كل ام عندها طفل داون او فيه عيوب خلقيه متى اكتشفتي هالشي

[pinkigigi]

السلام عليكم
بنات انا سويت سونار
واكتشف الدكتور ان سماكة جلد الرقبه اسمك من الوضع الطبيعي
و الدكاتره قالولي احتمال كبير ان يكون مؤشر على ان الطفل مصاب بمتلازمة الداون او فيه عيوب حلقيه

وخذوا مني عينة دم و راح يطلع التحليل بعد 8 ايام

امهات اطفال الداون
منو اكتشفت هالشي بالحمل ؟ و قبل لا تولد
وشنو قالولها الدكاتره
وشنو رجحوا الاسباب؟

وهل خيروج بين انج تنزلين الجنين او تحتفظين فيه و لا لا
و اللي ما اكتشفوا هالشي
عرفتي متى
قبل الولاده ولا بعد الولاده؟


تكفون طمنوني

 

[t69hr]

السلام عليكم ورحمة الله وبركاته
عزيزتي
قل لن يصيبنا إلا ما كتبه الله لنا
السونار مهما شافو فيه
أو قالوا لك عن اللي فيه
ممكن يخطئ وممكن يصيب
والحمدلله على كل حال
غاليتي
أسأل الله العلي العظيم
أن يرزقك الطفل المعافى السليم
بلا عيوب خلقيه أو خُلقيه
----------
أنا بالسونار بالشهر الرابع
شفت طفلي
وسبحان الله حسيت إنه
من متلازمة الداون
الحمدلله كتمت بقلبي
ونطرت الدكتوره تتكلم
ما قالت شئ
ونسيت الامر
لما ولدت الحمدلله
ألحين عمره 7 أشهر
ويهبل
الله يحفظه ويصلحه
سؤال لك
؟؟؟؟؟
هل أنتي معترضه على قدر الله
عزيزتي
الله سبحانه وتعالى
بيده
كن فيكون
الحل
1- الايمان بأن هذا قدر الطفل واللي الله سبحانه وتعالى كاتبه لكم
2- توه للحين ببطنك ما أكتمل نموه
بإمكانك بإذن الله تغيرين قدره ؟؟؟كيف
لا يرد القضاء إلا الدعاء
الصدقه تقي مصارع السوء
قيام الليل والإستغفار
والألحاح بالدعاء
مع التذلل لله وحده لا شريك له
أكثري من قراءة القرآن
وأهم شئ الرقيه الشرعيه بإستمرار لك وللجنين
أكثري من السجود لله والدعاء
اللهم إني أسألك
طفل معافى سليم
كامل الخِلُق و الخلق
في غير ضراء مضره ولا فتنه مضله
عزيزتي
أطفال متلازمة الداون يهبلون
وراح تحبينهم
ولا يهمك كلام الدكاتره
لأن كل شئ بأمر الله سبحانه وتعالى
أرجو أن لا أكون أطلت عليك بالحديث
وشوفي الموضوع لعل وعسى أن يفيدك
http://www.q8yat.com/t896471.html
​

 

[ام ناييف]

انا اكتشفوه بالشهر الرابع
ما قالوا لي شي صراحه لما ولدت بلغوني
على كلام الدكتوره ان حرام اخرعج وهم نسبه منهم يتوفون اثناء الحمل او وقت الولاده
ودام انج مسلمه فانت راضيه بقضاء الله وشنو راح تسوين لما تعرفين انه مو طبيعي

الله ان احب عبدا ابتلاه والله اكيد يحبج

اصبري ما تدرين يمكن السونار غلط ناس قالوا لهم طفلكم غوريلا وجهه مشوهه
وطلع طفل جميل وشعره طويل مغطي على راسه كله ويشوفونه مشوهه بالسونار
لكن لان الام صبرت الله رزقها بطفل جميل

اصبري اصبري واكثري الاستغفار

 

[رتو الكيوت]

انتي اي شهر ؟؟؟
ياما قالو عيالكم مشهوييين وووولدوهم وكانو اجمل عيالهم

بس لو ولدج داون عااااادي انتي عايفه اجررر ؟ هالولد بيدخلج الجنه ان شاللله
وتراه مو صعب حييييييييييل الدنيا تطورت في مدارس خاص في العاب خاصه والحين الوضع عادي محد يستغربب

 

[أم الليالي]

السلام عليكم ،،
أنا لما كنت حامل من بعد الشهر الثالث صارت تقوللي الدكتورة بيبي صغير ، يعني مثلا أنا بالاسبوع العشرين تقوللي حجمه بالاسبوع الثامن عشر ضلت تقولي جذي حتى ولدت وسبحان الله طلع عندها شق سقف الحلق وثلاث ثقوب بالقلب والحمدلله على كل حال . بس أنا ما كنت أسالها ليش بيبي صغير :bbbiu: الله يشفي جميع مرضانا ومرضى المسلمين

 

[عزة وكبرياء]

هلا حبيبتي أنا عندي طفل داون خلودي حبيب الكل يهبل المهم :انا صارلي مشاكل في الحمل في الشهر الخامس ونزلت الماي وطبعا اسدحوني بالمستشفى وكل يوم سونار وتحاليل وماحد قال شي بس لما كنت اشوفه بالسونار كان يجيني احساس غريب انه موطبيعي وكان نتفة صغنون وولدوني بآخر الشهر السادس ولا واحد من الدكاترة قالي شي لبعد الولادة بشهر نادونا الدكاترة وقالو انه داون وعلى قولتهم ما كانو عارفين وأهو في بطني بس أنا كنت شاكة انهم يعرفون شي وخاشين عني والحمد لله ربي قدر هالشي ومانقدر نقول الا لا اعتراض على حكم رب العامين وللحين خلودي صغنون موعلى حسب عمره سنة وشهرين بس يفهم ويضحك ياحلو ضحكته وانشالله يكون سبب لدخولج الجنة {عسى أن تكرهوا شيئا وهو خير لكم}​

 

[modern]

خلي ايمانك بالله كبير وقل لن يصيبنا الا ما كتب الله لنا

 

[ديمــــــــــه]

اين كان خليك راضيه ومحتسبه وياما حريم ولدوا اطفال طبيعين واصحاء وربي ابتلاهم بمرض وهم كبار ماقدروا اهلهم يردون

عنهم شي

الحمدلله حتى ترضى والحمدلله اذا رضيت والحمدلله بعد الرضى < خليها على لسانك دايم

واتمنى لك ولطفلك السلامه من كل شر

 

[الصابرة المحتسبة]

رفع