كل وحدة جربت الولادة بأمريكا تدخل

[أسيرة حزن]

السلام عليكم
خواتي ابي كل وحددة تقولي تجربتها لمة ولدت بأمريكا و شنو الإجراءات
اولا أشلون اطلع الميلادية للبيبي
ثانيا أشلون اطلع لي تامين صحي
ثالثا. ابي اعرف كم اسبوع خذت الاوراق الرسمية وتخلص
بنات لا تبخلون علي ابي كل التفاصيل حتى السكن الإيجار كم كلفكم و ابي منطقة تكون فيها كل شي مجمعات واسوقة ومطاعم ما تحتاج أني أخذ سيارة المشوار. :yaaaaaarb: ولكل وحدة تساعدني وتشرح لي بالتفصيل لها مني دعاء لها :yaaaaaarb:
هذا اول حمل لي تكفون خائفة لأني بروح بروحي ابي مكان امن

 

[mrs.perfect]

اولا الله يكون بعونج
بس لاتحاتين بس سئلي اللي هناك
وخل ريلج يسأل هناك
وصدقيني كل شي بيكون اسهل من هني

 

[ام الحلوااات]

اااااااااااااااااب

 

[فرح79]

اااااااااااااب

 

[أسيرة حزن]

انا راح اروح بروحي محد معاي يعني ابي اعرف


ياريت اللي مجربة تعطيني معلومات تفيدني

 

[alooya]

والله حالياً انا اب امريكا ولادتي شهر ٩ انشالله
و بصراحه مادري عن شي و ترى كل منطقه تختلف عن الثانيه من ناحيه المواصلات و الزحمه
انا ولايتي اسمها اوكلاهوما
و بالنسبه حق شهادة الميلاد و الاوراق الرسمية زوجي ناوي يكلم السفارة و يشوف الاجراءات
و انشالله اكون فدتج

 

[alooya]

و اذا ما عندج تامين صحي ترى الولادة غالية جدا و حتى المراجعات
احنا لان زوجي طالب الملحق الثقافي يسوون لنا تامين شامل
و انا سامعه انه اكو شركات تامين تسوييلج تامين اهني اب امريكا
و هم ممكن تستفسرين من السفارة
بس صعبه تولدين بدون تامين لانه مره رحت المستشفى بس حطولي مغذي دفعت 1000$
و السونار بدون تامين ممكن يكلف 100 دينار

 

[alooya]

و اذا ما عندج تامين صحي ترى الولادة غالية جدا و حتى المراجعات
احنا لان زوجي طالب الملحق الثقافي يسوون لنا تامين شامل
و انا سامعه انه اكو شركات تامين تسوييلج تامين اهني اب امريكا
و هم ممكن تستفسرين من السفارة
بس صعبه تولدين بدون تامين لانه مره رحت المستشفى بس حطولي مغذي دفعت 1000$
و السونار بدون تامين ممكن يكلف 100 دينار

 

[ضي الدنيا]

اب لعيونج ياا غناااتي ..


الله يسهلها و يسرها عليييج يااارب ..

وتكوون سهالات ..

وتقوميين بالسلامه يااااارب ..

 

[أسيرة حزن]

مشكورين فديتكم والله تعبت أنا ولادتي بشهر ٧ برمضان و افكر وايد أنا رحو لي شيكاغو و ما ادري بروح واقط نفسي جذي بالمجهول وتوكل على رب العلمين ربي يسهل الامور أنا اعرف أنة غالي وقلت ابي اسوي تامين صحي بالمكاتب هناك بس ما. اعرف اي مكتب الله يكون بالعون ويسهل أمورنا كلنا يا رب

 

[أسيرة حزن]

أنا ابي اطلع الجواز الامريكي للبيبي و الثابتات كلها يلون في احد يعرف. يقدر يساعدنا

 

[ضي الدنيا]

كاان ودي اساعدج ..

ان استعسرت عليج الاجراءات روحس لسفارتنا هناگ ..


وان شاء الله يكووون كل شي سهالات ..


لا تروحين بروحج ياا غنااتي لازم احد معاااج يسااااعدج ..


وياازين مستشفياتنا اهني .. بس كل واحد وظروفه ..


الله يسهل عليج امورج و ولادتج وتقوومين بالسلامه وتبشرينا ..


