كل من تعالجت وحملت بعد مشيئة الله خلونا نفيد ونستفيد

[قدســـاوية]

مساكم الله بالخير خواتي وحبيباتي بنات منتدى كويتيات

شخباركم حبيباتي ان شاء الله بخير اليوم يايبتلكم موضوع يديد اتمنى مايكون مكرر

ممكن الجميع يستفيد استفاده كبرى منه شلون

انا اقولكم نلاحظ في هذي الايام تأخر الحمل بشكل واضح سواء للي عندها عيال

والي ماسبق لهم انه الله رزقهم بالذريه

الموضوع الله يسلمك هو الاتي كل وحده او عضوه تعالج تأخر الحمل او بعد ماتركت حبوب المانع

او لاي سبب صار عندها تأخير من اي مانع حتى لو مانع طبيعي وتعالجت

وحملت بعد مشيئة الله عز وجل تحطلنا خبرتها

سواء عالجت بالكلوميد المنشطات

التلقيح اطفال الانابيب عشان نفيد ونستفيد كلنا

ونسوي هني موضوع متكامل عن كل وحده وتجربتها وبعد شكثر ربي اكرمها بالحمل

كل عضوه تقول كل الي مرت فيه وشنو سوت وبشنو تعالجت

وكم المده ومتى انكتب لها الحمل وجم كلفها كل هذا

وعند منو ووين واذا في رقم تليفون اوعنوان تحطه لنا او وصفه معينة

بس عفيه مانبي سوالف ارسلي لي وارسلج عالخاص لان نبي الكل يستفيد لان نلاحظ وايد من

العضوات لهم استفسارات واسئله وبعضنا اسماء العلاج مانعرفها تسأل بعضنا بعض

ونستفيد من تجارب الكل

ونشجع بعض لان وايد في ناس مو عارفين شلون يبدون يعالجون او يبدون بخطوات العلاج

وبهالطريقه الكل راح يفيد ويستفيد من خبرات وتجارب بعض ويكون عارف بالضبط

وين نقطة البدايه http://www.lakii.com/vb/redirector.php?url=http://www.asmilies.com ان شاء الله

فهمتوا القصد من الموضوع ويالله نبدي نفيد ونستفيد

ونبث الامل في قلوب الجميع

اقبلوا تحياتي اختكم المحبه قدســـاوية :yaaaaaarb:

 

[زين ودلال]

عسى الله يرزقج بالذريه الصالحه ويفرح قلبج ان شاءالله

 

[قدســـاوية]

حبيبتي يا زين ودلال تسلمين وماتقصرين يا الغاليه

 

[أم عامر]

عسى ربي يرزق كل من تتمنى يارب

 

[قدســـاوية]

يسلمو ام عامر حبيبتي

 

[قدســـاوية]

up up up
​

 

[مناي]

حبيبتي انا حملت واجهضت وظليت ثلاث شهور بعدها حملت طبعا ماعالجت ولاشي ولا فيني او في زوجي شي بس اخر دورة قبل الحمل شربت منقوع المره طول ايام الدوره وسبحان الله حملت

 

[قدســـاوية]

سبحان الله

انا سامعه ان المرة تعتبر عن 7 انواع من المضادات الحيوية

عسى الله يثبت لج حملج ويقر عينج بشوفته ويجعله من الذرية الصالحه يارب

تسلمين ياقلبي

 

[غنوة ستايل]

خمس سنين كزوميد وابر ومافاد سبحان الله
الشهر اللي اهتميت بالرجيم وعصير الانناس والكيوي الطبيعي
حملت سبحان الله بشهر نزل وزني ٧. كيلو وعقب شهر دريت اني حامل

 

[مدرسة مستقبلا]

