كل مر واشرب مر ولاتعاشر مر

[بنت العجمان السنافية]

يابنات


انا عندي خدامه


يوم جبتها علمتها ان عندي بنت عصبيه

وقلتها اذا عندج احتمال بكفلج ماعندج ماراح اخذج

بنتي الله يحفظها عمرها 9 سنين ماتطق ولا شي بس تعصب وتزف

حاولت معاها بس خلاص طبع ماكو فايده

المهم

الحين من تزفها بنتي تعصب وتلوي الوجه ووجهها مو بشوش ابدا ابدا


وبنتي طفله يبي الي يبتسملها ويمتص غضبها

المشكله مو هني

رجلي قام يطق بنتي طق مو طبيعي عشان هالسيلانية <<<<<< يامن شراله من حلاله عله

انا افكر خلاص ابيعها

بس رجلي يقول الخدامات نفس الشي مايستحملون


يعني اهيا نفيسه ومو متوالمه مع بنتي وعصبية بنتي اندبلت اعصابها بسبتها ام نفيسه حاطه راسها براس بزر

انتو شرايكم عطوني رايكم لو تنحطون بنفس موقفي:0bee2e8d89:

 

[الهما]

ردي الخدامة المكتب لا تسويلج مشاكل مع زوجج و بنت ترا بعض الخدم يسوون فتن
افتكي و جيبيلج وحده كبيرة بالسن
الكبار حنونيين

 

[sereen]

اشلونج عمرى شوفى بصراحه اذا بنتج الله يحفظها راح اظل بالوضع هذا , يعنى كل شغاله بتييبنها راح تطفر منج . صح ياهل بس المفروووض ماتعصب على كلشى عيل شخلت لج ياقلبى ولاتنسين الشغاله تبي ريج حلو كفايه الكرف والقعدة من صبح
انا براى اتقولين حق بنتج وفهميها ان واجب عليها تحترم الشغاله موعشان شغاله تعصب عليها , هى تاركه بيتها وعيالها وبالاضافه انها كبيرة بالعمر مايصير تعاملينها بالاسلوب هذا او ان بنتج ماتجى يم الشغالات وتسوى شغلها بنفسها وتعتمد على نفسها اذا ماتتحمل . لا زم تكلمين البنت وعيال هالايام ترى يفهومون ماشا ءالله عليهم وماينقالهم بزران , واكيد راح تفهم ان شاء الله

 

[ba6bo6a1]

الله يساعدج ........... بصراحة الموضوع محير بس حاولي توازنين بين الخادمة و بنتج يعني حاولي تكلمين الخادمة و تفهمينها انج ما تجبرينها عالشغل و ان بنتج ياهل و هذا طبعها و بنفس الوقت حاولي انج تتواجدين مع بنتج اكثر من الخادمة عشان تقللين احتكاكها بالخادمة

 

[بنت العجمان السنافية]

الهما وانا اقول جذي

سيرين بنتي صج عصبيه بس شسوي لاتقولين ماتعرفين تربين كل شي سويت تعبت هلكت

انا حاطه خدامتين

وحده لليهال ووحده للشغل وماعندي يهال كلهم مدارس مو علشان النفس الخايسه لا علشان ارتاح

يعني بالله عليكم احد فيكم يتمنى ان طفله عصبي بس هذي اطباع والطق والزف مو علاج ابدا

انا اخاف باجر تهدد بنتي ع النازله والصاعده وتخلي ابوها يطقها بسببها ومالله حادني

والله تعبت وماادري شسوي !!

 

[بنت العجمان السنافية]

على فكره كانت عندي خدامه وماكانت بنتي تعصب بدرجة هالخدامه

بنتي ينرفزها حركة الخدامه الي تطنش وماتسمع صوتها واهيا تنادي وتصرخ وكأنها مو موجوده


ba6bo6a1

انا قاعد احاول اوازن بس قلبي ناغزني من ام نفيسه اذا تركت البيت بموضوع طاريء دايم تأففف

 

[معكرونه أسبكتى يم يم]

بنت العجمان لاتزعلين من كلامى.......بس الخدامه بشر حالها من حالنا وترانا محاسبين عليهم .....

