كل طراق بتعلومـــة ..^^ حياكم

[هويت وانتهيت !]

سلآم عليكم ورحمة الله وبركآته ~




اكيد مر عليج هالمثل " كل طراق بتعلومه " صح !

وانا احب هالمثل ,, مو يعني طراق بمعنى كف ..

تهفين لج واحد بطراق لاء ,, يقصد بالمثل "لا نجاح بلا كفاح "..

ادري انكم فاهمين المثل .. بس لانه انا لما قريته فهمته جذي لوولز < ذكاء

المهم ..^^

اكيد البعض لما كافح واجتهد لين وصل اللي يبيه واهو " النجاح "

سواء النجاح بالحياة العمليه او العلميه .. < جني عكست !

وان الحياه تجاارب .. ومرت عليج تجارب وايد ..

شنو استفدتي من حياتج ..,؟ او شنو تعلمتي من حياتج بعد الكفاح :eh_s(15):

عجبني السؤال للعضو :Di^Canio << بأحد المنتديات :eh_s(17):

كيف تتم الاستفادة من ( الطراق ) في الحياة ؟

واذا عندج موقف هيك يآليت تكتبينه .. نبي انتناقش :/

وشكرآ ~

 

[شادن33]

هويت وانتهيت ذكرتيني بطراق ابله الرياضيات واااااي لي الحين اذكره

هفتني طراااااق على ويهي نسيت منو انا كنت مااعرف فئات المئات والالوف ههههه ويعه

بس اتصدقين عقب هل الطراااااق صرت من المتفوقااات يحليلي ونفس الابله كله تعطيني جوائز معتبره

الحمدلله فاد الطراااق ولا طلع على فشوووش

 

[تحت ظلك]

أحيانا تمر فينا مواقف صعبة والله مو تعلم أكثر من تدمر

يعني مو شرط كل طراق يقدمنا قدام!

مشكوره ,,

 

[روحين في رـوح]

انا تعلمت بالحياه من دؤؤن المواقف الصعبه و العزاب والطراق مو الكفوف انا الكفوف بالنسبه الي بعتبرها اهانهـ

الطراق هي المصاعب الي بتواجهنا بالحياه مافي نحجاح من دؤؤن تعب وجهد
ومافي طراق الكف من دوؤؤن فشل خخخخ

هادا رئيي



قبل ما اسكر بدي منكم الفاتحه عرسـآن فلسـيطن شهدائنا الي سوف تحضنهم فلسطين بعد غياب عدهـ سنوآت

 

[بنت النوخذا]

هلا بالغاليه
يقصد بالمثل "لا نجاح بلا كفاح "..

بس الكفاح غير عن الطراقات ......
بالكويتي نقول ...... الدنيــا مصوفعته
يعني واكل الف مليون طـــــــراق

موضوعج وايدددددد حلو ومميز ..... عفيه عليج

الله يسلمج اذا هالانسان شاطر
فانه يستفيد من اول طـــــــــــــــــــــراق
و اذا هالانسان الله بالخير ياماله من الطراقات

واهم طراق استفدت منه بحياتي

(( تــــــــــــــــوبه اني اسلــــــــــــف احد ))

ههههههههههههههههههههههه

 

[هويت وانتهيت !]

هويت وانتهيت ذكرتيني بطراق ابله الرياضيات واااااي لي الحين اذكره

هفتني طراااااق على ويهي نسيت منو انا كنت مااعرف فئات المئات والالوف ههههه ويعه

بس اتصدقين عقب هل الطراااااق صرت من المتفوقااات يحليلي ونفس الابله كله تعطيني جوائز معتبره

الحمدلله فاد الطراااق ولا طلع على فشوووش

ويي بس المفروض مو اهي تعطيج طراق امج ابوج اي بس المعلمه مايصير
تدرين لو مشتكيه عليها بترووح وططي خخخ
تسويلج ايي شي تخوفج اي شي اللا الطراق لو انا منج ما اسكت < ماتسكت عن حقها لوولز

ماشاءالله تبارك الله ان شاءالله دوم من تفوقات

أحيانا تمر فينا مواقف صعبة والله مو تعلم أكثر من تدمر

يعني مو شرط كل طراق يقدمنا قدام!

