كل وحده بالغه تدش ضروري..الطريقه الصحيحه للطهاره من الحيض والجنابه..ارجو التثبيت

[Shai5at ElGirls]

السلام عليكم بنياات والله من زمااان عنكم ولهت عليكم
وصلني ايميل اليوم واايد مفيد الصراحه وانا عن نفسي اول مره ادري بهالشي..كل مره بس اتيدد اول ما ادش الحمام و اتسبح و عبالي اني طهرت
و صدقوني صدقووني 75% منكم و اكثر ما يعرفون هالشي..فاتمنى اني افيدكم مثل ما استفدت انا :eh_s(17):
الايميل كما وصلني..

السلام عليكم ورحمة الله وبركاته​

​

الغسل له اهمية كبيرة في حياتنا ولازم نكون كلنا عارفين الطريقة الصحيحة للغسل..واللي هو نفسه في حالة الطهارة من الدورة الشهرية ومن الجنابة غير ان فك الشعر اوجب في حالة الغسل من الدورة..​

​

وانا قراتة فى اكـثر من مصــدرَ​

​

للاغتسال في شريعة الإسلام وصف كامل ورد عن الرسول صلى الله عليه يسن الإقتداء به وهو كالآتي :




1- يغسل يديه ثلاث مرات .


​

2- يغسل ( أعضاءه التناسلية ) حتى لايضطر إلى مسها بعد ذلك فينتقض وضوءه إذا نوى الوضوء .​

​

3- يتوضأ وضوءه للصلاة ويؤخر غسل رجليه إلى نهاية الغسل ( وذلك حتى لايعلق شيء من النجاسة من الماء المسكوب على الأرض في قدميه أثناء الغسل ) .

​

4- يبدأ بسكب الماء على رأسه ثلاثا حتى يصل الماء إلى أصول الشعر .​

​

5- ثم يسكب الماء على بقية جسمه ويبدأ بالأجزاء اليمنى من الجسم ثم اليسرى .​

​

6- بعد الانتهاء من سكب الماء على جميع أجزاء البدن يغسل قدميه ثم يخرج من مستحمه .​

​

وأصل ذلك كله ماورد في الصحيحين ( البخاري ومسلم ) عن عائشة رضي عنها (( أن النبي صلى الله عليه وسلم كان إذا اغتسل من الجنابة يبدأ فيغسل يديه ثم يفرغ بيمينه على شماله فيغسل فرجه ثم يتوضأ وضوءه للصلاة ، ثم يأخذ الماء ويدخل أصابعه في أصول الشعر حتى إذا رأى أنه قد استبرأ ( أي أوصل الماء إلى أصول الشعر ) حفن على رأسه ثلاث حثيات ثم أفاض الماء على سائر جسده ))​

​

وعن ميمونة رضي الله عنها قالت (( وضعت للنبي صلى الله عليه وسلم ماء يغتسل به فأفرغ على يديه فغسلهما مرتين أو ثلاثا ثم أفرغ على بيمينه على شماله فغسل مذاكيره ثم دلك يده بالأرض ثم مضمض واستنشق ثم غسل وجهه ثم غسل رأسه ثلاثا ثم أفرغ على جسده ثم تنحى من مقامه فغسل قدميه ))...​

​

وغسل المرأة كغسل الرجل إلا أنها لاتنقض ضفيرتها إذا كان لها ضفيرة ( والمقصود إيصال الماء إلى أصول الشعر فإذا وصل فلا حاجة إلى فك الضفيرة ) كما أنه يستحب للمرأة إذا اغتسلت من حيض أو نفاس أن تأخذ قطنة وتضع عليها مسكا أو طيبا وتمسح بها فرجها لتزيل أثر الدم ورائحته..​

​

------------------------------------------


​

​

يعني

اول ماتدخلين الحمام تتوضين توضي الصلاة لكن المسح على الراس يكون بماء كثير يدخل لفروة الراس
​

بعدين تكبين المويه على جزئك الايمن من الجسم الراس الجذع الرجل ويوصل كل مكان بالجزء الايمن
ويفعل زيه بالجزء الايسر يوصل الماء لكل مكان في جسمك
بعدين تدخلين كلك تحت الدش ​

​

وبعدها تبين تتفركين تبين تسوين حمام سونا تبين تحطين خلطات سوي اللي تبينه بعد كذا لكن لازم الوضوء يكون صحيح



​

بنات الاغلبيييييييييييييييييييييييي ييييييييييييه الاغلبيييييييييييييييييييييه من البنات مايدري كيف الطهاره بعد الحيض




يدخلون للحمام ويروشووون عادي على بالهم زيه زي باقي التروشات




بنات انشرووووووه تكفووووون انشرووووه




طلعت انا الوحيده بالعائله اللي تسوي كذا من اول ماعرفت الدوره الى يومكم




الله يجزااااااااااء المدرسه اللي علمتني الطريقة كل خير يااااارب




كنا نتكلم انا وخواتي عن الدوره والطهر طلعوا اقاربي واهلي مايعرفون ان الطهر لها طريقة




وجلسوا يتحسبون على المدرسات اللي معهم هالماده ولا شددوا بتدريس هالموضوع بشكل موسع




بنات هالرسااااااااااااااااااله واجبه عليك ارسالها




حاولوا نشرها والله والله والله راااااااااااااااااااح نحااااااسب عليه يوم القيامه هالمسأله




تدرين ليه واجبه عليك نشرها ... لانه من عرف علم بالدين ولا قام بنشره يلجم يوم القيامه بلجام من نار



