كل وحدة تقولي عند منو تعالج اي دكتورة وشنو سبب تاخير الحمل

[strawberryq8]

السلام عليكم
ورحمة الله
وبركاتـــه


كويتيات خواتي
شلونكم عساكم بخير

انا ودي اسوي استطلاع
واشوف منو اكثر دكتورة تعالجون عندها

وشنو سبب تاخيرالحمل

انا بصراحة اعالج عند د.عالية الفضلي
اهيا زينة
بس ياربي
ماادري ماارتحت وايد ولا زوجي
واهيا ظليمتها شينة شاطرة وتعرف

بس ودي اجرب دكتورة ثانية عشان ارتاح نفسيا واتاكد من تحاليلي
وانا سبب تاخير الحمل عندي

ان عندي ضعف في هرمون التبويض
وجربت الحبوب مرة مع الابرة التفجيرية
طلع هرمون التبويض2
واهوا المفروض مو اقل من 10

الحمدلله على كل حال

وقالتلي تعاليلي الشهر الياي
اعطيج ابر بدال الحبوب

ماارتحت بصراحة

وقلت باجرب غيرها


عاد اللحين المطلوب منكم حبيباتي
ان كل وحدة تقوللي عند اي دكتورة وسبب التاخير

وازعل عليكم
اذا شفت اللي داشين الموضوع وايد ومحد يرد



ناطرتكم

وعسا الله يرزقنا الذرية الصالحة يارب
ويفرح قلوبنا ويشرح صدورنا يارب​

 

[كويتيه مذهله 87]

تم التصويت
فوزيه القطان
الصراحه لا أنا ولاريلي مافينا شي بس تأخرنا كتبه الله
جربيها هالدكتوره شاطره وأدعيلي

 

[strawberryq8]

يا حلاتج والله
محد عبرني غيرج

مشكورة
بس ياليت تقوليلي وين عيادتها؟؟؟

 

[&رعبوووبه&]

انا اعالج عند الدكتور احمد الشاذلي بالسلام

وعندي بنيه عمرها 3 سنين وودي اييب لها اخت او اخو

عندي تبويض ضعيف وعندي تكيسات وماشيه بالعلاج والله كريم

والصراحه للمرة الالف اعيدها الدكتور الريال احسن من الحريم بواااايد

والله يوفق الكل

مشكورة حبوووبه

 

[strawberryq8]

رعبوبة نورتيني ياقلبي
والله يرزقج الذرية الصالحة يارب

 

[*caramel macchiato*]

انا عند فوزية القطان توني فاتحة ملف عندها لان ماشاء الله ولاقوة الا بالله كلمن يمدحها....ليلحين ماشفتها وباجر موعدي عندها...يالله اكتبلي الحمل على ايدها..


لفيت دكاترة وايد مثل ماجدة اليتامى ومعصومة مخصيد وهدى الزكري ودكاترة الصباح...والحين فوزية ...



انا الي فينا عقم غير مفسر بس الحمد الله على كل حال كل شي خيرة من رب العالمين

 

[Emanova]

انا عندي حمودي عمره 6 سنوات ....حملت فيه طبيعي

الحيين انا بطه بطوطه و عندي تكيسات و عندي ضعف بالتبويض

لفيت عند وايد دكاتره ما ارتحت الا عند ماجده اليتامى اهي اللي ضبطت هرموناتي و دورتي و اموري ...وايد احبها مع انها كانت تزفني على قولتها علشان مصلحتي علشان انزل وزني

انا اشوف اسعارها عاديه ..و تقولي تبيين تحليلين مكان ثاني عادي ما عندنا مشكله ...حتى الادويه قالت لي اذا تقدريين تدبرينها احسن و اوفر

ادعولي ان الله يسهل العلاج و يرزقني الحمل ان شاء الله

 

[كويتيه مذهله 87]

عيادتها بميدان حولي

 

[^^ام ميمي^^]

ربي يرزق كل محرومه يارب وراح ادعيلكم ان شاء الله لما اتولد من كل قلبي لاني حاسة فيكم وكنت محرومه 4 سنوات و6شهووور

الحمدلله على كل حال اول مره رحت عند الدكتور محمود الاسطل وعقب راجعت عند الدكتور منصور العرف ولاحصل حمل مع ان لا انا ولا زوجي فينا شيء والحمدلله واخيرا رحت حق الدكتوره عاليه الفضلي الله يوفقها يارب دعوه من كل قلبي مره صج مثل امج وتهبل عسل قلبها وسيع وشاطره تعرف كل شيء ودقيقه تخيلو اهيا الوحيده اللي قالتلي فيج خمول بالغده مع ان الدكاتره اللي قبلها قالولي بسيط ما يأثر ومن اخذت عندها حبوب الغده عالجت عندها تقريبا لمدة اربع شهور اول شهر اخذت ابر وسويت تلقيح صناعي وفشل والحمدلله وثاني شهر قلتلها تعبت من الابر عطتني حبوب مقويات وبالشهر الثالث قالتلي صار معاج تكيس بسيط لازم اوقف العلاج واخليج تاخذين كورس حبوب منع حمل لمدة شهر بس واخذتهم وبالشهر الرابع اخذت ابر ومقويات والحمدلله حملت علاجها والادويه اللي تعطينياها غير عن الدكاتره الباقي عطتني بيبي اسبرين وعطتني قلوفاج اعتقد مال السكر تقول يهيء الرحم للحمل وعطتني فولك اسيد وتحاميل وابر مقويات .

