كل شي قررب ماكو وقت! ابي مساعدتكم بليز !!

[Lulu Morales]

السلام عليكم بناات

بالبداية حبيت اقولكم اني عروسه يديده :eh_s(22): << احم احم :$

وحــــــــدي فوق ما تتصورون خايفه ومتوهقه جني اول وحده تتزوج !!!

قبل كنت اعيب عليهم ليش يخافون اللحين بصراحه مادري ليش يايني هالشعور انا بعد هههههه :eh_s(11):

طولت عليكم ادري ...

لكن انا ابي مسااااعدتكم بلييززز بكذا شغله ...

1- انا خذيت واحد من اهلنا ..
واحنا اهلنا مووو وايد من الصوبين بصرااحه ..
فـ السؤال يقول هل يسوى اسوي عرس واكلف ع الريااال؟
ولا اسوي حفلة ملجة بصالة بين اهلي ورفيجاتي وهييك يعني؟؟
شوروا علي الله يفتح عليييكم يااارب :yaaaaaarb:

وشلون طريقه حفلة الملجه؟؟ شنو البس فيها؟ ابيض ومع مسكه ولالا؟؟ ومصور وديجي؟؟؟ << جد مادري شالطبخه


2- جهاز العروس .. بعد الحفله انا مخططه اسافر مع زوجي
فـ هل اشتري جهازي كامل هني؟ ولا اخلي ميزانيه من المهر اشتري من براااا ؟؟ "بنروح اوروبا" :eh_s(9):


3- الحفله راح نسويها شهر 10 اللي يااااي هذا .. تخيلووو والله ماكو وقت :eh_s(16):
اهو الحلو ان شقتي زاهبه .. وانا ولله الحمد معتنيه بنفسي وجسمي من زمان << ملعونه كانت تدري

بس باقيلي ارووح اشتري جهازي وهالسوالف ..
وبصراااحه ريلي اهو العود وماكو عندهم نظام زواره وهالسوالف من صوب اهله ..
فــ هل اكثر بالدراريع والبدلات وجذي؟ ولا اخلي فلوسهم لشي ثاني مثلااا :bbbiu:
لان الزواره بتكون بس ببيت ابووي انا ...


ادري والله اسأله وااايد :eh_s(22):

بس جد ابي مساعدتكم لان مااا بقاااااا شي
احس ميته خووف
ولا عارفه اناااام :eh_s(11):

الله يفتح عليكم دنيا وآخره
:eh_s(17):

​

 

[مـهـــابــــه]

يا تسوين ملجه يا تسوين عرس وحده من الثنتين .. وانا اقول احسن شي تسوين عرس عشان ما تتحسفين بكره انج مالبستي ابيض و لا انزفيتي
و العرس مولازم تسوين حفله كبيره سووه محفوف ببيتكم و جيبي مصمم يضبط لج البيت ويحط كوشه صغيره و صوري مع اهلج و استانسي .. ع قولتهم هذا يوم العمر
ترى كل ماهان تبارك وعرس البيت مايكلف اذا كلش 1000 دينار
اما اللبس و التشري خذي شغلاتج الضروريه الحين و الباقي كمليه لاسافرتوا .. اما اللبس و الدراريع لا تبخلين ع عمرج انتي عروس حلاتج دايم ع سنقة عشره سواء عند زوجج او غيره
الله يوفقج حبيبتي

 

[عزوتي خمس صقور]

صج سوي العرس اهم لانه هدا حلم كل بنت بهالدنيا
وخلي من فلوس المهر عشان لرحتي اوربا تقضين
لعجبج شي لان هناك غالي كل شي وعشان ماتحرجين نفسج
ويه ريلج بروحه دفع دم قلبه على المهر والزواج والتكاليف والريال اكيد مديون

 

[7o0o0r]

اهلين
اكيد لازم تفصلين دراريع وبدل حق حمولتج اذا نزلتي لهم
واكيد بقولج سوي العرس اذا ماتبين اتكلفين عليه سويها في بيتكم
ومثل ماقالو خشي من جهازج للسفره بس مو تنقصين علي نفسج بشي
يعني اشترري كل شي خلصي كل شغلج بس بالمعقول
والله يوفقج ياقلبي ويهنيج

 

[M!SS.LOBY]

بالتووووفيق ان شاءالله

 