​

فتشوا بالمنتديات اكتبوا بقوقل طريقة الطهر تلقون مواضيع للبنات مايعرفون كيف

وتلقون بنات يردون يقولون نبي نعرف




​

بنات انشروووووووووه الله يوفقكم دنيا واخره




انشروووها ايميلات انشروها رسايل جوال انشروها بمجالسكم باي شيء انشروها رسايل على الشاشات التلفزيون ​

​

عندنا انترنت عندنا مشايخه نسسسسسسسسسسسسأل ليه مانسأل

نسأل عن هذي وين سافرت
​

نسأل عن هذي حملت ولا لا
نسأل عن هذي تزوجت ولا لا
نسأل عن عرووووق اللي بالجسم <<< تشفير ههههههههه
ولا نسأل عن امور ديننا ​

​

الله يهدينا ويصلحنا

راح يسألنا الله سبحانه وتعالى عنها يوم القيامه
​

راح يسالنا ويقولنا حنا يامعشر النساء بعصرنا هذا
عن طهارتنا من الحيض والجماع والجنابه كيف
واذا قلنا جهل منا يالله
جهل منا وعندنا مشايخه وعندنا انترنت وعندنا قنوات فضائيه دينيه
مالنا حجه مالنا حجه مالنا حجه ​

​

اللهم اني بلغت الله فشهد

اللهم ارحمنا برحمتك
​

اللهم اغفر لنا ياارحم الراحمين






انشرووووووووووووووووووووووها


اتمنى انكم عرفتوا وين الغلط الي كنتوا تسوونه و تصلحونه..و ارجو النشر..فالدال على الخير كفاعله
ادعولي ان الله يفرج همي علي :eh_s(2):​

 

[العمررر كله]

بااااااااااااااااااااااااارك الله فيج

 

[meme>the best]

يسلمو يسلمو يسلموووووووو

 

[ترانيم القصيم]

جزاك الله الجنة يا عسل ,, تسلمين كثير يا لبى قلبك ^_^

احترامي و تقديري

ترانيم القصيم

 

[مهندسسة]

الله يجزيكي الخيييير

 

[مسك إلمحآسن]

انا اتوضا و اتسبح عااااااادي
بقرا عن هالموضوع اكثر

الله يوفقج و يجزاااااااج الجنه يارب​

 

[سمبتيكآ]

.. المفروض الماي يوصل جسمج كله
ام الطريقه الى قلتيها تعتبر سنه مو فرض ..
والله اعلم .. ""

>> كوتيات فيدونأ شرايكم بكلامي ..~ ,,
صح ولا لا

 

[GirlaQ8ya]

كلامك صحيح اختي "شيخة البنات" وهالكلام درسناه من ايام المتوسطة .. انا للحين اذكر انه خذيناه بمادة التربية الإسلامية بس أكيد قلة اللي يطبقونه ويذكرونه .. وللأسف أغلبية البنات والحريم هالايام ما يفتحون كتب اسلامية ويقرونها كثر ما يقرون مجلات وجرايد وكلام فاضي

 

[كلهآ ملح ..}]

اي والله حتى انا اتسبح عادي


جزااااااااااااااتس الله خير ياقلبي

 

[bsk0ta]

جزاج الله خير

 

[Vous jamais]

حبيبتي هالطريقة سنة ..

الفرض تعميم الجسد كله بالماء بما في ذلك المضمضة والاستنشاق ..

يعني لو تسبحت عادي و عممت الجسد كله بالماء مع المضمضة والاستنشاق + النية

تكون طهرت ..

 

[غرشووب]

جزاج الله خير

 

[ترووفه]

جزااج الله خير

 

[كويتيه واقعيه]

جزاك الله خير

 

[سعـــــودية]

الله يجزاك خير

فينا جهل ببعض امور ديننا

الله المستعان

 

[أحلى البشر]

جزاج الله خير

 

[حلمي الأمومة]

جزاج الله خير ياااااااارب

 

[Shai5at ElGirls]

حياكم الله حبايبي و انا والله ما حطيته الا عشان الفايده تعم

و حبيباتي الي قالوا ان هذي السنه..انا بس نقلته من الايميل و حبيت انكم تستفيدون منه و البنت مو كاتبه ان هذا سنه..و بعدين بالعكس حتى لو سنه انتي سويها شخسرانه؟ تاخذين أجر زياده ان شاءالله

 

[امووون88]

انا اسوي نفس الشي بس من غير الوضوء اول شي يعني غلط ؟؟؟؟ والمضمضه والاستنشاق لازم ؟؟؟؟؟؟؟؟؟؟؟؟؟؟؟؟
امبيي بناات شلون يعنيي كله غلط الي قاعديين نسوووييه شلون صلاتنا غلط

 

[Shai5at ElGirls]

هههههههههههههههههه لا حبيبتي
شوفي انا مابي افتي ولا شي
بس اول شي: انتي ماكنتي تدرين فصلاتج ماكانت غلط ان شاءالله
ثاني شي: خلاص دامج دريتي الحين حاولي انج تستخدمين هالطريقه والاستنشاق والمضمضه المفروض انج من قبل تسوينها
بس يلا ماعليه ماكنتي تدرين
اهو لما تغتسلين من الدوره لازم تتوضين وضوء كامل يعني الاستنشاق والمضمضه فيه
و الله العالم انتي سألي الحريم الكبار والي فاهمه بالدين و ان شاءالله تفيدج