بنتج مهى صغيره بسم الله عليها 9 سنين موياهل ماتفهم الكلام .... كلميها قولى ماما ذولى ناس هدو بيوتهم عشان يقدرون يربون عيالهم فقاره حرام المفروض نحترمهم ......

وبعدين لازم بنتج تفهم انها لازم تحترم الناس والا ترى بتوهقين لادخلت في فتره المراهقه ......9 سنين موياهل ماتفهم لاء تفهم ولازم يصير عليها كنترول ........ وانتى امها ولازم اتربينها عشان تخلقين منها انسانه شخصيتها حلوه لاكبرت

 

[سنفــــور كســــول]

حبيبتي رجلج مايعرف الخدم مثلج

انتي قوليله بردها وانا افهم اكثر منك << بس باسلوب سنع مو مثلي

ورديها جيبي غيرها

وتنحل ان شاء الله

محوله




الله يوفقج حبيبتي

 

[sara bent elkuwait]

عموما الطفلة ما صات عصبية الا عشان ظروف يمكن مرت فيها ابحثى عن هالظروف وحاولى تعالجينها 0ومنية لحد ما تعالجينها ترى هم الخدامة لها نفس ورغبات ويمكن ما تتحمل ان بنت صغيرة تعصب عليها 00عموما غريبة ان الابو يطق عشان الخدامة يعنى هل الخدامة تحرشة عليها او تشتكى لة او هو يشوف بعينة 000 بس على المدى البعيد اذا استمرت البنت بالاعصاب هذى ولا فهمتوا اشفيها راح تزيد حالتها حراااااااااااااام ابوها يطقها ليش ما يقعد معاها ويسمع لها ترى البنت تحسب حساب ابوها وتبية يكون صديقها

 

[كل الحب]

حبيبتى بنتج أهم من الخدامة ترى الخدم لا يقولولج بشر أنا مر على أشكال وجنسيات مافى قلبهم رحمة لو تسوين فيهم طيب مايبين بعيونهم أقلعى الخدامة اليوم قبل باجر وريحى قلبج واللة يهدى بنتج أدعيلها أنا عندى ولد نفس بنتج ويعصب زيادة أذا ما ردت علية الخدامة وهم نحيسات يعاندونة ما درى شيصير فيها أذا عطتة اللى يبى وخلتة يروح واللة يعينج يا قلبى واللة حاسة فيج

 

[nice-girl]

حبيبتي لازم تعلمين بنتج انه تحترم الخدامه مثل ما تحترمج لانه الخدامه رووووح مو زين باجر الحين اسم الله عليها عمرها 9 سنين لازم تعودينها تحترم الصغير قبل الكبير والغريب والقريب
واذا ريلج طق بنتج عشان الخدامه قوليله لا يقوي شوووكت الخدامه

 

[sereen]

شوفى عمرى انتى ذكرتى شغله وهذى وايد موجودة فى البيوت الكويتيه اللى هى تطرش الشغاله على الكبيرة والصغيرة .
خلى بنتج اهى اللى تقوم اتييب شغلها بنفسها صح فى شغالات عادى يتحملون وفى لا والله ماترضى وتنقهر على نفسها

وعشان لا يصير البيت فيه صراخ وعصبيه ركبى انتركم عشان تنادون الشغاله . اذا انتى مانتى شايفة ان بنتج عندها امور ثانيه مسببه عصبيتها بس انتى قلتى انها بس مع هالشغاله فان اتوقع ان بسبب التطرش صارت تعاند الشغاله وماتبى تعطيها ويه . مثل ماقتلج كلمى البنت انا بنتى عمرها 9 والله يفهمون ماعلامهم شى بالعكس راح تفيدين بنتج عشان تعرف تتعامل مع اللى اقل منها.

