كل شي اسود وممل....

[قوتشي بنت LV]

السلام عليكم ورحمة الله


بدوووووون مقدماااات طويله :eh_s(4):

بنات اللي حاسه مثلييي تدش لعل وعسى نلاقي حل

انا صح عندي اكتئاب مرات وتعب وازهق من كل شييييئ
مع اني اصلي صح تقاطيع بس احسن من قبل بواااايد
والحين التزمت بسورة البقره يوميا الله يتمم علي ولعل وعسى اتحسن
بس احس مافيه شي يساعد بهالشي اشوف الناس والدنيا كلها كئيبه
احس كل شي صار ملل كل شي تافه الناس كلها صارت ممله
من سنتين او اكثر تقريبا احس هالاحساس بس اخر سنه زاد عندي
ماحس اني استمتع بشي حتى لو الشي يونس
والاغلب المحيط اشوفهم صارو جذي الغالبيه مكتئب والدنيا كلها ممله وبدون طعم
وكل شي ممل الواحد يسوي الشي بدون لايحس بمتعته
يطلع يروح يسوووووي هم ماكو فايده هم تحسين بكئابه
احس جنه الدنيا خلصت مادري شلون اوصف لكم اياه الشعور
بس حاسه ان الكل صار جذي مو الكل الاغلبيه طبعاااا
ابي منو حست بمحيطها جذي وشنوووو الحل
عشان نغير من نفسياتنا :eh_s(2):

 

[ashwaq1]

عليكم السلام
حبيبتي يمكن فيج حالة اكتئاب ليش ما تروحين عند عيادة الراشد للمشاكل الاسريه والنفسيه تستشيرين دكتور يمكن يساعدج لا تخليج روحج جذي وتفائلي بالحياه وصلي صلاة الليل والله صج تريح حيل

 

[قوتشي بنت LV]

عليكم السلام
حبيبتي يمكن فيج حالة اكتئاب ليش ما تروحين عند عيادة الراشد للمشاكل الاسريه والنفسيه تستشيرين دكتور يمكن يساعدج لا تخليج روحج جذي وتفائلي بالحياه وصلي صلاة الليل والله صج تريح حيل

اي انا صح فيني ورحت من قبل بس ماحس استفدت منهم شي
الادويه تغث وخلتني زياده حساسه مانفعت معااااي
ووإن شاءالله بحاول اداوم على صلاة الليل

 

[بنك بااستا]

حبيتي لبسي طبخي روحي السينما تسوقي سافري سوي مساج وأيد زين شربي جاي اخضر وابتعدي عن الطب النفسي وسيرته يا ساتر

 

[Tom ♥ Jerry]

,

غيري من حياااتج.. سوي اي شي
مارسي موهبتج تعرفي على اصدقاء جدد
شغلي اوقاتج بشي مفيد
اشتركي بدورات او اعمال تطوعيه

 

[قطرية كشخة]

اممممم بسالج عندج هدف تبين تحقيقين بحياتج يعني مثل شهادة عالية شهرة اعلام العمل على الوصول للهدف يروح الاكتاب

 

[MaKe-Up]

حاولي تسوين لج برنامج مثلا طلعه سفره او دقي علی رفيجاتج القديمات
تذكريهم سولفي معاهم او طلعات غدا روحه بحر حديقه اي شي يغير روتينج
شوفي باليوتيوب محاظرات تطوير الذات شغالات جذي
حاولي تشغلين نفسج بشيء تحبينه مثلا قراءه قصص روايات
تتعلمين طبخ او مكياج اي شيء تحبينه حاولي تسوينه

 

[زوجة حياتي]

حبيبتي كل ما تحسين بالضيق والحزن استغفري. واستغفري واستغفري
الا بذكر ألله تطمئن القلوب ول تقطعين صلاتج وداومي على قرائة القران حتى لو صفحة باليوم
وحاولي تطلعين مع رفيجاتج وتغييرين جو والبنات ماقصروو بالنصائح
الله يفرجها علج ويسعدج دنيا وآخرة

 

[بيبي2014]

حاسه فيج وعارفه شنو تقصدين
انا بهالفتره هذي احس امر بهالشي احس كل شي كئيب مافي شي يفرحني
اقول بيني وبين نفسي انا تغيرت ولا الناس صايره سخيفه وممله مع اني اطلع واروح واسوي الي بخاطري فيه بس هم بعد احس ما استانس

بس الحمدلله صابره ومتحمله ومضيعه وقتي بدراستي وبهالروايات والمسلسلات