كل ما طلعت مع ريلي لازم نتهاوش

[Om Khaloody]

السلام عليكم بنات كيف الحال ان شاء الله بخير

انا كل ما طلعت مشواار مع ريلي لازم نتهااوش او رد زعلانه عااد مو من كثر طلعااتنا ,, ريلي عصبي مع اني اعرف اتصرف مع عصبيته واسولف واضحك معاه واحاول كثر ما اقدر اتحاشا عصبيته بس سبحااان الله لازم يطلع منه شيء يزعلني ويخليني اطخ واذا شافني طااخه يقولي اشفيج اقوله مافي شيء دايخه تعباانه من المشي او اليوم مانمت الظهر ودايخه ما اقوله هذا التصرف زعلني ويقعد يحلفني لين اقوله تصرفك الفلاني زعلني اهنيء يعصب ويسب وارد البيت ودمعتي على خدي ,, مع اني حالفه ما اطلع مع ريلي بس ساعات مضطره يكون مشوارنا مع بعض

 

[M!sS_D!oR]

حاولي تعالجين الامور
كلميه حاولي تفهمينه ان يخفف عصبيته شوي عليج ويطول باله ترا الريال يحب اللى تفهمه ولو انه فاهم
الله يهديه ويسخره لج

 

[مرت راعي التاكسي]

سبحان الله

كانك تتكلمين عن حالتي صج صج تعبت

 

[قطوه شريره]

قعدوا مع بعض وتفاهموا حاولي تقنعينه وانتو طالعين مع بعض لازم كلشي ينقط ورا ظهوركم
ولازم تغيرين هالشي عشان لايكون عذره اذا طلع بروحه ومايخذج معاه

 

[مملكة الحب12]

حسب الموضوع يمكن اهو شايف هالموضوع تافهة ويحس انج تزعلين على اي شي تافهه عشان جذي يعصب حبيبتي حاولي انج تعالجين امورج

 

[الزيييين]

رد : كل ما طلعت مع ريلي لازم نتهاوش

وييه ياقلبى ذكرتينى باللذى مضى سبحان الله طليقى كل ماكنت اطلع معاه مكان لااازم يبجينى :eh_s(11): كان واايد عصبى وانا حسااسه زياده عن اللزوم دموعى اربع اربع ما اتحمل
تبين نصيحتى طوفى حبيبتى انا ماوقفوا دموعى الا عقب ماقمت اطنش الزواج يبيله صبر ولاتقولين انا زعلت كذا بسبب كذا ترى الرياييل مايحبون احد يواجههم باخطائهم حتى لو يدروون انهم غلطانيين اذا قال اشفيج قولى مافينى شئ او ضايق خلقى من شغله بالدوام او اى شئ او لاتبينين له انج زعلتى ابرك جذى تختصرين وايد زعل ومشاااكل
الله يعيينج حبيبتى ويتمم عليكم بخير

 

[غالية زمانها]

قبل لاتطلعين كلميه أنكم بتغيرون جووو وتستانسون وشوفي ينفع

 

[om MaRyooM]

رد : كل ما طلعت مع ريلي لازم نتهاوش

اول فترات زواجي كنا جذي .. لحد مافهمت نوع ريلي

حبوبة اغلب او كلللل الرياييل مايحبون تقوليلهم ترى الفعل الفلاني زعلني !! مايسمح لنفسه يسمع هالكلام مادري ليش فيعصب ويتهاوش وتخترب الطلعة


اذا شي زعلج طنشي اذا موجاايد .. واستانسي بالطلعة معاه ولايهمج شي .. اذا رديتو البيت وكنتو مستانسين او حتى اي يوم ثااني قوليله احب انك تهتم بمشاعري مثلا او احب انك كذا وكذا .. يعني لاتقوليله كلمة ماأحب تزعلني او ظايقتني او جرحتني !
الاسلوب يختلف وبتلاقين ردة الفعل تختلف

هالطريقة قريتها مرة بكتاب وفعلا نفعت

وقبل لاتطلعون اقري المحصنات وتعوذي من ابليس..ترا والله احيانا العين لها دور
خبرج البنات من يشوفون واحد مع زوجته يطبون فيهم حش ويعطونكم ذيك العين اللي تردج البيت والدمعة على خدج على قولتج

 

[متى تفرج بس]

رد : كل ما طلعت مع ريلي لازم نتهاوش

نفس حالتي مع خطيبي
يقعد يلح يلح علي اشفيج زعلانه وانا اقوله مافيني شي ليييييين مايحن علي وتلوع جبدي واقوله وتكبر السالفه بعدين
الله يعينا

