كل وحده تكتب احلى موقف صارلها في ماليزيا

[الاميره ساره]

السلام عليكم--نبي من كل العضوات تكتب احلى موقف صارلها لما كانت بماليزيا

 

[غزالي وبس@@]

ياحلو ماليزيا وايام ماليزيا كلها حلوه واحلا موقف لما ركبت الجتسكي مع زوجي ومن مشى فضحت الدنيا بصراخي ياشين الواحد لاقام يتشيحط ويسوى شي اهو موقده

 

[حب شمسي]

انا سافرت لها فبل 9 او 10 سنين وكان فيه لعبه نفس الجندول والدردور بس ان القارب ما و قف يعني لما يوصل لازم تنطين فيه
الحاصل لنه جاء القارب الاول والثاني وفي كل مره يحاول العامل يساعدني وشجعني على اني انط بس ماكو فايده ولما جا القارب الثالث
قام العامل يشجعني مره ثالثه علشان انط ولما شاف ان القارب بروح وانا مانطيت ما شفتها الا ما سكني بذراعي وقاطني بالقارب لا و بروحي ما وياي احد

 

[haneen]

:


ههههههههههههههههههههههههههههههه حلوة مواقفكم ..

وتسلمين ياعمري على الموضوع الحلووو ..


امممممم انا يوم رحت جينتنغ .. عاد انا حيييييييييل خوافة ..

والله ركبنا لعبة .. جنها الدودة اللي بشوبيز قبل لوووول .. بس على تخرع شوية

طبعا احنا كاميرا الفيديو ماتطيح من ايدينا .. ويوم ركبنا ريلي ماسك الكاميرا

والمكربة تكفى اربعه انا وريلي واثنين ماليزين متزوجين .. طبعا ان من اول ما حركنا

وانا صرااااااخ بصرااااااخ .. ومسكرة عيني .. لما وقفنا جان ابجي لوووول ..

المهم قعدنا صوب كشك مال النودليز قاعدين نطلب .. ولا اخذ الكامير واعيد واشوف
اللعبة .. والله والله فشششششششششششلة اهو يصورني ويضحك ويحط على المالزيين الكاميرا
ويضحكون ويسوون باااي ومستانسين اهم بعالم وانا بروووووووحي بعالم صراخ ..

فشلة حسيت نفسي سخيفة لووووووول

 

[haneen]

:


ههههههههههههههههههههههههههههههه حلوة مواقفكم ..

وتسلمين ياعمري على الموضوع الحلووو ..


امممممم انا يوم رحت جينتنغ .. عاد انا حيييييييييل خوافة ..

والله ركبنا لعبة .. جنها الدودة اللي بشوبيز قبل لوووول .. بس على تخرع شوية

طبعا احنا كاميرا الفيديو ماتطيح من ايدينا .. ويوم ركبنا ريلي ماسك الكاميرا

والمكربة تكفى اربعه انا وريلي واثنين ماليزين متزوجين .. طبعا ان من اول ما حركنا

وانا صرااااااخ بصرااااااخ .. ومسكرة عيني .. لما وقفنا جان ابجي لوووول ..

المهم قعدنا صوب كشك مال النودليز قاعدين نطلب .. ولا اخذ الكامير واعيد واشوف
اللعبة .. والله والله فشششششششششششلة اهو يصورني ويضحك ويحط على المالزيين الكاميرا
ويضحكون ويسوون باااي ومستانسين اهم بعالم وانا بروووووووحي بعالم صراخ ..

فشلة حسيت نفسي سخيفة لووووووول

 

[عيون قلبي]

هلا اختي انا ما رحت ماليزيا استانست فيها ياحلوها من ديره سبحان الله اللي اذكره انه يوم رحنا نتمشى بالطراد قال لي زوجي ياله هاك سناره وصيدي سمك تصدقون ولا سمكه صدت وزوجي كل دقيقه صايد له وحده ما شاء الله عليه يغرف يصيد لانه اصلا شغله بالبحر ووكل ما مال الطراد رحت الجهه الثانية وزوجي فاطس من الضحك علي يقول لي بتطيحين وانا ما قدر اصرخ اخاف يهاوشني قلت له معليش الوعد بالفندق ولما رجعنا نسيت السالفه ولاتذكرتها وبعد شريت لي بلوزه وفستان من بييننغ وما رجعت ديرتي ما لقيتهم الظاهر انهم انسرقوا في بييننغ بالفندق والله روا قلبي كانوا يهبلون لكن ياحلاتها من ديره وودي ارجع لها.