[<miss botamba>]

1- انا خذيت واحد من اهلنا ..
واحنا اهلنا مووو وايد من الصوبين بصرااحه ..
فـ السؤال يقول هل يسوى اسوي عرس واكلف ع الريااال؟
ولا اسوي حفلة ملجة بصالة بين اهلي ورفيجاتي وهييك يعني؟؟
شوروا علي الله يفتح عليييكم يااارب

وشلون طريقه حفلة الملجه؟؟ شنو البس فيها؟ ابيض ومع مسكه ولالا؟؟ ومصور وديجي؟؟؟ << جد مادري شالطبخه


اذا عددكم اقل من 150 مايسوا تسوين بصاله خليه بالبيت وسوي ملجه وعرس اذا بخاطرج

بس الملجه يستحب بس الاهل وماتحطين كوشه بس حطي بوكيهات ورد وتدخلين معاه وتلبسين بدله سهره وبدون مسكه وديجي عادي الي ب 10 ومصور عادي

والعرس لا حطي مدرجات وكوشه ومصور احسن من مال الملجه


2- جهاز العروس .. بعد الحفله انا مخططه اسافر مع زوجي
فـ هل اشتري جهازي كامل هني؟ ولا اخلي ميزانيه من المهر اشتري من براااا ؟؟ "بنروح اوروبا"

التجهيز لازم من الحين عالاقل 10 بدل مثلا وجم شغله ضروريه تكون مثلا مو موجوده عندج واذا بتسافرون على طول خلي مثلا الجناط الماركات والاكسسوارات الغاليه والساعات من بره بيطلع عليج ارخص مع التاكس فري

3- الحفله راح نسويها شهر 10 اللي يااااي هذا .. تخيلووو والله ماكو وقت
اهو الحلو ان شقتي زاهبه .. وانا ولله الحمد معتنيه بنفسي وجسمي من زمان << ملعونه كانت تدري


ان شاء الله يمدي اول يوم روحي اتفقي مع الكوشه والورد وهالسوالف واليوم الي بعده او يومين افتري على محلات النفانيف ويوم حق سوالف البوفيه والتقديم وبس تخلصين وروحي حق محلات معينه تكونين واثقه من شغلهم ومجربته مو تفترين عالفاضي لاا اختاري محلات معينه راح يمدي




بس باقيلي ارووح اشتري جهازي وهالسوالف ..
وبصراااحه ريلي اهو العود وماكو عندهم نظام زواره وهالسوالف من صوب اهله ..
فــ هل اكثر بالدراريع والبدلات وجذي؟ ولا اخلي فلوسهم لشي ثاني مثلااا
لان الزواره بتكون بس ببيت ابووي انا ...


وبعدين حتى لو اهوا العود لازم السنع يطلع منج ولازم يكون في زواره هذي صله رحم


النبي صلى الله عليه وسلم قال : (من أحب أن يبسط له في رزقه ويُنسأ له في أثره فليصل رحمه)


ويوم بالاسبوع مايضر بالعكس بتحببينهم فيج زياده ومولازم مثلا غدا والا عشا مريهم شربي جاي وطلعي عالاقل واهما اهلج قبل لا يصيرون حمولتج فلازم الوصل يكون موجود من زمان

 

[طيبة83]

فـ السؤال يقول هل يسوى اسوي عرس واكلف ع الريااال؟
ولا اسوي حفلة ملجة بصالة بين اهلي ورفيجاتي وهييك يعني؟؟

احلى شي الحفله الملمومة العرس الكبير ما وراه الا التعب والمخاسير بس اذا سويتي حفله ملمومة لبسي ثوب ابيض ومسكه ترا هذي ليله في العمر وبتندمييييييين واااااايد اذا ما لبستي فستان عرس


2- جهاز العروس .. بعد الحفله انا مخططه اسافر مع زوجي
فـ هل اشتري جهازي كامل هني؟ ولا اخلي ميزانيه من المهر اشتري من براااا ؟؟

لا تشترين من برا لان رفيجتي سوت مثلج ويوم سافرت طلع ريلها ما يحب السوق كلش وانا ريلي لما سافرت عادي يوديني بس يتملل ويتم مكشر ما قدر اتسوق اذا معاه


3- هل اكثر بالدراريع والبدلات وجذي؟ ولا اخلي فلوسهم لشي ثاني مثلااا
لان الزواره بتكون بس ببيت ابووي انا ...

