كل وحده تدخل تقول لنا طريقتها مع تدريس عيالها

[سدرا]

السلام عليكم أخواتي

شنو رايكم كل وحده تقول لنا طريقتها بتدريس اطفالها ,, وهل تحدد وقت معين ؟ ,,, هل يعتمدون عليها كليا ؟
أو علمتهم على الإستقلال ؟؟ وكيف دربتهم ؟؟ وجدولها معاهم ؟؟
خلونا نستفيد من خبرات بعض ؟
ومليون شكر لكم وان كانوا مايوفون

تقديري​

 

[الذاهبه]

بالنسبه لبنتى
الخص لها تقريبا يطلع الكتاب تلخيصه 10 ورقات
واقول لها روحى احفظى صفحه صفحه وتعالى اسمع لج وتروح وتحفظ وترد لى نص الورقه حافظته والنص بالعته ماتعرفه
وارجع اقولها عندج صفحه ثانيه ونص اللى ماحفظتيه وهكذا

بس والله تعب لازم تكونين موجوده عندها عشان تحفظينها
عكسنا قبل محد درسنا ونجحنا واخذنا احسن الشهادات((

وكنا بصف كله مراوح بالحر وباصات توصيل المدرس والحين سايق وخدامه ينزلونهم ووحدات فوق روسهم وانثولوا عدل

 

[سدرا]

نورتيني أختي الذاهبه ,, الله يسعكد ضحكت من قلب

وانا معك الدلع يعلم الاعتماد

انا بنتي ما ترضى تدرس على مكتبها بغرفتها المكاتب عندنا صارت باربي تستفيد منها أكثر من العيال الله يحفظهم

بالنسبة لي أجلس معاهم نراجع الجدول وندرس مادة مادة يعني يحفظون وأسمع لهم

يكتبون وأراجع على خطهم وترتيب دفاترهم و أشيك على ملاحظات معلماتهم

بس عندي بنوتي الكبيرة واجباتها كثيره فعلا ومع ذلك تسرح وتتلهى ومو قادره اسيطر على الموضوع

لأن في كل مره تعطيني عذر منطقي للتأخير وودي أعرف طريقة تلزمهم بالمكاتب أبد ما يعرفون يذاكرون الا قدام التلفزيون

والا ينامون من الهدوووووء على قولتهم :fun22:

و ماادري عنك كيف مع مدارسهم تدخلين بالصغيرة والكبيره مثلي والا لا ؟ :eh_s(22):