 

[صمت ودموع]

انا كنت من 4 سنوات رايحه لندن وعندي بنتين وحده عمرها 6 سنوات والكبيره عمرها 12 سنه ومثل ما انتو عارفين الاوربيين وصخين عزكم الله ما يغسلون ويتطهرون مثلنا في الماي لما يدخلون الحمام لا وبعد ما يرضون تدشين الحمام ومعاج ماي المهم البنات حصرانين واحنا كنا رايحيين الريجنت بارك وديتهم الحمام وكان عندي وقتها بطل ماي واحد تعرفون اليهال لما يكونون حصرانيين ويدودهونكم المهم دخلت الكبيره الحمام والثانيه انا دخلت معاها بحمام الكبيره خلصت عزكم الله تبي ماي تغسل والماي عندي وانا مع الصغيره الثانيه يالحمام بعيد عنها المهم طلعت من الصغيره بودي البطل مال الماي حق العوده وكنت خاشته تحت قميصي علشان مالت الحمام حاسه ان عندنا ماي المهم وصلت حق الكبيره بعطيها البطل جان تفج الباب بسرعه ويطيح مني البطل وينكت على الارض وااااااي لوتشوفون اشلون الخدامه اللي في الحمام بققت عيونها يمه خذت الشفاطه والحقتني انا وبناتي انا لما شفتها تصارخ خفت طلعت البنات حتى ما غسلوا وانحشنا من الحمام

 

[جمآل الروح]

ههههههههه
انا وقفي انو كنت في الفندق و كنا نفطر فا الفطوور كان فيهـ لحم خنزير طبعا كنت في باريس فا بنتي بتاكل ولآ يي واحد يقوول هرام هرام هههههههههههههه يقصد انه حرام حرام و احنا انفجعنا خخخخخخخخخخخخخخهههههههههههه

 

[$Golden Tear]

واااي ماليزيا ما انسى رحلتنا فيها..

كنا رايحين جزيرة تكون خاصة بس انا واهلي بالجزيرة بروحنا و عقب ما تغدينا وتسبحنا بالجزيرة يا الريال اللي كان يسووق
القارب و قالنا اذا ما مشينا الحين خلاص بنتم هني لان الجو مو زين كان قبل لا يقوولنا طاااق مطر والجو عجييب بس حدنا تغرقنا بالماي ..تخيلوا بنات الجزير نالئية مافيها مبنى ولا مظله ننخش فيها ولا شي يعني الجزيرة كما خلقها ربي!!
فهدومنا اللي بنلبسها عقب السباحة كلها غرقانه و تلفووني اخترب من الماي..,
ولااا لما ركبنا القارب الماي كان منخفض وبادي يصير جزر والقارب علق خلاص ما قدرنا نمشي ونطرنا بهالجزيرة الغير مأهوولة بالسكان,,
و دق صاحبنا و بلغ ان يدزوولنا قارب ثاني لان قاربنا خلاص علق البحر صار جزر بسرعة قياسية و تخيلوا يا القارب الثاني بس..
ماقدرنا نروحله لان كل صخور وكان بعيد عنا والدنيا بدت تظلم وطلعتلنا الشواذي من اقصى الجزيرة<<اقوول جني علقت عالفصحىلوول
و قامو يتعبثون بأغراضنا و العامل اللي كان يسوق القارب شب نار فوخرت الشواذي المهم مني مناك القلرب راح ناحية ثانيه من الجزيرة
واحنا اشكالنا تضحك ياريحين مني يا مناك ولا حظوا قشنا كله معانا نشيييله ويين ما نرووح كاااك..وبس عاد قدرنا نوصل للقارب وردينا بيتنا بسلااام.. بس صج على ان تلفووني اخترب وصارت مشاكل بس حسييت نفسي بفلم ااكشــن<<مصدقة نفسهاا