كل شي بيد الله بس جد متحطمة كثيررر

[aljori]

مساء الخير يالحلوااات...
والله اكتب لكم ونفسيتي تحت الصفر ...
انا تزوجت شهرين بسنة2006 وتطلقت لاسباب كثيرة ...طليقي ماتزوج لحد الحين ...الله يوفقه واسباب طلاقي منه قوية يعني مافي مجال ارجع له .....
بس اللي مخلي نفسيتي صفر ..اني لحد الان ماجاء نصيبي وماتزوجت والله اسأل نفسي مليون مرة أنا بنت اصل وبنت قببيله وجامعية وحلوة ومركزنا الاجتماعي قوي بس ليش ماتزوجت لحد الحين ؟؟؟
هل لاني امي اجنبية !!!
وحتى اخلاقي زينه وطيبه والكل يشهد لي بهالشي ...
بنات انا ما امدح نفسي لا والله بس هذي نظرة الكل عني ...
كل وحدة تشوفني تقولي غريبه وحدة مثلج ولحد الحين ماتزوجت!!!!
كلما اسمع هالكلمة اتحطم !!!
تعبت يا بنات والله تعبت الحين عمري27 سنه ...وكلما اجيب شغله لبنت اخوي الصغيرة يقولي اخوي عقبال ماتجيبين لعيالج
احس بحسرة وقهررررر واقعد ابكي ...صرت على كل شي ابكي
احس اني ماراح اتزوج ابد
هذا غير مرت اخوي اللي منكدة علي عيشتي ...
شسوي قولولي ...
لاتقولون لي ادعي ربج وصلي انا صليت ودعيت وقمت الليل ولا يأست من رحمة الله ...
حتى خطابات دقيت عليهم يا يجيبون لي واحد عمره بالخمسينات او واحد متشدد حيل او ....او....
يعني حتى الخطابات ما طلعت معاهم بنتيجه ...
أنا لو عايشة ببيت امي وابوي كان عادي ما فكرت بالزواج كان فكرت ابرهم واخدمهم
بس كلهم متوفين
وابي الفكة من مرت اخوي طفشتني بحياتي خلاااااااااااااااااااااااااااااااااص زهقت
ساعات اقول ليش تطلقت وساعات اقول لو ماتطلقت كان حياتي جحيم واصلا طليقي ماينعاش معاه ...
ردو علي بردود تبرد قلبي واللي تبي تجرح اقولها يعطيج العافيه لا تردين اللي فيني كافيني​

 

[kly 7ala]

الله يرزقج حبيبتي ويعوضج عن الي شفتيه خير بس انتي لا تفكرين حييل بالموضوع عشان صحتج ونفسيتج

 

[توليب بنفسجي]

رد : كل شي بيد الله بس جد متحطمة كثيررر

و الله مادري شقول لج حبيبتي
الحين البنات مو لاقين ازواج يعني فرص المطلقة هم بتكون قليله
بس انتي حاولي بالدوام عندج تلمحين لرفيجاتج اذا عندهم من اهلهم يبي يتزوج
خلي عماتج يدورون لج

 

[الرماسيه]

رد : كل شي بيد الله بس جد متحطمة كثيررر

لاتقنطو من رحمه الله

ترى مو بس انتى اكثر البنات مو متزوجااات

ومو حجه ان امك اجنبيه ترى حتى الاجانب قايم حظهم يتزوجون

 

[الجــادل]

رد : كل شي بيد الله بس جد متحطمة كثيررر

يعني الزواج هو الحل بنظرج؟

يمكن تزوجين واحد ياذيج

بمكن تزوجين واحد عقيم

يمكن تاخذين واحد زين وربي ما يكتب انج تعجبينه

يمكن تزوجين والله يرزقج بذريه مو صالحه

يمكن تزوجين واحد زين فجأه يصير له حادث وينشل وتصيرين له ممرضه

يمكن

و

يمكن

و

يمكن


الف احتمال واحتمال


السعاده مو بالزواج السعاده بالقناعه والرضا باللي قسمه ربج لج

وعسى ان تكرهو شيئا وهو خير لكم

واستعيني بالصبر لان خاتمه الصبر خير من ربي

وكبري عقلج الحياه ما توقف على ارتباطج برجال

تقدرين تدشين نادي

تبدين تجاره

تتعلمين لغه

تمارسين هوايه

قولي الحمدالله وتعوذي من ابليس

وطلعي نفسج من الدراما اللي انتي فيها وعيشي حياتج

 

[الشامريه]

الله يرزقج بالرجل الصالح يااارب

ماعندي حل:

زوجج ماحاول يرجعج؟
نار زوجج ولا جنة اخوج

 

[فوفو22]

رد : كل شي بيد الله بس جد متحطمة كثيررر

الخيره فيما كتبه الله لج

واكيد نصيبج موجود بس محد يعرفه الا رب العالمين

عيشي حياتج واشغلي نفسج بالدوام والنادي ...

ترى الزواج

مو على الحلات ....ولا جنسية الام.... ولا الشهاده

الزواج قدر ومكتوب من الرحمن ....