 

[لمسه حزن]

رد : كل ما طلعت مع ريلي لازم نتهاوش

مادري ليش

بعض الازواج يدورون النكد دوااره

بالطلعات

حاولي تتجنبين الزعل

وقت الطلعه

وكوني ريلاكس قد ماتقدرين حتى لو سوى شي

ينرفز طنشي

عشانج انتي مو عشانه

وبالتوفيق

 

[engnera]

عندنا وعندج خير

 

[جـــواهر]

لاطلعتو تحاشي الحجي الزايد معاه عشان ماتدخلين بجو الجدال والهواش
واذا عندج ولد ولا بنت اخذيهم معاج عشان طول الطريق تقزرينها عليه
انا جذي ترا زوجي الطلعه معااااااه مرض يقعد يحد السيارات ويتجاوزهم جنه عنده
حاله طارئه ويقعد لعن فلان وعلان ويقعد ينكد علي الطلعه ... انا اخذ ولدي معانا واقعد اسولف مع ولدي
يقعد يسوي حركات واضحك عليه ...
امن زوجي لااااتعليق

 

[Om Khaloody]

رد : كل ما طلعت مع ريلي لازم نتهاوش


مشكوريين على الردود ويعطيكم العاافيه والله قاعده اقرا الردودكم اكثر من مره ومشكوره حق كل وحده دعتلي

 

[مشتاقه لك يبا]

رد : كل ما طلعت مع ريلي لازم نتهاوش

الله يهدييكم حق بعض

 

[Om Khaloody]

رد : رد: كل ما طلعت مع ريلي لازم نتهاوش

لاطلعتو تحاشي الحجي الزايد معاه عشان ماتدخلين بجو الجدال والهواش
واذا عندج ولد ولا بنت اخذيهم معاج عشان طول الطريق تقزرينها عليه
انا جذي ترا زوجي الطلعه معااااااه مرض يقعد يحد السيارات ويتجاوزهم جنه عنده
حاله طارئه ويقعد لعن فلان وعلان ويقعد ينكد علي الطلعه ... انا اخذ ولدي معانا واقعد اسولف مع ولدي
يقعد يسوي حركات واضحك عليه ...
امن زوجي لااااتعليق

جوااهر والله جنج تتكلمين عن ريلي ,, نفس الطريقه ,, الله يسخره لج ياارب ويخليه مثل مانتي اتحبين

 

[قلبي سلومي]

رد : كل ما طلعت مع ريلي لازم نتهاوش

غيرج العن الحمدلله عى كل حال
طوفي وانا اختج وحاولي تتفاهمين معاه

 

[Om Khaloody]

رد : رد: كل ما طلعت مع ريلي لازم نتهاوش

لاطلعتو تحاشي الحجي الزايد معاه عشان ماتدخلين بجو الجدال والهواش
واذا عندج ولد ولا بنت اخذيهم معاج عشان طول الطريق تقزرينها عليه
انا جذي ترا زوجي الطلعه معااااااه مرض يقعد يحد السيارات ويتجاوزهم جنه عنده
حاله طارئه ويقعد لعن فلان وعلان ويقعد ينكد علي الطلعه ... انا اخذ ولدي معانا واقعد اسولف مع ولدي
يقعد يسوي حركات واضحك عليه ...
امن زوجي لااااتعليق

جوااهر والله جنج تتكلمين عن ريلي ,, نفس الطريقه ,, الله يسخره لج ياارب ويخليه مثل مانتي اتحبين

 

[fdeet_shosho]

اغلبهم يسوى هالحركات عشان مايطلع مرته وعشان تملين وماتقوليله ودنى او طلعنى
انتى اذا طلعتى عيشي لحظتج واستانسي لاتخلينه ينكد عليج
انا مرات جذي مهما يسوى احط ببالى ان هذي طلعتى لازم استانس ماخلى شي يزعلنى او يكدرنى يقول اللى يبيه المهم استانس واغير جو

 

[انصاريه قمره]

انا جذي عمري ما طلعت ما تناجر معااي مشالله بالبيت ما يلاحظ اني حاطه ماسكرا وكحل ملاحظاته ما تقوى الا بالسوووق وتبدا النجره

 

[Om Khaloody]

رد : كل ما طلعت مع ريلي لازم نتهاوش


الطلعه ما كانت تمشيه لي ,, الطعله كانت للوازم اليهال بس ماكنت ماخذه اعيالي علشان مايزعجوني ويزعجون ابوهم