كل وحدة تدخل وتحط المشكلةالى مسببة الضيقة وصدقونى راح ترتاح نفسيتها وبنلقالها حل

[اخصائية نفسية 7]

بسم اللة الرحمن الرحيم

شلونكم حبايب قلبي
مثل ما انا كاتبة بالعنوان اذا عندج مشكلة او ضيقة من دون سبب او اي شي مزعلج وحابة تتعلمين اشلون تتعاملين معاة وتلاقين حل لة انشالللة راح احلها لج بس بشرط ؟؟
1- تكونين صادقة
2- تكتبينها كاملة
3-وتجاوبين على كل اسئلتى

وانشالللة باذن ربي بتلقين الحل عندي

شكرا لكم...
دلال

 

[هيبة فتاه]

هلا دلول منوره ...
تسلمين عالموضوع
الله يكفينا شر المشآكل يااارب

 

[درة أهل الطولات]

اممممم مشكورة

 

[اخصائية نفسية 7]

مشكورين حبايب قلبي
حبيت اساعدهم لعل وعسى افرج عنهم همهم واحصل بهالشهر الفضيل خير عند ربي

 

[دلعي نآدر]

ممكن اتواصل معاك ع الخاص ؟

 

[طموحه بزياده]

@@@



اخاف ام اسماء؟؟



!!!!




عموما انا عندي مشكله مايقدر يحلها غير ربي وشكرا





@@&

 

[اخصائية نفسية 7]

حبيتى العضوة دلعى نادر لانى مشاركة تونى فمااقدر على الخاص لكن تقتدرين اتدزين لى رسالة على الخاص في البن مالج وراح اضيفج وانتفاهم وياج ياقلبي

 

[اخصائية نفسية 7]

حبيبتى طموحة بزيادة مادرى منو ام اسماء واكييد مثل ما قلتلى ياقلبي محد يقدر يحل المشاكل الا ربي لكن قلت يمكن نساعد عالعموم مشكور على المرور ياقلبي

 

[عسل سل]

جزاج الله خير

 

[(كويتيه عسل)]

مشكورة على الموضوع الحلو

مشكلتي مع الحريم اللي بالدوام دوامي حريمي بحت

موقادره اتحمل جوهم ولا اتقلم معاهم حقودين وحسودين

احترم الكل واحب اساعد الكل

ولا احب اتليقف ولا اتدخل ولا اعرف اقط نغزات ولا اجعم ولا ادقر

وانا طبعي هاديه مااسولف الا اذا فضيت وبحدود واحب السوالف المفيده ومااحب الحش

وطبايعهم ماتعجبني الصراحه هيلق يتكلمون عن رياييلهم وسوالف زوجيه خاصه وانا مومتزوجه

واهما دوابير وحركات ونغزات انا احقر بس كثر الدق يفج اللحام

مااقدر اتحملهم واذا برد عليهم مااعرف ادافع عن روحي

مومتعوده على الجو الفاسد

بتقولين انتقلي وين اروح كل المدارس جذي

لاني اشتغل ابله ومااقدر احول ادارية احب التدريس

 

[اخصائية نفسية 7]

حبيبتى كويتية عسل انا عارفة بالضبط عن نوع الحريم الى تتكلميين عنهم صراحة ربي يعنيج عليهم
لكن تقدريين تتعرفين على قسم ثانى من الابلات ترا في النوع المحترم والثقيل
اوحاولى تسويلج مشروع بالمدرسة يفيد الطالبات يعنى تقضين وقتج اكثر شي بعيد عنهم
او حاولى تجيبين طاري موضوع انتى تحبينة وشوفي منو منهم بيتفاعل معاج وراح تزيد العلاقة بينكم اذا كان بينكم شي مشترك
لا تتاففيين من موضوعج حاولى تلاقين لة الف حل وحل واذا تبينى اقولج بعد في حلول وحلول.
ومشكورة على ثقتج فيني ياقلبي وانشاللة اكون عند حسسن طنج
اسدنى وشرفني مرورج

 

[اخصائية نفسية 7]

حبيبتى لازم تتعلمين اتدافعين عن نفسسج وعن موقفج ورايج بعد اذا حابة اتكلم اكثر عن هالموضوع قوليلي بس وضحي لي ليش انتى اتدافعين عن نفسج يعنى اهما يقطون نغزات عليج فهمنى اكثرياروحي

 

[Loca]

إانــــا كاتبه مششكلتي ونقـلـوها الحيـاه الزوجيه =)

 

[Loca]

up لعيــونك

 

[اخصائية نفسية 7]

مشكورة حبيبتى على الرفع
بس ياليت تكتبين مشكلتج اهنى راح يكون احسن ياقلبي

 

[حلوى عمانيه]

مشكوره
مشكلتي اذا بدافع عن نفسي او ارد على هجوم بعض الناس اللي تحب تسوي مشاكل معاي اني اتلعثم وما اعرف اقول كل اللي بقلبي ودموعي لا اراديا تنزل وهذا الشي مخليهم يتسلطون علي وحتى لو حاولت اتجنب المشاكل معاهم شرهم واصلني .. ما الحل

