كل حقوقية اتدش

[نادية_]

هاي

بنات انا طلع قبولي بوزاره التربيه وبرفض طبعا لانه الرااتب قليل 770 والشغل كرررررف وبصمه

ابي اعرف شنو احسن الاماكن غير الفتوى اللي 1800 ويبيلها واسطه من النوع الثقيل
وغير ديوان المحاسبة اللي يوظفوون ربعهم بس وهمبعد يمكن 1600 او اكثر

ياريت تقولي لني باقي الاماكن الللي فوق ال 770 وغير الففتوى وغير الديوان المحاسبه

يعني مثلا شركه نفط الكويت وباقي الشركات والدوام مريح ولا تعب وووو

البنك المركزي

مجلس الامه الخارجيه مجلس الوزرا

البورصه و التامينات وغيرها من الاماكن

وشاكرتلكم

 

[سيرين عبد النور]

يا هلا والله حقوقيه وبالتربيه

شوفي التربيه مكان طارد للقانونيييييييين وانا وحده افكر بعد الوضع اني انتقل مكان ثاني قولي ان شالله

بس اعتقد اذا رفضتي الوظيفه جنه تنطرين ٦ شهور على ما يرشحونج مكان ثاني!!

 

[السمبتيك]

صاجه اختي

الفتوى / التحقيقات / البلديه / ديوان المحاسبه / مجلس الأمه

هذيله الاماكن التوب للحقوقيين رواتبهم مغريه وتحتاج واسطه للقبول

عندج اماكن وسط
عندج التامينات / هيئة المعلومات المدنيه / وزارة الماليه / الهيئه العامه للصناعه

هذيله رواتبهم زياده 100 دينار عن باقي الوزارات ( هذيله الي يحضروني , اتوقع في بعد بس مااذكرهم )

عندج اماكن كلش رواتبها ماتفرق عن الدبلوم إلا 100 دينار ( للأسف ) اهم باجي الوزارات عموما

عندج القطاع الخاص رواتبهم مغريه وتعتمد على مجهودج

البنوك / النفط

تقدرين تروحين اعادة الهيكله وتسالين

وانا اليوم سامعه ان بنك برقان فاتح باب التوظيف


بخصوص رفض وزاة التربيه ، عادي ترفضين وعادي يحطون اسمج قبل 6 شهور

واذا تبين وزارة معينه سوي ربط احسنلج

 

[frawlah_83]

النفط رواتبهم عاليه حق كل التخصصات وفيها بونصات ووايد مميزات بس دوام وشغل وتعب وكرف ودوام طويل لي 3 ونص ... اتوقع مايناسبج لانه جنه انتي قايله تبين وظيفه بدون دواام !!

 

[نادية_]

شاكرتلكم ردودكم الحلوة

وتسلمون لي

اي انشالله برفض التربيه

انزين مجلس الامه جم رواتبهم
؟؟
وديوان المحاسبه منو اللي ماسكه لاني ماسمعت احد توظف فيه كلللللللللش؟؟


وعسى الله يوفقنا وياكم

 

[Peony]

هلا ناديه حبيبتي
ديوان المحاسبه معاشاتهم ١٥٠٠ تقريباً
بعدهم التحقيقات ومجلس الامه اقل اب ٢٠٠ او ٣٠٠ تقريباً
الفتوى الله اعلم جم معاشاتهم ماعندي فكره
والبلديه ماعندي فكره
وبالنسبه للهيئات هم الواسطات فيها قويه
بس انا لو مكانج ووزاره التربيه اذا قبلوني اوافق على طول لان اللي سمعته من موظفه هناك
تقول تبصم وتطلع ولا شغل ولا مشغله
والله يوفقج وين مارحتي انتي وانا وكل البطاليه الي مثلنا
موفقه

 

[سيرين عبد النور]

هلا ناديه حبيبتي
ديوان المحاسبه معاشاتهم 1500 تقريباً
بعدهم التحقيقات ومجلس الامه اقل اب 200 او 300 تقريباً
الفتوى الله اعلم جم معاشاتهم ماعندي فكره
والبلديه ماعندي فكره
وبالنسبه للهيئات هم الواسطات فيها قويه
بس انا لو مكانج ووزاره التربيه اذا قبلوني اوافق على طول لان اللي سمعته من موظفه هناك
تقول تبصم وتطلع ولا شغل ولا مشغله
والله يوفقج وين مارحتي انتي وانا وكل البطاليه الي مثلنا
موفقه

:krkrkr::krkrkr:

منو قالج*حبيبتي تبصم وتطلع!!
بالاداره القانونيه في اربع عيون عليج رئيسه القسم والمراقبه والمديره اذا محد طادج منهم الموظفات يعلمون عليج !!!!!!

واذا فلتي من الكل مجيد ورفعت ماراح تفلتين منهم*


صج ضحكت من ردج