كل وحدة.فيكم هي مرت اخو ... صح او لا

[عروسة فوشيآ]

مرحبا ي حلوات

شو الاخبار


اللي خلآني انزل هالموضوع من اللي شفته من اغلب العضوات هني وبصراححة شي غريب

ودي اعرف ليش الوحدة اذا نزلت موضوع عن مرت الاخو الكل يصير ضدها وبشدة وشناعة


لكن بنفس الوقت لو عن خاله او مرت اخو الكل يصير مع صاحبة الموضوع


هل لان اغلب المتزوجات بديرتنا من الفئة الغير صالحة للزواج


بنات انا ابي انصحكم لان اغلب المتزوجات هني فبيت حمولة ... تاكدوا ان اللي تسوي خير لحمولتها بتلقى ردة فعل زينة اذاا مو اول الايام بعد فترة قصيرة جدا جدا ... والله في وحدة نصحتني قالت اقشر خالة بتحطينها خاتم باصبعج اذا عرفتي وين المفتاح


انا اذكر وحدة هني كانت كاتبه عن خالتها ان فبداية زواجي كانت الخالة ماتخلي شي الا تنقد فيني والحين بعد تصرفاتي معاها صرت احب لها من بناتها


ترا الخالة والحموات اللي قشر ومهما سويتي لهم مايبين بعينهم نادر ماتلقينهم وقليل جدا

لكن اذا تصرفاتج مو حلوة وماتستحين ع ويهج بتلقين الحمولة القشرة

لكن حريم الاخوان الزينات نادرا ماتلقينهم وهذي حقيقة لحد ينكرها

وانا ماحكمت عالشي هذا الا من حكم خبرتي سواء فبيت اهلي او بيت عمي او بيت خالي او رفيجاتي او حتئ بنات الدوام



انا صحيح اني صغيرة وتزوجت قبل ال20 بس والله من اللي شفته حولي عرفت منو مرت الاخو اللي يحبونها حمولتها



انا اقولكم شغلة كلنا فينا عيوب ومحد كامل ومممكن تلقين مرت اخوج فيها عيب او عيبين او متروسة عيوب


انا وحدة عندي 4 حريم اخوان في اللي نحبها حيل وفي اللي عادي وفي اللي بينا حواجز بينها والخ


هل المشكلة فينا احنا يالحمولة لا طبعا هالمشكلة فيهم احنا صحيح نطنش وعادي بس مو كل حمولة جذي عشان جذي اقولكم الوحدة لازم تكسب حمولتها وعالاقل ماتطلع عيوبها او طبايعها الشينة لانج انتي الخسرانة




وانا مايقهرني الا اللي يردون بالمواضيع وتقول عادي انا اكلي يوصلي للشقة وعادي ماصار شي ولاحمولتي حشت فيني ... انزين شدراج تنطرينهم يكرهونج ويخشون فقلبهم لمن ينفرجون بويهج


والا اللي تقولج عادي انا حاطة ولدي والا بنتي تحت عند حمواتي يموتون فيه .. طيب انتي شوظيفتج قاطته كانج مزهرية


والا اللي تييج وتقولج عادي شفيها انا من تزوجت وزوجي قليل مايروح لاهله لانه طاير فيني .. مع اني انصحه يروح ... قطيعة هذي من رداتج



والا اللي عايشة برا بيت الحمولة وماتروح لهم الا بالسنة حسنة



عالعموم انا اقول للبنات اللي شانين حملة بالمواضيع لو انتوا مكان هالبنات اللي يشتكون جان سويتوا بلاوي بمرت اخوكم



اغلب بنات هالوقت تنزل عند الحمولة وتحط ريل ع ريل وتنطر الخالة والخوات يضيفونها


اغلبهم ماتحط ايدها بالمطبخ وريلها ياكل عند امه


ولا يابت العيال قاطة عيالها تحت ولاتحاتي مشغولين والا لا والله اعرف وحدة تنزل ولدها للخالة تغسلة كسر ايد ان شاء الله


واغلب بنات هالوقت نص اخبار حمولتها عند اهلها طيب ليش تفشين اسرارهم مو حرام لا طلعتي برا بيتج خلاص انسي حمولتج