مرحباااا انا راح اقولكم عن تجربتي
انا حملت من بعد شهرين من الزواج وربي ما كتب لي وطرحت على الشهر الثاني
المهم ومن بعدها حاولت احمل وتعبت من علاااج الهرمونات مره مرتفعه ومره نازلة ومرة هرمون الحليب ومرة
الغدة الدرقية وهذي حالتي
ظليت حوالي سنة على هالحال والنفسية تعبت من كلام الناس
لين سمعت بالمنتدى بالمعالجة الشعبية ام فيصل الرشيدي اللي في جابر العلي
ورحت لها وتركت كل علاجات الدكاترة لاني مليـــــت
المهم يوم رحت لها عطتني ادوية وقالت لي استمري عليهم شهرين وبعدين تعالي نكمل العلاج
وخذت مني شي رمزي وبسيط صج مره تخاف ربها
المهم سبحان الله ظليت 22 يوم على العلاج وما يتني الدورة استغربت وماكنت متوقعه اني احمل لانها قالت لي
بعد شهرين تعالي
وفعلا يوم حللت طلعت حامل بفضل من ربي ومنها
صج كانت فرحتي ما توووصف الحمدلله وللحين ادعي لها بالخيـــر
وانا الحين بالشهر الخامس وانشالله ربي يثبته يا رب ​

 

[مواصله]

كنت اخذ حبوب المانع 6 سنوات وموراضي يصير حمل بعدها..راجعت طلع معاي ضعف بالتبويض



يعني البويضه ماتزيد عن 7-8ملم صرت اخذ ابر تنشيط وكلوميد وابر تفجير

واتابع التبويض كل شهر ومو راضي يصير حمل


غير مشاكل الغده الدرقيه اللي معاي
حلل زوجي طلعت معاه مشكله بأشكال الحيامن ودوالي وصار ياخذ علاج

تقولي الطبيبه نتايج زوجج ماراح تحملين الا بطفل انبوب

كنت اتعالج قريب السنه..صرت اقوم الليل واشغل سورة البقره واحاول ابتعد عن اصغر المعاصي

والحيت بالدعاء واتكلت علي رب العالمين،والحمدلله ربج كريم وماردني خايبه

 

[أم عليوي]

اول شي يعطيج العافية ع الموضوع عشان الكل يستفيد انا كنت اكل حبوب مانع اكلته لمدة سنة ولعبت فيني لعب سوتلي قرحة وعالحجتها وبعدها قطعت الحبوب ومرت ٦شهور وماحملت قلت خنروح اراجع يمكن فيه شي ورحت راجعت بمركز حسبي الله ونعم الوكيل فيهم كانوا ماديين حيل وقالولي فيج تكيسات واخذي كلوميد وعطوني كلوميد مو الاصلي شي مقارب له وهم لعب فيني اخر شي طقت جبدي منهم ومن نصبهم جان اروح للعرف وبلشت اراجع قالولي مافيج غير كيسين وهذيلا سببهم هرمون الحليب والتفكير قالي الدكتور اعطيج حبوب جنه اسمهم ديبورجين او شي جذي طبعا هاوشني ع الحبوب اللي اكلتهم اللي نفس الكلوميد وقاللي انتي اصلا مافيج شي بس هذيلا نصابين والحمدالله بأقل من شهر حملت لما انتظمت الهرمونات وانا حامل الحين بالثاني وادعولي ان الله يثبته ورانشالله اكون فدتكم

 

[غلا الروح79]

حبيبتى انا بتكلم عن مرت اخوووي ماشاااء الله بعد 9سنوااات من العلاااج بكل مكااان وبكل دوووله
مافاااد الا من عقب ربى ثم من عقب وحده اسمها ام محمد الرشيدى كانت بالفردوووس عقب انتقلت باشبيليه
وماشااء الله عندهااا اللحين3اولاااد .....\
وعسى ربى يرزق كل وحده محرووومه يااارب...

 

[فتاة حالمة]

انا تزوجت و اتفقنا برغبة من زوجي فترة الخطوبة سنة ما نجيب اطفال

و بعدها نجيب طفلين و نكتفي فيهم و نربيهم احسن تربية

قضينا اول سنة موانع طبيعية لأنو دورتي منتظمة بعد السنة وقفنا موانع و بقيت سنة لكن بدون حمل