انا الدراريع كلش ما لبسها الا في رمضان ومدام انتي شقه بروحج اش لج بالدراريع
بدعي بثياب البيت :eh_s(15):
شورتات نفانيف قصار طوال تنانيير واكسسوارات وكعوب
تلاقينهم بفوريفر وماكس ونيولوك رخاااص

واخذي بدل طلعه حق شهر العسل والزوارات انتي عروس والانظار بتكون عليج​

وبسرعه ابتدي جهزي ما بقالج شي

اي ولا تنسين تسويين ليزر ترا والله نعمه

 

[نبض السعاده]

سووي عرس في بيتكم احسن لج جهزي شغلج من الكويت

 

[Lulu Morales]

يا تسوين ملجه يا تسوين عرس وحده من الثنتين .. وانا اقول احسن شي تسوين عرس عشان ما تتحسفين بكره انج مالبستي ابيض و لا انزفيتي
و العرس مولازم تسوين حفله كبيره سووه محفوف ببيتكم و جيبي مصمم يضبط لج البيت ويحط كوشه صغيره و صوري مع اهلج و استانسي .. ع قولتهم هذا يوم العمر
ترى كل ماهان تبارك وعرس البيت مايكلف اذا كلش 1000 دينار
اما اللبس و التشري خذي شغلاتج الضروريه الحين و الباقي كمليه لاسافرتوا .. اما اللبس و الدراريع لا تبخلين ع عمرج انتي عروس حلاتج دايم ع سنقة عشره سواء عند زوجج او غيره
الله يوفقج حبيبتي

حبيبتي مشكوووره ع الرد الطيب :eh_s(17):
وان شاء الله بجهز عدل ومستحيل اقصر ع نفسي بشي
يعطيج العافيه يارب​

 

[Lulu Morales]

صج سوي العرس اهم لانه هدا حلم كل بنت بهالدنيا
وخلي من فلوس المهر عشان لرحتي اوربا تقضين
لعجبج شي لان هناك غالي كل شي وعشان ماتحرجين نفسج
ويه ريلج بروحه دفع دم قلبه على المهر والزواج والتكاليف والريال اكيد مديون

المشكله صالة الاستقبال ببيتنا ما تكفي
خلاص اتوقع راح اسويه بصالة ان شاء الله
والجهاز نصه من برااا
مشكووووره حبيبتي :eh_s(8):​

 

[Lulu Morales]

اهلين
اكيد لازم تفصلين دراريع وبدل حق حمولتج اذا نزلتي لهم
واكيد بقولج سوي العرس اذا ماتبين اتكلفين عليه سويها في بيتكم
ومثل ماقالو خشي من جهازج للسفره بس مو تنقصين علي نفسج بشي
يعني اشترري كل شي خلصي كل شغلج بس بالمعقول
والله يوفقج ياقلبي ويهنيج

ماكو حموله اختي اهو ماكو الا ريلي وامه واخوه الصغير
اذا بفصل راح افصل حق زوارات بيت ابوي
مشكووووره ياقلبي ماقصرتي الله يفتحها عليج :eh_s(7):​

 

[Lulu Morales]

بالتووووفيق ان شاءالله

حبيبتي اللهم آمين واجمعين ياااارب :yaaaaaarb:
​

 

[Lulu Morales]

1- انا خذيت واحد من اهلنا ..
واحنا اهلنا مووو وايد من الصوبين بصرااحه ..
فـ السؤال يقول هل يسوى اسوي عرس واكلف ع الريااال؟
ولا اسوي حفلة ملجة بصالة بين اهلي ورفيجاتي وهييك يعني؟؟
شوروا علي الله يفتح عليييكم يااارب

وشلون طريقه حفلة الملجه؟؟ شنو البس فيها؟ ابيض ومع مسكه ولالا؟؟ ومصور وديجي؟؟؟ << جد مادري شالطبخه


اذا عددكم اقل من 150 مايسوا تسوين بصاله خليه بالبيت وسوي ملجه وعرس اذا بخاطرج

بس الملجه يستحب بس الاهل وماتحطين كوشه بس حطي بوكيهات ورد وتدخلين معاه وتلبسين بدله سهره وبدون مسكه وديجي عادي الي ب 10 ومصور عادي