لا بيدج ....ولا بيد اي خطابه.... ولا بيد اكبر قصة حب

ممكن يصير يتم الزواج الا بإذن الله

فاستغفري ربج

فوفو

 

[aljori]

مشكورين بنات عالردود ....
الشامريه زوجي حاول يردني بس ما رضيت لانه الله يستر عليه ماينرجع له ...واخوي قال لي ان رحت له لاتعتبين باب بيتي ....
واللي تقول عمتي ولا خالتي انا لاعمام ولا خوال كلهم متوفين ...يادوب عيال عم عم عم ابوي هم اقرب شي لنا وحتى بديرة بعيدة عنا ومو ذاك الصلة معاهم
الجادل ...انا ادري السعادة بالقناعه مو بالزواج بس نفسي يكون عندي بيتي مملكتي الخاص امر وانهى فيها ..
اكل مثل ما ابي
اجلس على التلفزيون مثل ما ابي
حنا عندنا نظام بيت اخوي كننا يابانيين
الاكل بموعد محدد
العصر لازم اجلس معاهم لو ماجلست اسمع كم كلمة بالعظم
اذا صارت 12 ومانمت ليش سهرانه
وسوالف ...اخذي وخلي
هذا غير اني ما اطلع ولا اروح ولا اجي اي مكان !!!
يادوب المدرسة وبس!
طفشت من هالحياة
ساعات اقول ياليت لي اطفال من طليقي كان جالسه اربيهم واضيع وقتي معاهم ...

 

[اميرة-الاحجار]

اقري سورة البقره بشكل يومي والله لها مفعول عجيب ..
يمكن عليج نفس ولا عين ولا سحر ..
وتنفج عنج ابركة القرآن وسورة البقرة قويه حيل وفيها وايد ايات حق السحر والعين ..
عشان جذي وايد بنات لما يقرونها تتيسر امورهم .. سبحان الله ..

 

[Sweeta Girl]

رد : كل شي بيد الله بس جد متحطمة كثيررر

والله مادري شقولج يا اختي

كل شي قسمة و نصيب - الي عليج تدعين ربج و تتحملين وخلج متفائله والله يكتب لج الي فيه الخير

 

[aljori]

اميرة الاحجار قريتها وايد ...
والله استمريت عليها فترة طويله يمكن 3 شهور وقطعت بعدها رديت اقراء يمكن 4 شهور كل يوم
وبعدها صرت أقراء قران احاول اختم ...
ختمت برمضان مرتين بالرغم كان ودي اختم 3 مرات بس ماقدرت ...
واستغفرت وايد
وسويت اعمال خير ماحب اذكرها
بس احسها قفلت بوجهي ...
الحمدلله على كل حال

 

[f@rsaq8]

هذا الشيطان يوسوسلج كل ماقرب فرج الله لعبدة اييله و يأسة ووسوسله يخلية يقنط اويفتر عن ماكان علية >> الحجي حدة مو مرتب لانه حدر تعبانه من سهر .. فري بالقسم الاسلامي بتشوفين مواضيع مشابهة لحالتج الدعاء وتاخر الاجابة

 

[فوق المستوى]

لا تياسين وخلي املج بربج كبيييييييييير
وادي ربج ليل نهار
وكثري من الاستغفار والصدقات

والله يرزقج

 

[اشتياق]

الله يرزقج براحة البال يارب

 

[عاشقه القيصر]

الله يرزقج ويعوضج

 

[خيالة]

حبيبتي انت مكبره الموضوع لا تتوقعين ان الحل بالزواج انت بنفسج جربتي الزواج ما فادج
يمكن الله سبحانه مأخر زواجج لحكمة من عنده يمكن راد عنج شر انت ما تدرين الواحد يحمد الله على كل حال حاولي تتأقلمين مع وضعج وايد في بنات حريم اخوانهم مطلعين عينهم الله يهداهم جنه شريجتها مو حماتها
انتي تمسكي بكتاب الله وصلاتج لا تقولين قريت ولا صليت وماكو فايدة
الفايدة عند الله محد يعرفها غيره وعسى ان تكرهوا شيئا وهو خير لكم
لا تخلين تركيزج على الزواج الحياة فيها وايد اشياء غير الزواج
الله يفرجها عليج وعلى كل مكروب يارب وما اتم السنة الا وانت في بيت زوجج اللي يحفظج ويصونج ويستاهلج ان شاء الله

 

[LeeMa q8]

عسى الله يرزقج يارب كل شي بيد ربج رب العباد...

حبيبتي انا اعرف وحده مطلقه 5 سنوات وعندها بنت بعد وتزوجت اللعام والحين ماشاءالله حياتها مع زوجها الجديد ولا اروع ... وبينتها عندها وزوجها راعي سفرات وطلعات وحبيب معاها ..

يعني ياقلبي الله يرزق من يشاء ...

مثل سالفه الحماله كا انا وبنت خالتي متزوجين بشهر واحد كاهي اسم الله عليها ولدها بين حضنها عسى الله يخليه لها وانا ولاحملت ولا شي


كل شي بيد الله عسى الله يرزقنا ويهديبالنا

 

[نبض السعاده]

رد : كل شي بيد الله بس جد متحطمة كثيررر

النصيب

والله يرزقج ويرزقنا

 

[رحيق الجنه]

الله يرزقج بالزوج الصالح يا رب

عليج بالاستغفار ^^

 

[بدوية بملامح كشميرية 86]

الله يريح باااالج يااااااااااارب

ويروقج بالى تمنينه ياكريم