بعدها طللبت من زوجي اروح افحص ما قبل

وهو راح فحص و لما سألته عن النتيجة خبرني الحمد لله

وجلست اقنعه 6 شهور لحد ما قبل اني افحص و الحمد لله طلعت نتايجي سليمة و بقيت سنة

اعيد بالفحوصات و الدكتورة مستغربة ليه عندي الخصوبة عالية ومافي حمل

وطلبت فحوصات لزوجي عندها بالمستشفى وخبرتني انو زوجي يعاني من ضعف و تشوهات

و قلة حركة بالحيوانات المنوية

صارحت زوجي و خبرته انو عرفت السبب

وطلبت منه يبقى سر بينا حنا الاثنين عند الناس كلهم

و صار يتعالج و الكل مفكر السبب مني

العلاج مافاد لحد ما فكروا اهله يخطبون له صارحهم بالحقيقة بدون علمي و خبر اهلي

اجرى عملية دوالي لكن بدون فايدة بعد خمس سنوات

اعطونا تحويل حكومي للعلاج بالرياض بفيصل التخصصي و الحل كان طفل انبوب

بعد 6 سنوات من الزواج كان موعدنا مع اول عملية نجحت و عدت فترة الحمل على خير

ولدت طبيعي لكن الولد كان مصاب بأمراض وراثية وتشوهات ومات بعد معاناة 42 يوم

ربي يرحمه برحمته الواسعة و يعوضني خير

خلال فترة مرض ابني تحول للرياض وهناك اكتشفوا انو في مرض وراثي بعائلة زوجي ناتج

عن خلل بالكروموسومات وبالتحاليل تعرفنا على الكروموسومات المسببة للمرض

حتى نجري فحص dna للأجنة قبل زراعتها بالرحم في المرات القادمة

بعد 8 سنوات من الزواج اجريت ثاني عملية طفل انبوب و كان الحمل كيميائي فقط ارتفاع بالهرمونات

طبعا رجعنا 2 من الأجنة السليمة و جمدنا 4

بعد 10 سنوات زواج اجريت ثالث عملية نجحت و ربي رزقني طفل سليم عمره 3 سنوات

وقبل اسبوعين اجريت العملية الرابعة كان عدد البويضات 14 و تكون منها

9 أجنه قابلة للترجيع لكن ما قدرت ارجع الأجنة لأنو بفحص

الكروموسومات طلعت الأجنة كلها حاملة للمرض الوراثي

وما قدرت ارجعها ما انكر اني انهرت اول ما سمعت الخبر لدرجت اني بكيت بصمت قدام كل المراجعين

و ضمتني النيرس و دخلتني العيادة و الدكتور ما قصر معي انا وزوجي شجعنا

تشجيع كبير و طلعنا من العيادة و حنا نحمد الله و راضيين بالقدر

طولت عليكم اعذروني

 

[دمثة]

التوكل التام وقراءة البقرة كامله

انا انصح با فيصل الرشيدي بجابر العلي تهبل وشاطرة وتعرف

 

[قدســـاوية]

غنوة يقولون ان السمنه تاثر عالحمل



مدرسة الغدة الدرقيه عندج فيها تضخم والا زيادة فالافراز والا نقص فالافراز وابي رقم ام فيصل؟؟


حتى انتي يا مواصله شنو غدتج؟؟؟؟؟ انا زيادة وتضخم ومليييييييييت من العلاج


لاني سويت عمليه عقب العلاج وبعدين ردت علي مرة ثانية وزهققققققت


ام عليوي الله يعافيج يالغاليه عند العرف منو منصور والا دكتور ثاني؟؟؟


غلا الروح ما شا الله بس جم رقمها؟؟؟


فتاة حالمة والله عورتي قلبي ياقلبي الله يكون بعونج


دمثه يعطيج العافيه ياقلبي بس لو تحطينلنا رقها

 

[شذر الحلوة]

