كل وحده تدخل تكتب جملة تكمل بها الكلام السابق حتى تصبح عندنا قصة كاملة(ارجو التثبيت)

[dalOo3a_7ade]

أسعد الله أوقاتكم بالخير​

بصراحة جبت معي فكره شفتها في أحد المنتديات وحبيت ان حنا نسويها مع بعض هنا​

الطريقه باختصار ، أنه كل وحدة تدخل تكتب كلمة أو جملة قصيرة جدا ، تكون تكملة للجمل السابقة​

، بحيث إن احنا نألف قصة كاملة من خلال جملة من كل عضوة ، طبعا ياليت تدخلون أكثر من مرة
وتكملوا القصة ​

يعني أنا الآن راح أكتب أول جملة في القصة واللي بعدي يكتب كلمة أو جملة واللي بعده يضيف ​

عليها وهكذا حتى ننهي أول قصة​

راح أبدأ​

كان يا ما كان ​

ارجو التفاعل...​

و أنا متأكدة إنا راح نكون قصة روعة
يا ريت نكتب باللغة العربية علشان الكل يفهم ههههه
( ياريت يتثبت الموضوع )​

منـقـــووووول​

 

[الدنـ نور ـيا]

كان يامكان أسرة طيبه تعيش بأمان مكونة من أم طيبه حبوبة ربة بيت همها رضاء الله عز وجل ورعاية أسرتها ووالد علمت عليه السنين على ملامحه محب لعائلته يعمل جاهدا لتوفير الحياة الطيبةة لها ولديهم من الأبناء أرعة ثلاث أولاد وبنت طيبة

 

[zqertya]

الولد الكبير بعمر - السادسه والعشرين - شاب ذو اخلاق عاليه وشخصيه جديه و طموحه الى ابعد الحدود يسعى الى تحقيق اهدافه دائما يدرس في احدى جامعات بامريكا ليصبح في المستقبل صاحب شركه استثماريه يهتم بحياته العمليه اكثر من اهتمامه بحياته الشخصيه ...اما الولد الاوسط فكان بعمر -العشرون - غير مبالي وليس لديه هدف في الحياة سوى الخروج مع الاصدقاء والاستمتاع ... اما الولد الثالث فكان بعمر - السابعة عشر - يدرس في المرحله الثانويه ذو شخصيه ممتزجه بين المرح والجد يطمح ان يكون في المستقبل دكتور لمرضى القلب... اما الفتاة فكانت بعمر الزهور في - الثالث والعشرون - فهي ذو شخصية طيبه وحنونه جدا متعلقه بوالديها جدا جدا اتمت دراستها الثانويه ثم قررت ان ترعى والديها ليلا ونهارا من غير ملل او كلل ......

 

[zqertya]

ههههههههههههههههه انا كتبت القصه كلها ههههههههههههههه بس حبيت انا اعطي الشخصيات واتكملون سوري ههههههههه يالله كموا الباجي ولا ترا بالف واكمل ههههههههههههههههههههههه

 

[دانه الهيرات]

وكان لديهم جيران طيبون تجمعهم بهم علاقه محبه قويه و كانو حريصين على الاجتماع معهم كل اسبوع . بس اللي وراي تكمل

 

[$aRo0oNA]

و من بين الكل، كانت عائلة جارهم بو أحمد الأقرب اليهم. بو أحمد و أم أحمد ليس لديهم إلاثلاث أبناء: أحمد ( عمره 25 في السنة الأخيره من كلية الطب، يضرب فيه المثل في الأخلاق و الالتزام) و أخته سارة (عمرها 20 سنة مرحة و منطلقة و تحب الحياة، في السنة الثانية من كلية الهندسة) و أخيرا عبدالرحمن (عمره 6 سنوات في الصف الأول ابتدائي فيه طاقة و نشاط تفوق أقرانه و لأن أم أحمد حملت به على كبر في السن، كانت سارة هي من ربته و يحبها كأمه)...

دور الي وراي......

 

[miss 3yara]

ولهم جار اخر اسمه ابو جراح وهو طيب جدا له 7 ابناء(جراح يبلغ من العمر 30 عاما وهو جميل جدا ويعمل في شركة اباه ومتزوج من ابنة عمه فجر وهي تبلغ من العمر 28 عاما ولديهم ابناء وهم :ريان تبلغ من العمر 3 سنوات واخاها حمود ويبلغ من العمر 6 أشهر والان اخت جراح ريم هي جميله جدا جدا وتبلغ من العمر 26عاما ليست متزوجه واختها دلال تبلغ من العمر 23 عاما وهي متوسطة الجمال واخاها أحمد الذي يبلغ من العمر 20 عاما وهو يشيه اخته ريم كثيرا واخته شوق تبلغ من العمر 18 عاما وهي ملكة جمال العائله واخوها عبدالله الذي يبلغ من العمر 16 عاما وهو مشاغب لابعد الحدود والان اصغر واحده في العائله وهي مسك الختام نوف وهي تبلغ من العمر 13 عاما وهي تشبه اخاها جراح كثيرا كأنهم توأم وهي دمها خفيف جدا ))
عاد انا واااايد مصختها لووووووووووووووووووول
دور الي وراي
انتو جيكو على دمها خفيف :krkrkr:

 

[إيــنآاااس ...]