شتسوون مع مرت اخوج اذا يت وقعدت عندج قالت فلان اللي هو زوجها يسوي جذي وجذي وتقعد تسب فيه بالله عليج واخوج وتحبينه ومرته تسبه جدامة عشان جذي اقولكم يابنات لاتسولفين ولاتذمين ريلج عند اهله ولاتمدحينه


والمشكله في حريم اخوان لي شافت زوجها تخر الاكو والماكو عن خواته وامه اعرف وحدة تسولف لزوجها سوالف شخصية عن خواته لدرجة تقوله اختك مسوية ليزر بكيني


واذا طلعت مرت الاخو 24 ساعة فبيتها ماتشوفين ويهها هذي مشكله عاد وبس تطلب لها اكل بشقتها حشى فندق


ولا مرت الاخو اللي ماتحشم اخوج جدامج ومطيحة بحظه لدرجة ان ويهه يحمر المسييكين



يابنات انا اختكم

وماقلت هالكلام الا من واقع
وشايفته بعيني
لاتصيرون ضد البنات اللي حاطين مشاكل عن حريم اخوانهم اهم مازوجوا اخوهم ودفعوا دم قلبهم عشان ينحشون البنت الا اذا شايفين شي منها ... في عيوب ممكن الواحد يطنشها وفي لا


ولاتقولوم الريال عنده عين واهو ادرى بمرته وماشتكى منه لانه ماتسوي له ولاتطبخ ياحبيباتي الريل اهم شي الجنس عنده بس المرة لازم تستحي ويصير بويهها ماي وتتكفل فيه مو اهو اللي يطلب منها

فا ابي اختصر نصايح لكم يالعرايس ويالمتزوجات

اسرارج مع ريلج ماتطلع ...
اسرار حمولتج ماتطلع لاهلج ولا لريلج ...
ياليت كل وحدة تتكفل بريلها وعيالها ولاتضربهم بالطوفة وتخلي خواته وامه يخدمونه عيييب ...
صحيح مو ملزومة تطبخين لحمولتج بس التعاون حلو مثلا تقهوين معاهم او تشرفين عالخدم اذا يووا ضيوف ...
لاتتدخلين بحياتهم وتقطين فيسج معاهم ...
الكلام الحلو والاسلوب السنع مهم في ناس حتئ عصبيتهم يطلعونها ....
مريهم بين فترة وفترة واسالي عن اخبارهم ...
اذا ريلج شرا لج شي ماله داعي تعلمين وتورين انه مدلعج ..


المهم بنات انا قرقت وايد

ووممكن نقصت شي او نسيت شغلة انتوا بتضيفونها ان شاء الله وصدقوني لي مشيتوا عالنصايح بتفلحون دنيا واخرة



احببببكم

 

[PuPa^^SWeeT]

صح لسانج ياقلبي



وما يصح الا الصحيييح

 

[Beyoncee]

كلام طيب
جزاج الله خير

 

[Perfume]

حبيبتي انا معاج الوحدة تتعامل بطيب اصلها
بس في ناس مايفيد معاهم الطيب بالعكس يعتبرونه ضعف
ويدوسونج اكثر
طبعاً بشكل عام مو بس الحمولة
ومع هذا الوحدة لازم تتعامل باحترام مع الناس
والبنات الله يهديهم احياناً يفهمون الزواج لعب ووناسة وطلعات
وهذا غلط ريلج ملزومة باكله وثيابه وكل شي
مو حلوة يتزوج واهله يخدمونه
واللي يقطون عيالهم على حمولتهم بدون مراعاة للظروف اعتبرها قلة ادب
انا ولدي اخليه عند خالتي وحماتي بس اهما اللي يطلبون مني هالشي
ويلزمون علي ويستانسون لما يكون معاهم
مو معناها اني قاطته عليهم ومادري عنه
بالعكس انزله نظيف وموكلته
واوصي خالتي انه اذا ازعجها او صارت عندها التزامات وتبي تطلع
انها ما تلزم نفسها فيه بالعكس اذا تبي تطلع تدق علي عشان آخذه
البعض يقطون عيالهم بدون مراعاة للغير
ويزعلون اذا اعتذروا منهم
الوحدة مالها حق تزعل من حمولتها او اهلها اذا رفضوا يمسكون عيالها
لانه مو ملزومين بصراحة

 

[غلايو]

اختي

اليوم فبيت عمتي ام ريلي

كل خوات ريلي يالسين
وانا مرت اخوهم الموجوده مع اني مو ساكنه معاهم بس تغديت عندهم

عندهم مرت اخ هم الثاني ساكن معاهم هو و حرمته

لكن حرمته راعيه مشاكل!

