كل وحده تقولي شنو راي زوجها بجسمها

[ام عجمية]

مرحبا ياآنسات
قولولي شنو راي زوجج
ابجسمج اذا كنتي ضعيفه
او اذا كنتي سمينه
خلونا نستفيد ونعرف شنو المرغوب

 

[7elwa&3soola]

والله انا مو متزوجه وحبيت ارفع لج الموضوع وبالنسبة لي جسمي مو عاجبني لاني صايره بطوطه ​

 

[ام عجمية]

مشكوره علي الرفع ونشاء الله
تتزوجين وتردين علينا

 

[تفاحه فصفوريه]

اب
اب لعيونج
طموشه
بس بصراحه انا عندي الجسم الرشيق احسن من المتين
و بصراحه بلشت الرجيم من اللحين قبل لا اتزوج
موفقه انشاء الله
موضوعج حلوو

 

[ام عجمية]

مشكوره اختي تفاحه
اشدعوه ولا وحده قالت راي
زوجها يلا بنات نبي تفاعل

 

[sanyoretaQ8]

اب اب اب

 

[((*فروووحه*))]

انااا احب الضعف ماحب المتن
بعد الحمال زااااايده حيييل وانا بجر
صار جسمي دماااااار
بس زوجي عاجبه بكلتااا الحالتين سوااء
ضعفانه ولا متنااانه 

 

[miss swan]

انا زوجي ماادري شن يبي لما امتن عادي ويقولي مو مومينه ليش الرجيم
ولما اضعف يطير فيني ويستانس ويحسسني اني قمر
عن نفسي احس لما امتن اصير وحده ثانيه موحلو علي واحب الضعف ومتني موحلو على طول كرش
انصح كل وحده ماتمشي على راي ريلها اهي تشوف نفسها اللي اللي ناسبها​

 

[حاكمة القرية]

شكو تعرفين شنو المرغوب عند زوج فلانة وعلانة ؟؟؟ اسالي زوجج عن جسمج انتي كل نفر له راي

 

[أبلة فاتن]

ههههههه حبوبه شفيج علا صاحبة الموضوع انا اقولج الرشاقه مطلوبه عند كل الرجال

 

[ام عجمية]

اختي حاكمه قريه
مشكوره علي الاسلوب الحلو
وبعدين احنا هنيه اكثر من خوات
ونبي نعرف راي اي وحده ومافيها اي شي
اذا عرفنا راي اي وحده واذا كان الشي مضايقج
ماله داعي تردين علي موضوعي
انا حابه اتواصل من الخوات الحلوات

 

[hnooy]

انا غلطة حياتي اني مشيت على راي زوجي اول جسمي وايد حلو ورزة بالعروس والدراريع واي لبس اللبسة كان يهبل علي وزني 85وطولي 160 والكل يقولي سلفيني جسمج بس حق هالعرس بس مالت علي رحت وسويت تكميم والحين وزني 53 صرت معصقلة وجسمي ترهل صج انا مستانسة على اني رشيقة بس مو بكل شي وريلي لين الحين مو عاجبة شي
فقررت مني ورايح ماخذ راي زوجي بشي لان احس عندة انفصام بالشخصية

 

[.،:"$الـعـوبــــة$":،.]

انا شغله لاحظتها عالناس اللي حوالي ،،

اللي امهاتهم متان ومتروسات مايفرق معاهم الضعف ويميلون حق المره المتينه،،

واللي امهاتهم ضعاف يحبون حريمهم ضعاااف ،،

وطبعا هالشغله ماتنطبق عالكل ،،

بس بالنسبه لي الضعف الوسط هو احلى شي ،،

يعني مو تنسل الوحده تصير عصله لدرجه ان عظامها تبين تحت الجلد وع !

لا الضعف اللي تكون الوحده مبروووومه احلى،،

وبس ،

 

[felfelah]

ام عجمية حلو موضوعج يخلينا نفضفض شوي عند احد حاس فينا لان الصراحة يوم تقولين حد يقعد ينتقد و يعطيج محاضرة :ch12:

انا عن نفسي زوجي يحبني اكون رشيقة ما يحب المتن مع انه امه و خالاته متان

و انا بعد ارتاح و اكون راضية عن نفسي يوم اكون ضعيفة و الحين قاعدة اسوي رجيم و ان شاء الله اوصل للوزن المطلوب
و الفترة اللي متنت فيها هو بعد كان متنان فالحين متفقين انا وياه انه لين شهر 4 لازم نضعف و اللي ما بيضعف بيدفع غرامة مالية للشخص الضعفان كنوع من الحماس حقنا
و الحمدلله لين الحين انا الفايزة :eh_s(9):

 

[ام عجمية]

انا عرف وحده متينه حيل بس ماشاء الله
مستانسه بجسمها حتي زوجها راضي فيها
حتي ماقالها اضعفي
لان يحبها بكل عيوبها

 

[قمر بيت أبوها]

العوبه معقوله وش دخل امه
علي كذا لازم اكون متينه
بس اتوقع علي حسب اذا دبه وخفيفة دم وظل وحركيه ماياثر علي زوجها بالعكس بيموت فيها
وبعض الرجل يحب المربربه لان المتينه وايد يبين جسمها وراء العبايه فيغار زوجها عليها هههههههههههههه
واللي نحيفه اتوقع يحب نحافتها اذا تفكيره اجنبي يعني نظام حياته
بس البدوا مازالوا يعشقون المرأه المتينه >>> لا أحد يعصب تراني بدويه
والأهم من كل هذا ان الانسان يفكر بس بصحته ماعليه من سمين ولا نحيفه اهم شي هالشي مو ماثر علي صحته وبس

 

[عازفه القلوب]

انا صارلي ثلاث شهور من تزوجت وزوجي يبيني امتن لاني عصله حيل

 

[العفاسيه]

محد رد رد مباشر ههه
والله الحين بهالوقت محد يبي المتن بصراحه يعني في زوج بالدنيا عاجبه كرش زوجته وجنوبها؟؟
الرجل يتقبل زوجته وتعجبه بكل حالاتها لانه يحبها بس لو تزيد حلاوه ورشاقه ماراح يمانع اكيد
بين ٦٠ لي ٨٠ كيلو هذا المطلوب

 

[الزورق222]

طيب ليش ماتسالين شنو رايى زوجج بعقلج !!
انتى فقط جسد لعدة سنوات وسيتبدلكى بامراه اخرى وايضا نفس الحالة جسد لسنوات
اشفيكم وين تفكيركم اللى تملك زوجهااا بجمال عقلها لا جسدها هى من ستمتلك قلبه ياصبايا
مع العلم اننى لست متزوجة لكنهاا نصائح من فتاة ممكن تكون رؤيتى صحيحة ..

_____

المهم عندكم ريجيم ياصبايا ابى انحف اربع كيلو بليز يابنات ودى افرح وارجع لوزنى القديم ..

 

[انصاريه قمره]

انا اشووف نفسي بطه وزوجي والناس يقولون جسمي زين وملموم بس احس اني ثقيله بضعف