كل وحده تدخل تكتب موقف مع طبيب الاسنان هلموووووووو

[marmoosh]

السلام عليكم
بسم الله الرحمن الرحيم



ابي كل وحده تدخل تقول موقف مع طبيب الاسنان






اليوم لما رحت الطبيب مع اختي اختي كان يسويلها الطبيب السن وقالها


شنو الريوقج اليوم




اختي اليوم متريقه عصيده


استحت تقوله قالت صمون وجبن وجاي



وانا مت من الضحك عليها




والدكتور امصدق _03BA::dddds:




انتو الحين قولولي مواقفكم


ميرسووووووووووووووووووووووووو

 

[البنفسج]

مساااااااء الورد ,,


أنا أول وحده ؟..


أنا كل ماروح طبيب أسنان تطلع أسنانه صفره !..


ليه مدري !..


مره رحت لطبيب وبدى يشتغل .. حسيت أبعطس !,, وهو ايده بحلجي !.. جان أدزها وهو يردها الأهبل !..:j013:


أدز وهو يرد .. من كثر ماعصبت نسيت العطسه وقعدت أزفه !..:eh_s(14):


ومره كنت بضبط أسناني أكثر .. عند ( بدر الأنصاري).. والله بس بسوي ضرسين .. جان يقولي يكلفج 1200 دينار


بس !.. يقولها فبرود !.. أمانه مو حرام أقط هالمبلغ على شغله بسيطه ؟؟... هالدكتور نصاب !.. وأصلاً ملامحه مو

مريحه !..:eh_s(1):


ومره من زمااااااان يوم كنت صغيره كنت أخاف من الابره .. قلت لا تغزني !.. جان يشتغل ابضرسي بدون بنج !..


وأنا أبجي .. ​

 

[marmoosh]

ميرسووووووووووووووووووووو

 

[حنونة المزيوونه]

مساااااااء الورد ,,


أنا أول وحده ؟..


أنا كل ماروح طبيب أسنان تطلع أسنانه صفره !..


ليه مدري !..






هههههههههههههههههههههههههههه كااااااااااااااااااااااك ظحكتيني على هالجمله هههههههههههه:krkrkr:

انا مره لمن كنت صغيره طبع انا امووووووووووووووت خووف من طبيب الاسنان
المهم دشيت الغرفه وانسدحت ...ويت الدكتوره بتشتغل جان اعض صبعها_03BA: جاان تطلع ايديها من حلجي ولاا افصخها التسووس هههههههههه<<احسن محد قالها تصير طبيبه اسنان خخ

السالفه 2

انا مو ركبت تقويم قبل 10 اشهر ولازم يشلعون لي ضسين من فوق<<طبعا انا لمن سمعت انه بيشلعون الدموع اربع اربع:eh_s(1): :eh_s(16):

وعندي ضرس لبني مااهو راضي يتقلل صار عمري 15 وماتققلل لوول وفووقه ضرس دائم بس عوي فاا قال الدكتوور لازم نسوي لج جراحه ونشق اللثه <<<انا لمن سمعته قال جذي حسيت اني مت بعديين حييت:eh_s(2):

وكنت احااتي وحالتي حاله بصرااحه هاليوم كاان عصييييييييب اله لا يعووده

عاد الحين دشيت الغرفه...ولا اشوف الدكتوور لابس الكمام_03BA: حسييت انه شرير وبيرتكب فيني جريمة:rgewrg:

انسدحت ولبس الدكتور هدوم مالت ىعمليات:eh_s(1):
وانا حطووا علي هذا الاخضر الليي يلبسنوهم حق اللي بسوون عمليه بس مااسووا لي بنج عاام
المهم واهوو يشتغل ويحفر بالدرل ماله :eh_s(13):بلثتي وانا كنت ادمع تعورت شوي وكنت حييييييييل خاايفه

جاان يمش \دمووعي بكلنكس<<<<<<<<<<ياااااااااااااااااافششششششلتي كووو تمش حسييت اني ببحي اكثر من الفشله

وبس وسلااامتكم :>

ومشكوووووووووره على الموضووعع عجييب​

 

[رورته]

ممممممممممممممممممممممممممممممم
والله انا تعودت ع طبيب الاسنان كل شهر اروح <<< لاني حاطة تقويم مو من الحرص الزايد
بس اذكر بأول مراجعاتي للتقويم كان الدكتور يقول لي لازم نشيل لج جم ضرس
عاد لمن كنت بشيلهم الدكتور حط لي مخدر و قعد يدردش معاي و ناخذ و نعطي بالحجي جان يقول
بس بس خلاص بدى مفعول المخدر بديتي تقطين بدليات و انتي ما تدرين عن نفسج هع هع هع فطست من الضحك
مشكوره حبيبتي ع الموضوع

 

[marmoosh]

هههههههههههههههههههه
ههههههههههههههههههههههههه
ههههههههههههههههههههههههههههه
يسلمو على المرور الحلوووووووووووو

 

[marmoosh]

بنات ليش ماكو تفاعل

 

[البنفسج]

اب
اب

لعيون الحلوه

 

[Miss.M]