كانت سارة ودلال صديقات من ايام الطفولة وهم مع بعض في الدراسة حتى لما تخرجو دخلوا كلية وحدة وكانوا حيل متعلقين في بعض حتى من كثر ماهم كلوووز كأنهم توأم بالمدراسة البنات والابلات على بالهم انهم خوات وكل حركاتهم وخبالهم نفس الشي كانوا كل مادخلو مكان يضفون جو عليه من المرح وهم حيل كيوووووووووت ..

 

[الورود الجارحه]

وكانت لديهم خادمه اسمها ميري وتتحلطم ((بالعربي الفصيح ما اعرف معناتها)) وتشكي من بنات معزبتها وصديقاتها اللاتي يزورنهم




يعني قلت شي وكملت القصه اتخيلكم تبون تذبحوني بعد ما تقرون تكمله القصه :dddds​

:

 

[$aRo0oNA]

طوال عمرها كانت دلال معجبة بابن جيرانهم عبدالعزيز (الولد الكبير مال العايلة الأولى) لأنه على عكس أخوه جاسم(الولد الوسطي)، فيه صفات الشاب المثالي الي كل فتاة تحلم فيها.كانت دلال تأخذ أخبار عبدالرحمن من أخيها عبدالله الذي هو صديق محمد (الأخ الصغير) المقرب.
و مع ان دلال و سارة كانتا كالأخوات إلا أن هنالك فرق واحد، دلال هدفها من الحياة الزواج و بناء أسرة و سارة تركز أكثر على دراستها و مستقبلها. حتى أن سارة دائما تنتقد تصرف فاطمة بأنها اختارت أن تقعد بالبيت.

لووووول لازم نرد على العايلة الأولى... و عطيتهم أسامي

دور الي وراي...

 

[$aRo0oNA]

يلااااااااااااااااا أحد يكمل القصة. لا أكملها بروحي الحين.

 

[asrar mdfona]

يانااااااااااااااااااااااااس اوول شئ وضحوا اسماء العيله الاولى 1 عبد العزيز = الكبير
جاسم = الوسطي
محمد = الصغير
روان = البنت

 

[asrar mdfona]

دلال وسااره كانوااا قراب من بعض حييييل حييل وما يفترقون ويعرفون كل شئ عن بعض واسرارهم كلها عند بعض
لكن اللي ولا وحده تعرفه عن الثانيه انهم كلهم يحبون عبد العزيز

 

[asrar mdfona]

يوم الاحد في بيت عايلة ابو عبد العزيز

روان : هلا عزوز شلوونك وشلوون درااستك طمني عليك ..؟؟؟
عبد العزيز : هلا رووانوو انا بخير والدراسه تماام انتو شلونكم شلون الوالده والوالد والله مشتا لكم حييل .
رواان : كل الامور تمام الحمد الله واحنا مشتاقين لك اكثر بس يلا ما عليه هاانت كلها سنه وترجع لنا بالشهاده اللي ترفع الراس
عبد العزيز :ااي والله هاانت ما بقى شئ اقوول روان ابي اكلم امي عطيني اياها
روان : لحظه دقيقة واعطيك امي ))) يمه اخذي التلفون عزوز يبي يكلمج
ام عبد العزيز : هلااا والله حي الله هالصووت شلونك يمه شخبارك طمني عليك والله اني احاتيك يا يمه وفاقدتك يالغالي .
عبد العزيز : انا بخير يمه والله انا بعد مشتاق لج لكن شسووي الدرااسه والظروف تجبرني انتي شلونج يالغاليه وشلون الوالد
ام عبد العزيز : انا بخير تمام وابوك بخير ومو نااقصنا الا شوفتك يا يمه متى تجي تزورناا متى عطلتكم ..؟؟
عبد العزيز : يمه انا ان شاء الله عندي عطله بعد شهرين ووقتها بجي ازوركم طيب يمه تبين شئ محتاجه شئ لان انا مضطر اسكر اللحين
ام عبد العزيز : تووني ما شبعت منك ابي اسولف معااك والله فاقدتك يا يمه عالعموم ما ابي الا سلامتك ودير بالك على نفسك وهالله هالله بصلاتك ودينك ودراستك
عبد العزيز : ان شاء الله يمه لا توصين حريص يلا اشووفج على خير يالغاليه وسلمي لي على الوالد وجسووم ومحمد يلا سلام
ام عبد العزيز : يووصل ان شاء الله يلا ولاتنسى تدق علينا كل يوم مع السلامه فحفظ الله .

