كل صيقاتي واغلب اهلي يقول شلون متحمله ؟؟

[tooooma]

يعطيكم العافيه انا منفصله تقريبا من ثلاث سنوااات وقبل فتره صار عندنا عرس احد اهلنا

وشفت صديقاتي بالعرس كانو من المدعوويين وتكلمنا شوي عن حياتنا الشخصيه

وقتلهم اني انفصلت ومن خلال الكلام يابت رفيجتي طااري الــ شيسمونه وجان اتقولي امبيييه

شلون متحمله بعد ما كنتي متعوده قتلها الزواج مو بس هالشي جاااان اتقولي اهي مع رفيجتي الثانية

انا اذا مو يومي معاه ولا بعد جم مره ولا اتحسن في شي ناقص فمادري انا احس اني انصدمت

يعني هل انا غير عن الناس ولا فعلا في حريم مايقدرون على هالشي

 

[بتبوتااا]

حياتي كل وحده غير عن الثانيه

يعني عمرج شفتي الناس كلها طيبه؟ او العكس؟ اكيد لا جذي الاطباع والشخصيه تختلف من شخص لأخر

في تتحمل وفي لا وفي عالتعود ياقلبي وفي عادي عندهم وفي لاا

 

[G!RLooNa]

عندي سؤال برا الموضوع شنو الاعلان السخيف اللي يطلع بنص المواضيع :| شسالفته هذا و لا بس يطلع عندي

 

[shak!shoka]

اتوقع انهم بالغوا لانج منفصله !!

واذا قلنالج مثلا انتي مو طبيعيه ولازم هالشي يومي ، شبتسوين يعني ؟؟

ما عليج منهم
حركات حرييييييم مصلعه ؛)*

 

[Môre N!Ce]

عندي سؤال برا الموضوع شنو الاعلان السخيف اللي يطلع بنص المواضيع :| شسالفته هذا و لا بس يطلع عندي

^

بالضبط .. قاهرني ومن اسبوع يطلع

----

مع راي الأخت بتبوتاا

 

[ام الدرر]

شدعوة واذا سافروا ريايلهم ولا غابوا فترة شيسووون
حبوبة ما عليج منهم
المرة بطبيعتها صبورة وتتاقلم مع كل الاحوال
عسى الله يعوض صبرج خير ويكتب لج النصيب مع اللي يحبج ويخاف الله فيج ​

 

[*peace*]

خبال وعيارة حريم وشافت منفصله زادت عيار التشلخ شكلها !!!

 

[شموسة كيوت]

ماعليك منها هذة ماعندها سالفه بدل ماتصبرك وتقولك ربي يعوضك تقول هذا الكلام <<انقهرت منها

 

[ام كوثر2007]

والله انا مع ام الدرر ..

يعني الوحده لهدرجه ما تقدر تقضب نفسها .. خو قلنا غريزه بس مو لهدرجه ..

عيل صج لا باجر سافر ريلها لظروف مثلا وقعد ثلاث اشهر اربع شبتغبر بعمرها؟


حبيبتي ما عندهم سالفه هذيل شافوج مطلقه وحبوا يوصفوون لج الحياه الجنسيه اليوميه ..

وتقولج جم مره باليوم .. اقص ايدي .. منو هالريال الفحل اللى يسويها .. خصوصا اذا صار لها فتره متزوجه ..


ووين الوقت اصلا . لوووووول


ما عليج يا قلبي خليج واثقه من نفسج ,, وان شاءالله ربي يعوضج بالريال اللى يترس عليج حياتج ..

 

[قلب حنان]

ههههههه اشكرااا عياااره ماعليج منها يمكن تغاار منج او شي

 

[القصيدة]

السلام عليكم و رحمة الله و بركاته

لا حياتي أنتي طبيعية جداً

لكن كيف يسألون ليش متحملة ؟! عجيب و الله ..! يعني يبغونك تعيشين مع شخص ما بينكم اتفاق و تفاهم بس كرمال الجنس !

أو تترجين شخص طلقك انو ترجعين له بس كرمال الجنس !!

من جد فيه حريم عندهم هالغريزة توصل لدرجة الهوس تلاقين حتى سوالفهم كلها تدور حول هالموضوع

و طول الوقت تستعرض علاقتها بزوجها و بالتفصيل مرة بشكل شكوى و مرة بشكل نكتة

و الرسول صلى الله عليه و سلم يقول : إن من شر الناس منـزلة عند الله يوم القيامة، الرجل يفضي إلى المرأة وتفضي إليه ثم ينشر سِرَّها

لا يهمونك غلاتي .. الله يوفقك و يعوضك خير :eh_s(17):

​

 

[LadY BuG 80]

نذالت حريييييييييييييييييييييييييييييييييييييييييييييييييييييييييييييييييييييييييييم لعلمك العازبه تفكر في الجنس اكثر من المتزوجه او المطلقه لانه عالم ما تعرفه

لاكن الي جربت خلاص تعرف البير و غطاه .. على الاقل انا اتكلم عن نفسي صراحه

ذكرتيني بحماتي يوم كان بيسافر زوجي ( لانه يشتغل في منطقت ثانيه ) و زوجها عااااااااااطل عن العمل بس انا احترمه اخو زوجي طيب

المهم انه اخر ليله قبل اسفر قالت لي الله يعينك لو انا ولله امووووت لو يسافر فلان ولله ما اخليه حتى لو ياخذ راتب وزير ما اتحمل الفرقا انا على نياتي عبالي تواسيني ردت عليها اخت رجاجيلنا قالت لها خراطه يا فلانه ولله ودك يسافر اليوم قبل بكره و يعطيكي مصروف مثل باقي الحريم ... انا ما فهمت مراشقت الكلام كنت توني عروس ههههههههه

و الحين بعد 6 سنوات عرفت ايس تقصد ههههههههههه لا ذكيه

المهم و هذيلا نفس الاسلوووووب نذاله​

 

[أم ميميتو]

كلام فاضي شكلهم حبو يتشيحطون جدامج شدعوه عاد كل يوم حشى مكاين مو بشر

 

[HaWeK]

شدعوه عليهم ادمان جنس ! مرض هذا !!
ماعليج منهم

 

[ابي اصير ممثلة]

خخخخخخخخ عيل المو متزوجات نفسي شلون متحملين

 

[ناطرة]

قليلات ادب هذن ومن الحين سوي حقهن دليييييييييييييييييييييييييييييييت من حياتج ولا تتاثرين بكلامهن الحين تحصلين الوحدة فيهن تنام على ضرابة وتصحى على ضرابه

 

[مزيوونه حيل]

قليلات ادب وما يستحون .. وكلامهم غلط

 

[english muffin]

ماعليج منهم انتي انظف من جذي

 

[ماني من الناس]

حركات حريم الغيره وماتسوي يستانسون لين مسكوا شي ع وحده بس يبون يعيشون دور فقط


والجنس اكيد مو حلو مع زوج كنتي ماتحبينه وفرقاه عيد

والانسان عنده عقل يتحكم في نفسه واموره وهذا الفرق بينا وبين البهايم

هالمره لين ردوا عليج هالسالفه قوليلهم جي

وبالنسبه للاعلانات بنص الموضوع مو حلوه عالاقل يخلونها ببدايه او نهايه الموضوع
مزعجه جدن

 

[بنوته كيكه]

اختي ترا شكيت فيه البنات الي قالو لج سوال احس انه عقلهم صغير
ماعليج منهم قولي ربي مصبرني