تخيلو اليوم لان تعرف ان العايله بتتجمع
من الصبح قالت لعمتي عمتي انا رايحه لاهلي

عمتي قالت افاا تمي للغدا كلهم هني
قالت انا ابا اشرد من حشرتكم!

عمتي سكتت

و تدرون اخت زوجي الكبيره عمرها ٤٥ اظن
لكن عقلها شوي ع قدها من المرض و واااايد حساسه

تخيلو مرت حماي تقول لها يا فلانه(اخت زوجي الكبيره) انتي فتانه وانتي تتكلمين من وراي وانتي وانتي

وجدام الخوات تقول انتو حشره وكله صريخ انا اشرد لبيت اهلي من حشرتكم!

شو تبون اهل ريلي يقولون لها!

و تسمع الكلام وتنقله تقولي يا فلانه ترى عمتي تقول لو ريلج فاز بالمباراه راح تطلب منه خاتم ذهب!
قالو عنج انج متزاعله مع ريلج ،،،، الخ

كل هذا بظرف سنه؟
انا متزوجه قبلها بشهر

لكن انا محترمه عمري و محترمه اهل البيت صح ما اساعدهم بالطبيخ وغيره لاني موساكنه معاهم
لكن اوجبهم بالهدايا

اما اهي ولا ال١٠ مرات متضاربه!

مع ان عمتي والله يابنات تحب حريم عيالها اكثر من بناتها

وهو يتكلمون عنها قالوا ان مرت الاخ مهما كانت مب تاخذ راحتها وتتكلم على اهل البيت لان مهما صار بتبقى ضيفه!

الله يهديها تدخل بكل شي هالحرمه
ومالوم اهل زوجي عليها
رغم انها طيبه و تطبخ لهم مرات

لكن فيها سلبيات تغطي على ايجابياتها

 

[M!SS.LOBY]

حبيبتي انا معاج الوحدة تتعامل بطيب اصلها
بس في ناس مايفيد معاهم الطيب بالعكس يعتبرونه ضعف
ويدوسونج اكثر
طبعاً بشكل عام مو بس الحمولة
ومع هذا الوحدة لازم تتعامل باحترام مع الناس
والبنات الله يهديهم احياناً يفهمون الزواج لعب ووناسة وطلعات
وهذا غلط ريلج ملزومة باكله وثيابه وكل شي
مو حلوة يتزوج واهله يخدمونه
واللي يقطون عيالهم على حمولتهم بدون مراعاة للظروف اعتبرها قلة ادب
انا ولدي اخليه عند خالتي وحماتي بس اهما اللي يطلبون مني هالشي
ويلزمون علي ويستانسون لما يكون معاهم
مو معناها اني قاطته عليهم ومادري عنه
بالعكس انزله نظيف وموكلته
واوصي خالتي انه اذا ازعجها او صارت عندها التزامات وتبي تطلع
انها ما تلزم نفسها فيه بالعكس اذا تبي تطلع تدق علي عشان آخذه
البعض يقطون عيالهم بدون مراعاة للغير
ويزعلون اذا اعتذروا منهم
الوحدة مالها حق تزعل من حمولتها او اهلها اذا رفضوا يمسكون عيالها
لانه مو ملزومين بصراحة

معاها كلامه وايد مفيد :eh_s(17)::eh_s(17)::eh_s(17):

 

[Patcholli]