مشكوره ,,

صح كلامج انا معاج بهنقطه مو شرط طراق يقدمنا ونصحى مرات يعقد الانسان
خصوصا الطفل خصوصا المعلمه مايحق لها تعطيه طراق ,, حتى الاهل بس خو
عيالنا متعودين كل يوم يجينا رااششدي لوووووووووووول ..,

العفوو حبيبتي انا اشكرج ع المشاركه بالموضوع :eh_s(7):

انا تعلمت بالحياه من دؤؤن المواقف الصعبه و العزاب والطراق مو الكفوف انا الكفوف بالنسبه الي بعتبرها اهانهـ

الطراق هي المصاعب الي بتواجهنا بالحياه مافي نحجاح من دؤؤن تعب وجهد
ومافي طراق الكف من دوؤؤن فشل خخخخ

هادا رئيي

قبل ما اسكر بدي منكم الفاتحه عرسـآن فلسـيطن شهدائنا الي سوف تحضنهم فلسطين بعد غياب عدهـ سنوآت

كلامج عين العقل .. بس انا ضد شي اسمه طراق كف انواع الهفات < لووول حلوه الهفات
تجيب العقده ويحس مايقدر يسيطر على نفسه من هفت هالطراق خصوصا الطفل
ماينطق بس عيالنا عيال الجيل هذا يبيلهم ترفسهم لووووول لا اتغشمر خخ

الله يحرم شعب فلسطين ونلتقي ان شاءالله بالجنه
منوووره الموضوع .^^

 

[هويت وانتهيت !]

هلا بالغاليه
يقصد بالمثل "لا نجاح بلا كفاح "..

بس الكفاح غير عن الطراقات ......
بالكويتي نقول ...... الدنيــا مصوفعته
يعني واكل الف مليون طـــــــراق

هلا فيج ي قلبي .^^

ههه صح كفاح غير عن طراقات بس انا اللي فهمته
من المثل .. ان اذا جاه طرااق وصحاه بيكافح علشان ينجح
< وطبعا عن ضد هذا شي الطق عمره ما يصحي الشخص
اللا اذا كان غلطان .. مثلا ماكان يدرس ومهمل ومايحفظ
نفس اختي العضوه شادن < لوووول اتغشمر معاج حبيبتي
بيجيه هذاك الراشدي علشان يستوعب ويصحيه بس مو من المعلمه
المفروض من ولي الامر ,, المعلمه مو بكيفها تصفق الولد او البنت
انتي جايه تأسسينه وتعلمينه بس تخوفينه وتستدعين ولي امره
علشان يخاااف ويرتبك من امه او ابوه علشان ماتصفقه خخ
مو تصفقه المعلمه او المعلم !!
عن نفسي ما اسكت لو شنو هذا حقي الصراحه
انا الحمدلله من اولى ابتدائي انا مأسسه نفسي لا امي ولا ابوي
بس كانو يعطوني نصايح الله يخليهم لي ..
موضوعج وايدددددد حلو ومميز ..... عفيه عليج

زاد حلاتها بمشاركتج غلاتي اشكرج ع تقيمج للموضوع .^^
الله يسلمج اذا هالانسان شاطر
فانه يستفيد من اول طـــــــــــــــــــــراق
و اذا هالانسان الله بالخير ياماله من الطراقات

واهم طراق استفدت منه بحياتي

(( تــــــــــــــــوبه اني اسلــــــــــــف احد ))

ههههههههههههههههههههههه

هههه .. مادري حتى لو كان شاطر يعني ذكي يستوعب بين الخطا وصح
اهو يصحح نفسه اهو يصفق نفسه طراق << لووول تخيلي
يعني محد يعطيه طراق ..
اما المهمل : هذا شي ثاني يبيله طراقات وترفس وحذف نعال على وييها < خخخخخ

هههههه ايي لا تسلفين اللا اللي يستاهل بس خخخخ <
اشكرج على المشاركه ومنووره الموضوع

 

[عادت ذكرياتي]

كل طراق بتعلومة ///


آنا أفسره بالمواقف الصعبة اللي يمر فيها الإنسان وتطيح فيها اقنعة اللي حوله أو يكتشف فيهم صفات ما كان متوقعها وينقرص منهم تالي يعرف إن الطيب ما ينفع مع كل الناس ^_^

 

[~*~الملكة~*~]

الطراق اللي تعلمته ثقتي بالناس وتعاملي معاهم بحدود

ومافي احد يكون صديق لج ويخاف عليج كثر امج واختج

 

[الزورق222]

مافيه نجاح بدون فشل ..