ويسخر لج خلقق الله ياااااارب ..

 

[أسيرة حزن]

اي احد يعطيني معلومات اكثر عن شيكاغو بليز

 

[فراأأأأأأوله 89]

رفع

 

[Alaly]

السلام عليكم صباح الخير
انا ولدت بامريكا في ولاية فيرجينيا مدينة ستافوورد..
بلنسه حق التامين الصحي شي ضروووووري لازم اتسوينه لان تكاليف العلاج والادويه وااايد غاليه .. بالنسبه لي انا كنت رايحه مرافق مع زوجي كان عنده دوريه عسكريه..
بالنسبه للمراجعات فترة الحمال كانت في عيادة كان مشترك فيها 3 دكاتره ((دكتورتين و دكتور)) وبصراحه كلمة روعه عليه اشويه يهبلون ونفسه حلوه حتى السسترات يهبلون وعلى طوووووول اتشوفينهم مبتسمين وعادي اكانوا يعاملوني مثل ما يتعاملون مع غيري .. لان بصراحه انا كنت خايفه ينفسون او شي لاني مسلمه ومتحجه بس الحمدلله ماكو من هالحجي..
سلسين في التعامل ومواعيدهم مضبوطه وبصراحه يساعدونج وسهلون الامور بالنسبه لي انا امشي حالي بالانقليزي موفلت الخطير وكانوا لمن يكلموني ما كنت فاهمه عليهم يحاولون يبسطون الحجي لمن افهم والحمدلله تساهلين من رب العالمين ...
والسونار عنده اتسوينه مره وحده بس بصرااااحه شي مو طبيعي ودقيقين ويعطونج الصور وسي دي صور البيبي وفيديو وهوه يتحرك .. وااااااي احلا شي ... انا ريلي ما كان يروح معاي ضروف دورته مايسمح يستاذن فكنت اروح ابروحي فلم شاف الصور والفيديو استانس وااااايد صج ان مدته اشويه بس سبحان الله يشوق شكل البيبي وهوه يتحرك ..

 

[ليمونة وزيتونه]

اب اب
الله يهون عليج

 

[Alaly]

ولادتي الحمدلله كانت طبيعي ولاتحاتيين مايفكرون يولدون قيصيريه هذا اخر حل ...
انا كانت اتييني اطلوق من نهاية الثامن بس خلوني لان خفيفه مو الي كل خمس دقايق .. عاد عقب مادشيت التاسع بدات تزيد الطلوق بس ماكو شي يعني مانزل علي ماي او دم حتي اخر فحص كان لي وكان الرحم مفتوح 3سانتي حتى الدكتوره افتحت الرحم وقالتي راح ينزل دم لا تخافين لان مابقى شي على الموعد الي معطيني اياه بافي 3 ايام وانا بس عوار اروح ورد علي.. وعطتني عقبها ورقة دخول مستشفى وفعلا عقب ما طلعت من العياده رحت المستشى ماكان ابعيييد خمس دقايق او عشر دقايق الا انا واصله طبعا امي كانت معاي بعد قلبي ماخلتني يتني قبل موعد ولادتي باسبوعين .. المهم رحت المستشفى وسولي دخول وحطوني بغرقة الملاحظه وحطولي جهاز التخطيط عساس يشوفون البيبي واذا قاعده اتزيد الطلوق تقريبا قعدت عندهم ساعه ونص ما ماكو شي وعيزوا يشربوني ماااي عشان يضغط على البيبي وتزيد الطلوق وفتح الرحم زووود بس مااااكو شي سبحان الله ... عقبها قالولي خلاص ردي بيتكم بس متى ما زاد العوار وصار كل خمس دقايق تعالي او اذا نزل الماي...

 

[Alaly]

ورديت الشقه والله وكيلج مابقى شي ماسويت مشيييييييت وركضت ومابقى دااارسين ما شربته بس سبحان الله ماااااكو شي موراضي يطلع هالبيبي الله يحفظه ..
وطبعا الدكتوره كانت متوقعة لي اولد اليوم باجر بالكثير....
بس سبحان الله طبعا صار اليوم الي كانوا محددينه لي بس ماكو شي حتى عوااااار ماكو..
وسبحان الله صارت الساعه 12 بليل وطبعا كنا نايميييييييييييييييييين وفجأه شي قعدني من النوم نزل علي الماي وبسرعه بدلت وامي امزهبه جنطتها وراحت قعدت ريلي ورحت المستشفى............