هههههههه انا ماعندي مشاكل مع طبيب الأسنان .. يمكن بس مره وحده
كان عمري 13 و بعض الأسنان اللبنيه عادها موجوده <خخخ مو راضيه تطيح
رحت للدكتور وقالوا بيشيلونها (خلع) .. أول ماجيت العياده تأخر الدكتور على بال ماناداني
ويوم جا كنت حدي خايفه وعلى أعصابي .. قال يالله الحقوني..مشينا وراه ومشينا ..كل ماله يدخل في دواعيس المبنى
أنا انشدت أعصابي زياده وين مودينا ! آخرتها طلع في دااااعوس لحاله ..قلت عز الله راحت ضروسي كلها
وتخيلووووا بنات!! أنه شال أسناني بدون بنج !! قعد ينتف ويهز فيني زي الشجره أظن كانت 4 أسنان ومدخل يده كلها بحلقي
طلعت منه وأنا ادعي عليه ..شكله كان معصب من مرته وحط حرته فيني :'(

 

[كويتية و لكن]

مرة رحت لطبيب اسنان كشخخخخخخخخخخخخخخخخخخخخخخخه جان اخاف قلت اكيد بيسلخني بالفلوس ترددت اول شي صراحة خرعتني العيادة جنها فندق خمس نجوم المهم قعدت انطر دوري والناس ينادون اسمهم ويدخلون ولما جاني الدور ما نادوا اسمي لكني لما شفت المريضة الي قبلي طلعت توقعت دوري جان اوقف انطر اسمي ومشيت رايحة المرر ولا اشوف شخص بكامل اناقته بدلة سودة وكرفته حمره وابيض و وسييييم وشوي ولا يبتسم ويقول الاسم فلانه جان اقول نعم جان يقول اتفضلي مني وخلاني اسبقه ولا فجاة طلع هو الطبيب صلرلحة تعجبت ليش بس انا اللي استقبلني و ودعني بعد ولما قلت حق صديقاتي اللي قالولي عنه طبيب ممتاز الي صار قالولي احنا ما سوي معنا جذي ومن يومها مارحتله خفت غيرته مع انه مثل كل العيادات نفس الاسعار لكن استقباله اول مرة يحصلي ---

 

[شوشو الشقيه]

تسلمين يا قمر
مره انا رحت للدكتور طبيب اسنان وكان ما في دكتوره
دشيت وجلست وقلبي يرقع يدق بكثره = من الخوف هههههههههههههه
دخلت وجلست على كرسي وظهر في اسناني سوس وقالي بحفرهم قلت اوكي وبقي يحفرهم وتخيلي يحفرهم بطريقه خشنه
تقولين بيكسر اسناني تعرفين قوه رجل كانه يتصارع من ضرسي
الا هو ضرس صغير ليش تصارع معهاااااااا هههههه المهم اقوله بقوم ما ابي تحشي اسناني
يقولي جلسي اوص
اقوله بقوم ما ابي يوجعني
قال الدكتور اوص اجلسي خليني اكمل بطريقه يوبخ
انا من الخوف ما تحركت بس بقيت ابكي وعيوني دموع دمعه وراء دمعه
والمراه الي معاها كانت معاه مساعده الطبيب
من الخوف جلست اناظرها وابكي
ماساه حقيقه بصراحه
بعد ما خلص الحشوه يحفر اسناني قمت وانا اجفف دموعي شفتوا دكتور قلبه قاسي نفسه ابدااااااااااا
يوم ظهرت احس جسمي من الخوف متجمد
الي المني انه يحفر ولا مهتم بالمريض ويحفر عباله يتصارع مع خشب ما يدري اني يتصارع من ضرس بنت
من اختج شوشو الشقيه

مره رحت حق الطيبيب عادي للعائله
دخلت لاني فيني الم بطن
المهم دخلت وجلست على كرسي انا متعوده ان الطبيب دائماااااااااايحط خشبه في داخل فمك او مقياس الحراره
او فقط يسئلج ويعطيك الدواء
المهم الطبيب حط يديه على بطني
ما تشوفيني الا اطالعه بنظره كاني بقتله
بنظره على طرف كاني بقتله
على رغم انا لابسه عباتي وحجابي وضع يده على بطني
حط يده على بطني وانا لابسه عباتي
الا يقول لي الدكتور تراني ما اكل ولا اعض هههههههههههههههههههه
بعدها عطاني حبوب ورجعت البيت
من اختج شوشو الشقيه

 

[كيكه ترفه]

سلام عليكم انا صارلي موقف وانا ابجي مت ضحك بنفس الوقت
عند عياده بوشهري كلينك دكتور احمد الهق قاعد يسوي ضرسي عصب مادري شحط ابره قاعد ينقز ضرسي جان يوخر حسيت بعوار جان اصرخ حيل حيل صوتي عاااااااااااالي اقوى ماعندي :tomato2: (عاد نوعي اذا صرخت اغمض عيوني )
اشوف شوي الدكتور وين راح؟






















وينه ؟











ولا اشوفه متكرفس بالارض صرقعته مسجين :eh_s(12):

:dddds::dddds::dddds: ومشكوره عالموضوع:dddds::dddds: