحو ركض فيه خوفوني عليه قعدت اصارخ اشفيه مايبجي عقب ساعه جابوه لي وشفته يوووه دمعت عيني يوم حضنته وقعدت اتامل فيه و اشم ريحته شعوور واااو بس وقت الاربعين جتني كاابه ماكنت احب اشيله و اهتم فيه قطيته على امي بس بعدين تعلقت فيه حيل مااحب اشوفه يبجي دوم اراضيه وصاير دلوع

 

[No0oT]

انشالله اذا جبت برجع هني وبكتب شعوري ومتاكده ان شعور حلووو حييييييل 

 

[عالمي المجنون]

احلي شعور مريت فيه بحياتي كلها

ولدي عمره الحين ١٠ شهور و لي يومج

اشوف صوره يوم ولادته و اتذكر كل تفاصيل ولادته

يا ناس الضني شي عجييييب إحساس ولا اروع

 

[سارة ة]

اااااب
موضوع يونس

 

[KOKO_284I]

اول ما ولدت ماكان في اي مشاعر من ناحيته من التعب

بس ثاني يوم لمه يابوه لي حيل كنت خايفه عليه وابيه بحضني

 

[أإلع ـشق دلع ـهـأإ]

يآرب يفرحني بشوفة ضنآي بحضني بصحه وعآفيه يآرب يآرب

متشووقه حييييل آحس فيني حنآن الدنيآ بعطيه كله له

يآرب ترزق كل خوآتي بقسم تأخر الحمل يآرب

 

[رانس]

الله يرزق كل محرومه يارب ويقومكم بالسلامه حبايبي ..
اما شعوري انا كان عجيب كنت مستانسه حدددي لدرجه اني ما كنت اطلبهم يجيبونها اخاف عليها لما كنت بالمستشفى اما بالاربعين شعور الكأبه وحالتي حاله ماكنت اعرف لها لما تبكي ابكي معاها واذا شفتها تضحك تروح عني الكأبه واذا جيت اغيرلها اخاف عليها اطيح مني وماسبحتها الا لما صار عمرها ثلاث شهور وماقصيت اظافرها للحين اخاف عليها لا قص اصبعها وكانت بنتي مزعجه حيل لدرجه انها ماتسكت الا لما اوقف فيها وكنت اتعب واقول ليتني ماتزوجت ههههههههههه استغفر الله بس كان شعور لا يوصف يارب انك ترزق كل محرومه ولا تحرمها من هالشعور يارب

 

[sarah91]

انا توني بجريه

بس شعووووووووووووووور عجيب لما اول ما يتحرك و يقعدج من النوم بحركته شلون لو اشوفه بيدي وبحضني

الله يرزق كل وحده محرومه ..

 

[رانس]

امهااااااااات وينكم
ااااااااااااب

 

[orchidia]

مآدري توني ماشفت منه الا الجيس ولا حسيت للحين بالأمومة

بس يمكن لأنه جا بعد تأخير وتعب وعلاجات وحدنا قطينا عليه فررررحت واااااااايد بحمالي الحمدلله

حتى ريلي ي عمري ولما نزل النزيف جاني بجااا اعوذ بالله خفت اخسسره

بس وقف ويارب ماعاد ينزل معاي الدم ياااااارب

واشوفه بحضني وأفرح فيه

وعقبال الي كانو وياي بقسم تأخر الانجاب فديتهم

 

[رانس]

امييييييييييين يارب يثبت حملج وتشوفينه بحضنج يااااااارب

 

[فديت سالم]

اللهم اميييييييييين يثبت حملچ ياارووحي ويقر عينچ بشوووووفته وشوووف اخوااانه