كل بيبي جذي ولا لأ ؟!

[ليالي الماضي]

السلام عليكم

انا توني والدة صارلي 28 يوم ولدي احيانا يلهث
يعني يتنفس بسرعة هاذا شي عادي هاذا اول بيبي ومااعرف
اتمنى تردون علي بسرعة

 

[•Brown•Sugar•]

اول شي الحمدلله ع سلامتج

ثاني شي .. شلون يلهث؟
يتنفس من حلجه يعني؟ ولا مجرد تنفسه سريع؟
اهو طبيعي الياهل يصير تنفسه سريع وكل مايكبر يبطئ
بس اذا تحسينها بصوره موطبيعيه فحصيه عند طبيب لاتسكتين
حتى لو يكشفون بالسماعه العاديه مالت الدكتور يبين
راجعي فيه كلها 10 دقايق تطمنى احسن

 

[الكريستال]

حمدالله على سلامتج
راجعي فيه احسن ودفيه اخاف بردان

 

[سكر فتافيت]

حمد الله على سلامتك
ضرورى تراجعى خصوصا
اذا كان يلهث عند الرضاعه
لون وجهه يتغير
فى ارتفاع فى درجه حرارته
لاتنسى تطمنينا

 

[أوراق مبعثره !]

حبيبتي انا ساعات ولدي يلهث تنفسه سريع اتوقع عادي

 

[-فلانة-]

إذا قصدج تنفسه يصير سريع إي عادي حبيبتي طبيعي..
ومبروك ماياج و يتربى بعزكم.​

 

[ليالي الماضي]

مشكورين حبايبي على الردود
انا خوفتي وحدا يت تقول ليش يلهث مو زين يمكن يكون عنده فتحة بالقلب اسم الله عليه وعلى عيالكم

 

[ليالي الماضي]

اي يتنفس سريع

 

[ناتشوو]

اسم الله
الله يحفظه
روحي المستوصف
وتطمني ولا طوارى الاطفال
مايردونج اي مستشفى
حتى لو قالو جيبي تحويل مستوصف
قولي ولدي تعبان وبتطمن
الزبدة
الطبيب يفحص وتتطمنين
يمكن طبيعي ولا ربو ولا بداية التهاب بالصدر
وكلها سهالات بس تطمني وروحي