الله يسرلج امر ج عمرى وان شا ءالله ماعليج شر

 

[حبووبة 76]

بصراحة الموضوع محير بس حاولي توازنين بين الخادمة و بنتج

 

[كندية]

اناا اقووول كلمي بنتج بنتج مو ياااهل عمرهااا 9 سنين يعني تفهم...وكلمة والله حااولت معااها وماافي فايدة هذا مو عذر....عيل اذا صاار عمرهاااا 14 شنو بتسوي ؟؟؟؟

مهما كاااان الخدااامه ماااراح تتحمل اعصاااب بنتج...وكل ماااراح تيبين خدااامه بصيير نفس الشيء....

 

[om deaj]

حبوبة صج شي يبط الجبد اكره ماعندي ريال يتدخل بالخدامة؟؟ وشغلها
انت شكو
لا تزعلين مني بس بالاول بنتج يبيلج تعرضينها على طبيب نفسي اذا بهالعمر تعصب عيل باجر من تشوف الدنيا وبلاويها شيصير فيها>> الله يكون بعونها وبعونج يارب
لاتزعلين مني

 

[كويتيه_غاويه]

حبوبه

انتي مثل اختي ... وعندي جم نقطه يا ليت تتقبلينها بصدر رحب فديتج


1- انتي قاعده تواجهين مشكله خطيره .. وآثارها راح تطلع عليج بعدين مو الحين !!! .... بنتج عمرها 9 سنوات .. ومو قادره عليها ... اذا صارت بسن المراهقه شنو راح تسوين ؟!!!!!!!!


2- ابحثي عن الاشياء اللي تخلي بنتج تعصب ... وعالجيها ... !!


3- إذا كنتي انتي عصبيه .. وتعالجين أمورج بصراخ واعصاب ... فهذا الشي يؤثر على البنت ويخليها تعالج الأمور مثلج (وهالشي حصل لي مع بنتي شخصياً .. كنت لما اصرخ عليها .. كانت ترد علي بصراخ .. والناس لاحظوا هالشي ونبهوني .. ومن بعدها الحمدلله الأمور هدت بشكل عجيب)


4- افصلي علاقتج مع عيالج والخدم .. عن علاقتج مع زوجج ... الرجال ماله ذنب .. اكسبيه في صفج .. عشان يعينج على الاثنين .. ما يكون ضدج !!


5- الخدامه تظل خدامه .. وبدل الوحده ألف ... بس بنتج ماتقدرين تغيرينها .. هذا غير انج المسؤوله الأولى والأخيره عن تربيتها ... سوي كنترول عليها من الحين عشان تكسبينها باجر اذا كبرت .


6- .. هذا رقم مركز الاستماااااع ... ممتاااااااااااااااااااز جداً .. فادني في أمور كثيرة وحل مشاكل كثيره .. ناس ثقه وترتاحين لهم وايد ... بصراحه ساعدوني وايد .. وخلوني احط ايدي على المشكله وشلون احلها .. هذا رقمهم 804447 من الساعه 4 العصر الى الساعه 8 أو 7 ماني متأكده !


7 - .. هذي نقطه مهمه جدا ...... الدعااااااااااااااااااااااااااااء .... ادعي بالهداية لبنتج وزوجج ... وادعي انه الله يوفقج باختيار الخدم.


اتمنى لج التوفيق ياقلبي

​

 

[حناينq8]

حبيبتي الله يخلي لج بنتج

بس نصيحه ولا تزعلين مني


اذا بتنطرين الخدامه تمتص غضب بنتج عيل يا مالج بهالخدم بتوديين وتيبين

احسن شي انج تشوفين لج دبره مع طبع بنتج

لاتنسين ان هالبنت وراها زواج

فمو معقوله بتقولين حق الريل باجر ترا بنتي عصبيه والله ترا بينفر من اول يوم


كلميها قعدي وياها وحاولي انها تترك هالطبع باسرع وقت


تحياتي لج

 

[جوك احلى جو]

الله يعينج بس بنتج لازم شوي تتصلح مايصير جذي اذا ماقدرتي عليها واهي صغيره باجر تفشلج جدام الناس شنو عصبيه ومادري شنو لازم تحترم غيرها وتعاليلها من ناحيه دينيه انها تحترم الخدم حرام جذي ترا

 

[كويتيه مذهله 87]

احسن حل انج تودين الخدامه المكتب مدام مو مرتاحه معاها...