والعرس لا حطي مدرجات وكوشه ومصور احسن من مال الملجه


2- جهاز العروس .. بعد الحفله انا مخططه اسافر مع زوجي
فـ هل اشتري جهازي كامل هني؟ ولا اخلي ميزانيه من المهر اشتري من براااا ؟؟ "بنروح اوروبا"

التجهيز لازم من الحين عالاقل 10 بدل مثلا وجم شغله ضروريه تكون مثلا مو موجوده عندج واذا بتسافرون على طول خلي مثلا الجناط الماركات والاكسسوارات الغاليه والساعات من بره بيطلع عليج ارخص مع التاكس فري

3- الحفله راح نسويها شهر 10 اللي يااااي هذا .. تخيلووو والله ماكو وقت
اهو الحلو ان شقتي زاهبه .. وانا ولله الحمد معتنيه بنفسي وجسمي من زمان << ملعونه كانت تدري


ان شاء الله يمدي اول يوم روحي اتفقي مع الكوشه والورد وهالسوالف واليوم الي بعده او يومين افتري على محلات النفانيف ويوم حق سوالف البوفيه والتقديم وبس تخلصين وروحي حق محلات معينه تكونين واثقه من شغلهم ومجربته مو تفترين عالفاضي لاا اختاري محلات معينه راح يمدي




بس باقيلي ارووح اشتري جهازي وهالسوالف ..
وبصراااحه ريلي اهو العود وماكو عندهم نظام زواره وهالسوالف من صوب اهله ..
فــ هل اكثر بالدراريع والبدلات وجذي؟ ولا اخلي فلوسهم لشي ثاني مثلااا
لان الزواره بتكون بس ببيت ابووي انا ...


وبعدين حتى لو اهوا العود لازم السنع يطلع منج ولازم يكون في زواره هذي صله رحم


النبي صلى الله عليه وسلم قال : (من أحب أن يبسط له في رزقه ويُنسأ له في أثره فليصل رحمه)


ويوم بالاسبوع مايضر بالعكس بتحببينهم فيج زياده ومولازم مثلا غدا والا عشا مريهم شربي جاي وطلعي عالاقل واهما اهلج قبل لا يصيرون حمولتج فلازم الوصل يكون موجود من زمان

وااااااي يا عله مثواج الجنه ان شاء الله قوولي امين :eh_s(17):
مشكوووره حبيبتي وايد على هالرد الوافي
رديتي روحي ماقصرتي :eh_s(7):
ان شاء الله بسوي بنصايحج وكلامج
:eh_s(17):​

 

[Lulu Morales]

وبسرعه ابتدي جهزي ما بقالج شي

اي ولا تنسين تسويين ليزر ترا والله نعمه

اي ان شاء الله كلللل يوم انا قاعده ازهب شغله شغله
والليزر الحمدلله خلصته من زمااان
مشكووووووووره :eh_s(7):​

 

[Lulu Morales]

سووي عرس في بيتكم احسن لج جهزي شغلج من الكويت

المشكله ما يكفي ابيتنا
يمكن اشوف بيت احد من عمامي :bbbiu:
مشكووووره حياتي عالرد :eh_s(17):​

 

[<miss botamba>]

^^^

اي عادي سإلي اهلكم


احنا وايد من اهلنا والا ربعنا يسوون عند اهلهم اذا ماكو مكان بالبيت


بس في شغله اهيا مو ضروري تسوينها بس تكون ذوقاً



اذا مثلا في بيت عمج


بعد العرس حجزي لمرت عمج مساج وكتبي لها كلمه شكر وطرشوا لهم مثلا غدا او كاكاو مع ورد

 

[<miss botamba>]

ماكو حموله اختي اهو ماكو الا ريلي وامه واخوه الصغير
اذا بفصل راح افصل حق زوارات بيت ابوي
مشكووووره ياقلبي ماقصرتي الله يفتحها عليج :eh_s(7):​

اذا بالحاله هذي خلوا لكم يمعه شهريه مثلا في بيت اهلج تكون غدا او عشا وعزموهم (خالتج وعمج واخوه الصغير)


راح يستانسون من هالحركه



او



تكون في شقتج كل فتره وفتره يمعيهم على العشا وتكون بس حريم


خالتج وامج وخواتج