ادري طولت عليكم بس قلت ما يصير احمل وابخل على رفيجاتي بتجربتي


strawberryq8 انصحج لا تغيرين الدكتوره عاليه وعسى ان تكرهو شيئا وهو خير لكم تدرين زوجي بثاني شهر راجعت عندها عصب وقالي مو مرتاح لها مع ان ولا مره دخل معاي زوجي بس جذيه من الله وانا قلتله وعسى ان تكرهو شيئا وهو خيرا لكم وسبحان الله حملت .

واللحين اراجع عندها مراجعة حوامل عقبالكم يارب وايد زينه ومرتاحه لها

 

[strawberryq8]

منتج كويتي
الله يتمم عليج حملج يارب
ويرزقج الذرية الصالحة يارب

بس ياربي
انا ماادري شنو اسوي
بصراحة
ودي بس استشير احد غيرها
اسوي تحاليل مرة ثانية


عسا الله يرزقني
ويرزق كل اللي تبي بيبي يارب

 

[lucky]

قوة رعبوبة انا بعد عند احمد لشادلى وعمر بنتى ثلاث سنين ضبط وعندى تكىسات وضعف ببويضات بس بغيت اعرف شلون طريقت علاجة معاج لانى للحين مابلشت اهو معطينى حبوب تنزيل الدورة تكفين فييييدينى دبحنى التفكير ومحتات

 

[Amory]

انا اعالج عند باترك ابمستشفى لندن الفنطاس

انا رحت تقريبا حق كل الدكاتره اللي بالكويت وفوزيه القطان واايد زينه بس راجعتها ببداية علاجي وأخذت فترة راحه طويله من العلاج وسمعت عن مستشفى لندن ان واااايد ناس احملوا اهناك و رحت وسويت طفل انابيب وحملت لكن اجهضت والله يعوضني.

سبب تأخر الانجاب غير معروف و زوجي عنده ضعف والله يرزقني و يرزقكم ان شاء الله.

 

[strawberryq8]

منورين يا بنات
عسا الله يرزقنا الذرية الصالحة يارب

 

[^^ام ميمي^^]

بنات نصيحة من كل قلبي

انا قبل ما احمل كنت لما اقعد لصلاة الفجر اقوم اصلي واقرى بعدها سورة مريم قالولي حق اللي ما تحمل وقريتها وسبحان االله ما انزلت الدوره عقبها وكنت اقرى سورة البقره بس سورة مريم اكثر لانها قصيره وبشكل يومي


وربي يرزقكم يارب ويعطي كل محروم يارب

 

[strawberryq8]

مشكورة منتج كويتي
نورتيني والله
عسا الله يوفقج يارب

 

[سندريللا بطه]

انا متزوجه صار لي ثلاث سنين وشوي
اعالج عند دكتوره نجيبه القطان
معاي تكيسات
اخذ كلوميد يصير تبويض بس ما يحصل حمل الحمدلله
اسعارها معقوله وحيل ارتحت لها سويت تلقيح صناعي بس ما نجح
افكر اروح د / عاليه الفضلي
اخر مراجعه للدكتوره كانت شهر 2 الي فات
ويعطيح العافيه اختي على الموضوع

 

[strawberryq8]

حياج الله

 

[shm3t-alq8]

انا اراجع عند ماجده اليتامه تقرييبا من شهر 7
نظمتلي الدوره وسويت تحليل طلع مأخر حملي
ارتفاع هرمون الحليب حيل عالي وعطتني حبوب لمدة شهر
بس الي يضايقني منها وقت المواعيد يقولولج ندق قبل الموعد بيوم
ولا يحددون الوقت الا قبله بنص ساعه
بس احسها شااطرهِِ

 

[قليلة العذاريب]

ماحبيت أأدخل من غير ماارد عليج ،، أأنا أأعالج حالــــــــيا عند الدكتور منصور العرف والله كريم يارب

 

[غيـ الناس ـر]

انا راجعت عند وايد دكاتره .. رحت لفوزيه القطان ما عجبتني مواعيدها ..

عالجت لمدة سنه عند هبه رضوان بالشفا يا حبي لها هالطبيبه بس للاسف ردت ديرتها ..

رجت لناهده العلي تهبل بس مشكلتها تلفونها وسكرتيرتها الخايسه استغفر الله ادق 3 ساعات ما نحصلها ..


وحالياً رحت لنداء اول مراجعه والله يسهل ان شالله ويكتب لي حمل على ايدها


عندي ارتفاع مزمن بهرمون الحليب وضعف بالتبويض