حبيبتي صاحبه الموضوع انا معاج باللي قلتيه بس بغض النظر عن كلامج بخصوص الحموله او غيرهم
احنا نتكلم عن اطباع مختلفه من البشر ..
الوان وارناق وشخصيات واطباع وتفكير مختلف
مانقدر نخليها قاعده بناء على تجاربنا الشخصيه
بالنسبه لي انا وحمولتي احلى من سمن على عسل والحمدلله اهم خوش ناس وانا خوش بنيه
صج ساعات اشوف منهم تصرفات تغث بس اقول هالشي يصير بين الخوان .. فليش اتقبل من اخواني وماتقبل من حمولتي
ثاني شغله الوحده لاتبطل عينها ريلها شنو يسوي حق اهله ترى اهم اهله قبل لا يصير ريلج وعيب عالوحده تحاسب ريلها باهله قلة ادب الصراحه وقلة ذوق وايمان رب العالمين وصا الانسان بامه وابوه والاقارب
ثالث شغله الغيره الي بين الجنات مادري شنو سببها .. ابي اصير اكثر جنه محبوبه .. وابي اخرب على فلانه وعلى مرت فلان .. مادري ليش هالصراع والنزاع اللي اشوفه .. يحسسون جنه محبة اهل الزوج بتدخلهم الجنه ..
تصيرلهم مثل الخدامه بس عشان يحبونها ..

هاذي شغلات اتخرب على مرت الاخو ..

بس هم في اهل زوج يكونون مرضى وقلوبهم وصخه وسوده ..
اتكلم عن واقع شفته بعيوني من انسانه قريبه حيل ..
اهل زوجها متعالين ومغرورين ويتطنزون على الانسان الطيب الي على نياته مايعجبهم
يبون وحده فلسفجيه .. ونمامه ..

عشان جذي اقولج مانقدر نسويها قاعده في ناس ماينفع معاهم الطيب سواء كانت الجنه و اهلها او الزوج واهله
مو كل الناس يخافون الله

 

[عروسة فوشيآ]

حياتي حياكم الله

وكل وحدة فيكم صح


patcholi

حبيبتي صح معاج حق في ناس مرضى وماينطلق عليهم الطيب

انا صادفت وحدة جذي ونصحتها تبعد عن حمولتها وماتزورهم الاا قليل

واهم شي تعاملهم بمايرضي رب العالمين

وصح الوحدة ماتصير ضعيفة ولازم كل وحدة تصير شاطرة وتعرف مثل ماقلتلج المفتاح اللي يخلي علاقتها زينة مع حمولتها


بس المشكلة يالغاالية ان اغلب الحريم مايقومون بحقوقهم وواجباتهم اللي هي ابسط شي ماقلنا سوي اكثر ... سوي اللي عليج وبس



وترا صج السلبيات تغطي ع الايجابيات مثل ماقالت الاخت فوق ... لو مرت حماها ماطلعت عيوبها جدام الناس جدام العلاقة كانت اوكي



حبايبي شرفتوني ونبيه موضوع للنقاش

 

[Patcholli]

فوشيا شنو واجباتهم اتجاه الحموله ؟

بالنسبه لي اهم شي مادش عليهم وايدي فاضيه واوجبهم بالمناسبات .. واكون دايما مبتسمه بويههم وماحب اتكلم وايد او احش ..

نوعا ما احس اني طيبه بعينهم وبنفس الوقت مو كلوز حيل وياهم يعني ما ادق عليهم واسولف وجذي

اللهم اطرش دعاء او واتساب عادي وجذي

ماحب ابالغ احس حتى لو بيوم من الايام يقلبون علي ماراح انتحر عشانهم

يحبوني احبهم مايحبوني مايشوفون شر ولا راح اضرهم او احقد عليهم بس ماراح احتك فيهم كلش

هالشي صح ولا غلط ؟؟

 

[فرزاشيهـ]

موضوعج حلو بس سوري احس منحاازه للحمووله اكثر و مو عل اساس ثابت يعني انتي عميتي ان حريم الاخوان كلهم رفات و كلهم فيهم و فيهم ! اصابع ايدج مو سوا و كل شخص و طبايعه و شخصيته بغض النظر خاله او اخت زوج او حتى حريم حموان ! كل شخص و طبعه






اللي اقصده مو كل حموله سيئين ! و مو كل مرت ولد سيئه و مافيها خير .،


موفقه.،

 

[قـــمـــرهم]

يعطيج العافيه اختي ع الموضوع


بس عندي تعليق صغييير ع الموضوع

انا متاكده الحين كل العضوات بيدشون ع الموضوع
وكلهم بيقولون بيقولون وييييه شنو هذي قطيعه هالاشكال!!!
واحنا معاج وكلامج صح عن مرت الاخو طبعاا

والكل الكل اهني اهو التوب


ما ادري وينها مرت الاخو اللي يتشكون منها الناس!!!