انا حملت باول حمل لي طبيعي بس الله ماكتب يكمل لي لاني كنت عروس وماأعرف سافرت لمكة بالطريج اجهظت ولما رجعت رحت حق الدكتورة اميرة بهبهاني وقلتلها اللي صار بعدها عطتني حبوب تنظف رحمي عشان لايكون فيه بقايا من الدم المهم عطتني بس كلوميد وحبوب فيتامينات وابر وحددتلي متي اخذهم وماكنت اعرف انهم منشطات المهم اخذتهم وحملت باربع توائم بس ربي ماكتبلي اياهم تعورت فيهم والسبة ان جتني صخونة وكانت درجة حرارتي 40 ماتنزل وبعدها نزلت علي بقعة صغيرة دم رحت اركض لمستشفى الفروانية مستشفى المجزرة والاخطاء الطبية الشنيعة حسبي الله عليهم ونعم الوكيل دخلت الدكتورة ايدها وفحصتني وتضغط على بطني لين نزلتهم يوم وخرت ايدها والا بحر دم وقعدت عندهم 3 ايام يقولون لزوجي مافيها حمل اتجذب عليك توهمك انها حامل هذا حجي بالله عليكم يقوله دكتور ويوم راح زوجي البيت قاموا يغزون فيني بهالابر اللي ماادري شنو اهي ويركبولي 9 مغذيات والساعة 2 بليل تصورو لبسوني لبس العمليات وجان يجوني يقولون لي يالله تنظيفات لعنبوكم توكم تقولون لزوجي مو حامل وتجذب عليك واللحين جايين تبون تسون لي تنظيفات اسكتو لعبو فيني حسبي الله عليه قرقرت واجد الزبدة طلعت من المستشفى بعد صراع ورديت لدكتورتي افحصتني وعطتني فيتامينات عادية بعد النزيف اللي نزفته وقالتلي ارتاحي هالشهر واول ماتييج الدورة تعالي المهم ماجتني الدورة تاخرت 10 ايام طلعت حامل والحمدلله ببنتي الكبيرة وبعدها وقفت سنتين ليما خلصت من الكلية وبعدين قطيت الحبوب واجهظت 1 والمرة الثانية حملت حمل خارج الرحم وشالوا مني قناة زعلت حيل بس حمدت ربي ماادري شنو الخيرة في هالشي وقال الدكتور راح يصير معاج عقم جزئي ماتحملين الا بعد 6 شهور سألته يعني مااكل حبوب مانع قال لي لا لانج ماراح تحملين الا بعلاج المهم بعد العملية جاتني اول دورة وبعدها ماشفتها حللت والا انا حامل بفضل ربي سبحانه وبعد ماولدت بنتي الثانية حملت على طول ببنتي الثالثة وبعدها وقفت سنة كاملة لانهم صاروا مثل التوم وبعدها قطيت الحبوب 3 مرات احمل بس اجهض على مدى 8 اشهو راجعت عن الدكتورة هدى الزكري لمدة3 شهور تقوية وتعديل اللخبطة اللي صارت عندي وبعدها ومع العلاج كلوميد وابر منشطة وتفجيرية حملت بولدي واللحين عمره سنة ونص واللحين رديت لها ابي احمل واجيب اخو ان شاءالله لولدي واخذت منشطات كلوميد وابر واللحين انا 28 يوم من الدورة سويت تحليل هرموني بس طلعت النسبة 100, يعني اقل من الواحد الصحيح يعني مافي حمل الحمدلله على كل حال عاد ابوقف اللحين وارتاح جم شهر وبعدين ارد لها والله كريم ​

 

[قدســـاوية]

شذر الحلوة وااااااااااااااااي والله لعبوا فيج لعب

وان شا الله سكتي عنهم وما سويتي شي حسبي الله عليهم

الله يكون بعونج ويخليلك بناتج وولدج ويرزقج ربي الولد ال2 يارب

الله كريم كل شي يتعوّض ان شا الله

 

[chocolat cake]

الله يرزق كل محرومة يارب انا اول ماتزوجت على طول حملت بس كان خارج الرحم وسويت منظار في دار الشفا وبعدها رحت اراجع طلع معاي التصاق بقنوات فالوب بسبب عملية المنظار ماكانت دقيقة وبعدها سويت انابيب والحمدالله الله ماكتب وماحملت وبعدها بكم شهر سويت مرة ثانية صار حمل بس كان ضعيف ونزل الحمدالله والمرة الثالثة بعد سويت انابيب والحمدالله ربي كريم ومايقصر انا حامل بتووووووم بعد ثلاث سنوات
وبعد كم يوم ادخل الخامس ان شاء الله صج عندي شوية مشاكل بالرحم بس الحمدالله على كل حال والله يرزق كل محروومة

 

[قدســـاوية]

حبيبتي الله يكون فعونج ويثبت حملج وتقر عينج بشوفة التوم يارب

بنات نصيحة اللي لا سمح الله تحمل خارج الرحم لا تسوي العمليه

الا عند عمرو الصياد والله نصيحة من اخت لأختها