 

[دلعي نآدر]

اوكي بما أنك ماتقدري تتواصلي ع الخاص كنت بسئلك سؤال ثاني بس بأطرح مشكلتي واتمنى ماتتهجميـن عليـآ وتوجهيني للحل الصحيح اتفقنآ ؟

اول حاجه في واحد يحبني وانا احبه من كآن عمري 16 سنه والأن عمري 19 سنه يعني قصة حب عاشت 4 سنوآت بدون لف ودوران وكان شخص صريح وواضح جدا معايا واكذب علـيك لو مر يوم ماكملته فيـــــهـ كلام هذا مو مبالغه بس حابه واضح لك مدى صدق العلأقه

والشخص هذا عمره 25 سنه

واحنا نيتنآ الزواج بس بسبب الدراسه ماقدر يتقدم لي ولمن خلص دراسه واتوظف بدآئنآ بالجـد

مع العلم انه مايقرب لـي بس بينهم وبين عمتي معرفه قويه

واهلي مايعرفو عائلتهم نهائي بس هو من نفس قبيلتنـآ ابغاك تديني حل كيف اخليه يتقدم لي بدون مااحد يدري انو بيننـآ شيء

وانا بأمكآني اكلم اخويا او ماما لأني علاقتي معاهم كويسـه .. وهل تعتبرين 4 سنوات نزوه بالنسبه للولد مع ان علاقتي كانت جاده معاه مو لعب اطفال ولا مراهقيـن وهوا اصلا تفكيره جاد بكل حاجه ويفكر قبل لايخطي الخطوه وهذا اللي عاجبني فيـه ..

انتظر ردك وربي يديك العافيه ويجزآك بالخير لو اديتيني حل راح تفكي ازمه بحياتي انا الأن الخوف مسيطر عليا وارفض كل من تقدم لي بسبب حبي له

 

[اخصائية نفسية 7]

حبيبتى يا الحلوى العمانية اولا شي لازم تسالين نفسج هل انا عندى ثقة في نفسي لازم تعالجين نفسج من داخل تومنين بانج قادرة تاخذين حقج منهم
اما اذا تبين تاخذين حقج بالصراخ فرغي الى بقلبج عليهم يعنى مثلاا: انا مااسمح لج تتكلمين بهالنبرة معاي اذا ما وطيتى صوتج راح اقص لسانج ، انتى ناوية على نفسج ،او اغلب الاوقات اذا ناوية تحرقين دمهم خليهم يسولفون وانتى طالعى التلفزيون واقعدى قعدة مريحة كانج مو مهتمة لهم صدقينى راح تتقطع اعصابهم واذا تبين اكثر بعد ردود انا حاضرر

 

[اخصائية نفسية 7]

يا قلبي ياالعضوة دلعي نار ليش اتهجــم عليج بالعكس انتى حبيتية والحب يجي من اللة احلى شي لمشكلتج انج اتدخلين امج طرف فيها واتخلينة اتكلمة بصراحة وجدية لانج خلاص انتى كبرتى الحين اذا تبيها تعال الحين وصدقيني الى يحبج صج مستحيل يخليج لحظة اذا جا مبروك مقدماا واذا قام يلف ويدور ويقول ماقدر اهنى انا اقولج كان يلعب لان مهما كان احساس البنت غيرر عن احساس الشباب وانتى راح تختبرين حبة لج لمن اتدش امج طرف بالموضوع صدقينى راح يحس بالمسوليية فاما يتزوج اذا كان صج واما يتهرب

بليزز قوليلي شنو ردة خلينا نتواصل اكثر

 

[(كويتيه عسل)]

حبيبتى كويتية عسل انا عارفة بالضبط عن نوع الحريم الى تتكلميين عنهم صراحة ربي يعنيج عليهم
لكن تقدريين تتعرفين على قسم ثانى من الابلات ترا في النوع المحترم والثقيل
اوحاولى تسويلج مشروع بالمدرسة يفيد الطالبات يعنى تقضين وقتج اكثر شي بعيد عنهم
او حاولى تجيبين طاري موضوع انتى تحبينة وشوفي منو منهم بيتفاعل معاج وراح تزيد العلاقة بينكم اذا كان بينكم شي مشترك
لا تتاففيين من موضوعج حاولى تلاقين لة الف حل وحل واذا تبينى اقولج بعد في حلول وحلول.
ومشكورة على ثقتج فيني ياقلبي وانشاللة اكون عند حسسن طنج
اسدنى وشرفني مرورج

ماعندي وقت اروح قسم ثاني مااقدر ساعات الطالبات اييون يبوني او ولية امر تطلبني

او رئيسة القسم تنقلنا قرار من الادارة او الموجهه تيي او الوكيلة تتصل اللي معاي يشغلون

ويسولفون وساعات سوالفهم عن الزواج ورياييلهم مشاكلهم

الايام اللي مايكون فيها طالبات ولا شغل اهدهم ومااقعد معاهم اروح اقعد بروحي

مره رحت قسم ثاني قاموا يسألوني ليش ماتقعدين في قسمج