 

[Alaly]

وصلنا المستشفى وقعدوني بالكرسي وركضوا فيني لي غرفة عمليات الطوارئ والا يتلقاني الدكتور ويسالني شتحسين في عوار؟!! قوله لا ماكو شي .. يقولي تحسين براس البيبي؟؟ طبعا لا ... قتله بس ماي ينزل ... عاد قال خلاص عيل مالا داعي تدخل العمليات دوني غرف عاديه وخلوني ابدل وسدحوني والماي ينزل واايد وانا كنت خايفه ان يخلص والبيبي يلزق!!! تدرون من كثر ما اسمع من هالناس الواحد يخاف... بس السستر اضحكت واتقولي لا تخافين عااادي احنا نبي الماي يخلص البيبي مافييه شي لا تحاتين ...
طبعا ماخلوني داشين طالعين ونفسييييييييتهم اتهبل ماشاءالله خذوا مني دم يعني فحوصات روتينيه ووحاطين على بطني الجهاز حق نبض البيبي وراقبون الطلقات اذا زادت اي وشي ضرووووووووري ((انا موصيني دكتوري بالكويت انا بامريكا ماعندهم كمام عندهم حبوب مسكنه و ابرة ظهر )) طبعا نصحني في ابرة الظهر وقالي اهما خبره فيها ولا تحاتين اخذيها وانتي مطمنه ...
توكلت على الله ولمن بدا يزيد على العوار قلتهم يعطوني الابره وفعلا نادوا الممرض وهذا شغلته متخصص بابرة الظهر بس طبعا اول شي يعقم الظهر ويقعد بكل دقه يدور وين بقز الابره ولها وضعيه معينه لازم ماتتحركين وقبل لا يقزها اول شي يخدر المكان وعقب قز الابره ماحسيييت بشي وعطاني جرعه خفيفه وقالي اذا حسيتي بالعوار قولي عشان انزيد الجرعه ... طبعا اهوه يقعد ينطر يشوف مفعولها ... وسبحان الله مفعولها قوي وسربع على طووول حسيت ان ريولي اخدرت وما قمت احس بنصي التحتي كلش بس انا بوعيي.. بس خلوني طبعا نمت وقعت ونمت وقعت وامي حبيبتي تقرا علي ....

 

[Alaly]

وكلش اشوي كانوا يدشون يسالون شحس في في عوار والا مافي او اذا كنت محتاجه شي وبس اخيس شي الفحص الداخلي كل اشوي اتشيك اذا فتح الرحم زووود والا لا.... وتكرمون حطولي بربيش لان واهي تضغط على بطني حست انا المثانه متروسه.... وبس ماكو شي خلونا نرتاح طبعا انا دشيت بال 12:30 بليل تقريبا ........................................
كنا نايمين وصاكين الليتات وفجاه دخلوا علينا السسترات وقعدوني وحطولي الاكسجين طبعا انا ما احس بالطلوق بس اهما يبين عندهم بالجهاز وهم يبين نبضات البيبي وكانت نبضاته قاعده اتقل حبيبي تعب صارت الساعه 6 الصبح يعني ست ساعات وانا ناطره!!!!!!!!
وبعدها بنفس المكان الي انا في نزلوا الفراش وطلعوا منه سنادة الريل وفتحوا كشاف اصغير كان فوق وفيييه سرير خاص حق البيبي ويابوا العده حق ولاده وعقبها شرفت دكتوووورتي .........................
انا الحمدلله ليلحين ما احس بعوار الطلق بس اهما كانوا يشوفونا بالجهاز وبعديييين اتقولي بوووووووش بوووووش وانا اتعصر واتعصر واريح وترد اتقووووووولي بووووووش بوووووش وطبعا السسترات رافعين ريلي عشان يساعدوني وبعديييين بين الراس واهي ليلحين اتقولييي بوووووش بووووووش ما سحبته ..... كل شي يبونه طبيعي وعقبها الحمدلله طلع االبيبي قامت وحطته على صدري بعدين خذوووه يمسحونه وشوفنه طبيعي ووزنه وحجمه