 

[تبسم لمغليك]

معاك *عادت ذكرياتي*

 

[نجداويه نجد]

~

موضوع طيب الله يسعدك ..

كيف تتم الاستفادة من ( الطراق ) في الحياة ؟

بقولها لتس بالهجتي النجديه يعني تّوقعّيّ قبل لاتّفّقعّيّ ,,!!<< يبغلها شرح بخليها كذا مُبهمه

 

[قمر بيت أبوها]

تعلمت اني ماانتظر احد يساعدني اني اقف بعد سقوطي زي ماانا كنت اركض واساعدهم
وتعلمت اني اضحك لو بكره باموت عشان ماافرح العذال علي
وتعلمت اني لازم اتخذ قرارات سريعه عشان ماقضي سنوات وانصدم باشياء ماجت علي الخاطر
وتعلمت اعطي اللي احبهم طراقات مو لاني اكرهم بالعكس لاني ابي ادربهم علي ردود الفعل السريعه
واحلي طراق اخذته بالحياه لما كنت اعاني واصيح واقرب الناس لي يرقص من كثر السعاده
وياحلوا الطراقات اللي لو ماذقناها ماصحينا من اللي كنا فيه

 

[أبلة فاتن]

انا تعلمت ولكن بعد التعلم حاشني احباط موطبيعي حاليا احس تساوت عندي كل الامور ما عاد يهمني شيء امر بمرحله

حرجه صراحه ودي ارجع بشخصيتي القوية مثل اول بس مو قادره استغفرالله ياربي

 

[ملوكـه]

تعلمت اني مااعطي احد اكبر من حجمه

 

[فكرة]

يااني أكلت طراقات من ابوي .. وصج كل طراق بتعلومة ..
طراق علمني ان الحب بممارسات خاطئة مع الجنس الآخر حرام ( طاح علي وانا اكتب رسالة حب لولد والعياذ بالله ايام ابتدائي )

طراق ان المزح الثقيل غير مقبول :eh_s(11): بس هنا مااستحق طراق صراحة .. الله يسامحك يابابا


بس وباقي الطراقات الصجية ماعلمتني شي لانها ظلم وعدوان .. اما طراقات الحياة فهي ارقى وتعليمها ايضاً اسمى ..

آخر طراق .. تعلمت فيه يقيناً ان لاحول ولاقوة الا بالله العلي العظيم ..

 

[JANAA]

بكل يوم يمر علينا طراق والطراق معناه صفعات الحياه التي تعملنا لما كنا عند اهلنا كانت طراقتنا هينه ومن الاهل لكن الحين طراقات الحياة اكبر مدرسة للتعليم ومن دونها لا نتعلم .

من الطراقات الي تعلمتها طيبة القلب والمساعده مع ناس لا تستحق ذلك

 

[بنات حواء2]

موضوعج حلو
تعلمت ان للمعروف اهله كما قال الامام علي عليه السلام
بمعنى مو كل الناس تستاهل الطيب
و يسلمو يالغاليه

 

[شوق الوليف]

اكتشفت ان محد يدوم لاحد

 

[Besho Al S]

هويت وانتهيت ذكرتيني بطراق ابله الرياضيات واااااي لي الحين اذكره

هفتني طراااااق على ويهي نسيت منو انا كنت مااعرف فئات المئات والالوف ههههه ويعه

بس اتصدقين عقب هل الطراااااق صرت من المتفوقااات يحليلي ونفس الابله كله تعطيني جوائز معتبره

الحمدلله فاد الطراااق ولا طلع على فشوووش

الله يهديها ليش تعطيك كفوف ، انتي وش سويتي !!
كيف استحملتي خدك ما اتورم ؟؟ خدك ما صار احمر ؟؟ هل اثر اصابع الكف اترسم على خدك ؟؟