 

[$aRo0oNA]

في نفس الوقت، و في بيت بو جراح، دلال كانت بدارها على التلفون مع سارة يتكلمون عن محمد.
سارة: أقول دلول، تدرين منو شفت اليوم بالكلية؟
دلال: منو؟
سارة: ما راح تصدقين ان قلتلج.
دلال: سويرة يالله خلصينا...
سارة: شفت ولد جيرانا "الوسيم".
دلال: منو؟ عبدالغزيز؟
سارة: أي عبدالعزيز الله يهداج هذا مو بالكويت. أخوه محمد. ياي يغازل عندنا بالكلية. صج ما يستحي على ويها. تدرين لحقني لي السيارة و ما عرفني الا لما قطيت النظارة و قلتلا هين أعلم امك؟
دلال: وييي يا سارة. انتي ليش كلمتيه؟ الحين يقولون عنج مغازلجية. لو مخليتا يلحقج لي بيتكم جان اكتشف بروحا و توهق و انحرج.
سارة: يا ماما، هذا ويها عريض ما يفشلا شي. بعدين كلا جمود، احنا كنا نلعب مع بعض بالحديقة لما كما يهال.
دلال: و لو سوير الناس شدراهم؟ بس معاج حق، ما ادري شلون هذا اخو عبدالعزيز.
سارة: ايي والله فرق السما عن الأرض. انزين دلول، جني اسمع ماماتي تناديني. آنا بروحلها الحين و اكلمج باجر.
دلال: يالله باي و سلمي على الكل.
سارة: same goes مع السلامة.

 

[miss 3yara]

في شركة بو جراح
بو جراج ينادي ولد : جراح تعال المكتب ابيك شوي
جراح :انشالله يبا
وصل جراح مكتب ابوه وطق الباب
بوجراح :تفضل
جراح : خير يبا بغيت شي
بوجراح:مايامرعليك عدو بس بغيتك تروح امريكا اسبوع علشان تخلص شغلنا ويا الشركة الامريكيه
جراح انشالله يبا بس ماأقدر اخلي مرتي وعيالي بروحهم وانت .....
قاطعه بوجراح وقال :ادري ادري لاتكملهما موجودين بالبيت ويانا موبروحهم ومابي الحين اي كلام زايد ويالله على مكتبك واسمع جهز اغراضك لان الاربعا سفرتك
عصب جراح وطلع
في بيت بو جراح
نوف :يمااااا يماااااا
ام جراح :نعم يما خير
نوف :يما شرايج نطلع اليوم
ام جراح:وين تبينا نروح ؟
قاطعتهم شوق وقال:اي يما خل نطلع اليوم
ام جراح :اي وين تبونا نروح ؟
نوف :اول شي وين دلال وريم
ام جراح :دلال بتطلع ويا ساره وريم معزومه على عرس ماتشوفينها طلعت من الصبح علشان تروووووح العرس
شوق:السالفه جذي عيل امممممممم نوفو شرايج نروح الافنيوز
نوف:اي يما خل نروح الافنيوز ونحجز فلم
ام جراح :انشالله تامرون امرر جم نوفو وشوقو عندي
وقطعهم صوت التلفون وشالته ام جراح
ام جراح الووووو
ريم :الووو هلا يماا
ام جراح:ها يما الصالون زحمه؟
ريم :اي واااااايد زحمه
ام جراح المهم ترى انا وشوقو ونوفو بنطلع اوكي
ريمk باي

 

[miss 3yara]

ام جراح :شوقو نوفو روووووووحووووووووو لبسووووووو
شوق ونوف: يالله الحين بنروح نلبس
نوف لبست بنطرون جنز سكني معاه بدي لونه فوشي وسوت شعرها بف صغير مع عنقوص
وشوق لبست نفنوف لي لركبه مال polo لونه بنفسجي وااااااااايد حلو وناعم وسوت شعرها كيرلي
وامهم لبست بنطرون جنز عادي وياه قميص بف طويل لونه ابيض ولبست شيله سوده وفيها شوارفسكي
يالله الي ورااااي كملو

 

[.:!:. ونس .:!:.]

أسعد الله أوقاتكم بالخير​

الطريقه باختصار ، أنه كل وحدة تدخل تكتب كلمة أو جملة قصيرة جدا ، تكون تكملة للجمل السابقة​

يعني قالت كلمه او جمله قصيره مو تكتبون روايه كان ودي اشارك بس البنات خربوها

 

[$aRo0oNA]

خلاص عشان محد يزعل، آنا بكتب كلمة...

و بعدين

دور الي وراي