سوري بس هذاااا الصج


واكييييييد مافي وحده بتقول فيني وفيني

نفس لما يتكلمون عن موضوع الخدم وشلون الحريم
معتمدات عليهم اعتماد كلي وقاطين العيال عليهم

الكل الكل يرد ومنصدددم شلون تسوي جذي وما ادري

والمشكله اللي ينكتب غييييير والواااقع غيييييير

سوري اذا دشيت عرض

بس حبيت اوضح الفكره


وصح كلامج اختي ونبهتيني ع شغلات كنت غافله عنها
يعطيج العافيه

 

[غلايو]

صح

مب دوم مرت الاخو تكون بيرفكت و اكيد لكل زوجه بيكون لها سلبيات اتجاه اهل ريلها بذات لو كانو مع بعض دوم وجمعات وجذي

انا عندي سلبيات لكن محد انتبه لها ليش؟ لاني اتجنبهم

مرات انجبر ازورهم وانا مودي خايس

لكن اسلم واضحك و ٢٤ساعه ماسكه تلفوني اذا حد كلمني تكلمت غير جذي ساكته

وياحبيباتي اذا ما اعترفنا باغلاطنا عمرنا ماراح نتعدل

و مصارين البطن تتضارب شلون البشر

 

[i'm so happy]

بصراحة في حمولة ينحطون على الجرح يبرى وفي حمولة اللهم ياكافي يحبون النكد والضيقة والمشاكل

والنسبة كثيره الا طالعه الا لابسه الا والا التدخلات ماتخلص ومهما يكون بنت ناس وغريبة اكيد بتتضايق

وكل بيت وعلى حسب في ناس محترمين وطيبين وفي العكس جزاج الله خير على الموضوع الحلو

 

[عروسة فوشيآ]

patcholi


بالعكس اللي تسوينه عين العقل ولو الكل نفسج بتصير العلاقة زينة يعني انتي رسمية ماتتدخلين بخصوصياتهم اوكيه هالشي يمكن زين مع حمولتج .. وفي حمولة سبحان الله تصير كلوز مع مرت الاخو طلعات وجذي وبعضهم لا هذا مو معناته عيب فيهم والا فيج

وبخصوص سؤالج عن واجباتها انا اقصد ان الحريم هالوقت اهم واجباتها اللي متنازلة عنها هي اهتمامها بزوجها وبيتها من ناحية الطبخ واهتمامها بعيالها
وهالشي مسبب اكثر مشاكل بهالوقت الام تزعل والا الخوات وبيقولون احنا زوجناه عشان نخفف من المسؤولية علينا واهو ماخذ مزهرية مو مرا



والا واجباتها تجاه حمولتها احترامهم وتحافظ عالاسرار وعلئ قولتج مرات لمن تيبين معاج طبق بيكون شي حلو مو عشان يحبونج لا عشان الواحد لازم يكون عنده شوية اتيكيت فمابالج اللي تنزل من شقتها بس عشان تاكل وتمشي شراح تكون ردة فعل الحمولة


فرزاشية

حبيتي بالعكس انا مو منحازة بس انا اتكلم عن واقع خبرة وصدقيني والله مو وحدة والا ثنتين اتككلم لج عنهم ولاحظت ان اغلب المشاكل تيي من مرت الاخو تسوي الغلط وتقصر وماتبي ردة فعل سيئة
الدليل كتبي موضوع عن مرت اخوج وشوفي ردة فعل العضوات وكتبي عن الحمولة وشوفي شيصير هالشي يؤكد ان الفئة مليانة مجتمعنا وانا ارد واقولج لازال في ناس فيهم خير


قمرهم

فاهمه قصدج

قصدج كلن يقول انا طيب
شوفي يالغالية الحياة قضية ولها جوانب وكل واحد يشوفها من الجهة اللي تعجبه ...
وترا في ناس لي سبيتي خدامتج بتقولج على حسب المعاملة صح والا لا نفس الشي



تدرين شاللي خلاني اكتب هالموضوع لان في ردود هني تصدمني تبين انه مافي وعي ويمكن ماعندهم احد يعلمهم اذا انتي تشوفين نفسج زينة مع حمولتج يمكن لج اخت او صديقة حاولي توضحين لها او تنصحينها



وايد بنات شفتهم يشتكون من حمولتهم بعدين عرفت ليش اهم يعاملونها جذي بزيارة وحدة وشفت اسلوبها قلت الله يعينهم عليها

في ناس حرام ماتنتبه يمكن ع حسب تربيتها او شي جذي مادري


غلايو

كل شخص عنده عيوب وسلبيات بس مو حلوة اطلع لاحد اي شي لانه محد بيعذرني

برافو عليج




حصة

اي اللي ملقوف اطنشه وبسس عشان ماخرب علاقته معاي

 

[عسل حدي]

ماراح اعلق عالموضوع لاني احتامال ابجي
انا جنه وببيت حمولتي وماعنده اخوان وخوات يعني العين علي
واناا ماتوفقت بحموله صح متحاشيتهم ومو مفتكه الله يعين بس

 

[عروسة فوشيآ]

عسوله حبيبتي شلون ماعنده خوات واخوان


بالعكس وناسة بروحج مع امه ةابوه


ههههههه



لا اضحك ... الله يسهل امرج

 

[بنت النوخذا]

مرحبا ي حلوات

شو الاخبار


اللي خلآني انزل هالموضوع من اللي شفته من اغلب العضوات هني وبصراححة شي غريب

ودي اعرف ليش الوحدة اذا نزلت موضوع عن مرت الاخو الكل يصير ضدها وبشدة وشناعة

لكن بنفس الوقت لو عن خاله او مرت اخو الكل يصير مع صاحبة الموضوع

اهلييين مراحب :eh_s(7):


ااااي اللي يدري يدري والي ما يدري يقول عــــــــــــدس

مرت علينا مرت اخــــــــــــــــوي
تقول لبيس اقــد وانا احل مكانك



اهووو جذب اهو جمبزه
الي درجه اخوي اذا بيسلم علينا يتلفت لا تشوفه مرته
وجـــربت عليالها ما يحبونا و لا يتصلون فينا
وتموت قهر اذا عيالها ضحكو معانا لو بحرف واحد
بس بالعيد نشوفهم حق العيادي
شرايج
الحمد الله و الشكر وهي لا شهاده و لا شغل
لانها تموت علي الرباده والسهر

والي قاهرها و حامس جبدها .... انه حاقرينها و مودايرين لها بال

ومااا خفي اعظم
ومن تستمرض او يصير بعيالها او في بيتهم شئ
قالت ااااي اهلك مسوين لي ســـحر

لو بكتب عنها يبيلي مجـــلدات

هذا و احنا ما نشوفها الا وين و ين

غيييير بلاويها بالغزو

مأساة

حبيبي بعد عمري أأأأخــــييي

ما تهني
ربي يسعده وين ما كان حبيبي والله




ترا والله ببجي



.

 

[مخطوبه ولكن]

صادقه الله يوفق الجميع يارب ويهنيهم ويسعد قلوبهم ...تقبلي مروري

 

[اميره^_^بحلآها]

يعطيج العافيهه صراحهه ما عندي شي اقول غير انهه صاجهه و عسالله يرزقج الذريهه الصالحهه

 

[Perfume]

حبيبتي بنت النوخذة
اهيا ليش جذي ؟
صار بينكم موقف او مشكلة من قبل ؟
اذا اهيا تصرفاتها بايخة وحقودة
مالها حق تمنع اخوج وعياله عنكم
من حقكم تشوفونهم
وليش مدخلة اليهال اصلاً بسوالف حقدها !